MABARACIYAH

chp 3___4

                          *MABARACIYAH*
          

_hakkin mallaka_
_*sadi-sakhna*_
(Yar mutan Jama'are)
                                       

Link chapter
https://arewabooks.com/chapter?id=6273d156156f9eb3f299ade0

Free Page 3••4

_Shekarar yanzu_

Katsina____12:00pm

Layin tsitt yake baka jin komai sai kukan karashiyah wanda sukan fito da daddare domin nemo abincin su.
Daga ganin yanayin anguwar kasan masu hannu da shuni ne ke zama a cikinta.
Bisa la'akari da yanda kowanne gida ɗaɗɗaine bashida get,ruwa,da kuma wutar nepa mai kyau.
A hallayah irinta wannan anguwa akan rufe gidan kaman misalin karfe goma,hakanne ya sauƙaƙawa masu shirin shiga wani gida,wanda yafi kowanne gida a kusan wajen kyau.
Su ukune sanye da baƙaƙen kaya,da kuma junduma junduman hijabai,a yanayinsu sunyi kama da mata,saidai kuma yanayin kujarinsu akwai shakku idam matanne,koma matanne to kuwa basuyi kama da masu zama a gidaba suna rainon yaransu.
Ɗaya daga cikinsu ne ya kama katangar wajen ya hau,kaman dama danshi akayi wajen saboda tsabar ƙwarewa.
Saida ya daidaita zamansa a wajen kafin ya mikawa na kasan hannu.
Wani abu ya bashi a gwangwami yafara fesawa security ware tada zagaye gidan mai kaman spray.
Saidai daga yanda yake rike abin cikin kulawa kasan abin da alamar hatsari a tattare dashi,koma ince fiyeda haka.
Cikin abinda bai wice sakanni ba karfen wajen yafara narkewa kaman an zubawa kankara ruwan zafi.
Saida suka tabbatar yabada wajen da mutum zai iya shigewa kafin dukkkan su suka hau,tareda afkawa cikin gidan.
A yanayin yanda suka dire a tiles din gidan,yakai karar ya ankarar da hankalin mai gadin,saidai ko kadan hankalinsa ya tafi ga wata mata dayake mata magana a bakin get

wajen misalin karfe 11:30pm,a cikin magagin bacci mai gadin yaji bugun kofar gidan,tsorone ya ɗarsu a cikin zuciyarsa,dan yasan ba kowa bane sai barayi,shikuwa yanda yake gudawar nan,ko iskan suka saita masa jefarshi zatayi.
Har ya koma zai cigaba da kwanciyarsa dama ga sanyin da'ake,saikuma yaga rashin dacewar hakan,musamman da mutanen gidan suka yarda dashi suka bashi amanar kariyarsu.
Tashi yayi cikin sanyin jiki ya nufi bakin get din,duk da daga kaga tafiyar dayake kasan ƙara ƙadance zata saka ya koma daga inda ya fito.
Shuru yayi yana jiran yaji wanene,ga mamakinsa sai kuma yaji nishin mace,wacce take cikin mawuyacin hali.
"Wayyooo,maga allah daga gidannan ya taimakamin dan allah"
Saurin bude kofar yayi idonsa ya sauƙa kan wata mace,bazata wuce shekara ashirin da biyu ba,ga kuma ciki haihuwa ko yau ko gobe a jikinta.
Kayan jikin ta da kuma yanda take maida numfashi ɗaya bayan ɗaya ya isa ya tabbatarwa da mutum halin data ke ciki.
Karisawa wajenta yayi yadan bawa bakin kofar get din nisa kadan.
Durƙusawa yayi a gabanta tareda tambayarta cikim tausayawa.
"Baiwar allah lafiyah naganki a wannan wajen cikin yanayinnan da tsohon dare haka"
Hannunsa ta kama na hagun wanda yake kusada ita,tamkar dukkan rayuwarta tana jikin hannunasa,numfasawa tayi da ƙyar kafin tace,
"Bawan allah kai musulmine,kadubeni da idon rahma,a matsayina na ƴar uwarka musulma,wasune suke bina zasu kasheni,yanzu haka ƙishirwace ta kamani kaman zan mutu,shine na keso ka taimaka min da ruwan dazan sha dan allah"
"Toh amma baiwar allah bakya bukatar inda zaki zauna kuwa,bai kamata ki zauna a waje ba,idan na shiga gidan ma kinga ke kadaice a wurin"
"Ina bukatar hakan sosai,saidai kar na takuraka dayawa shiyasa kaga nace ka bani ruwan ma ya isa "
"Ahah baza'ayi haka ba,a wanann halin dakike ciki rayuwarki nacikin haɗari sosai,shigo daga cikin na kawo miki ruwan"
Har ta tashi zasu shiga sai idonta ya hango wucewar wani abu cikin gidan. Bata tantance menene ba kawai sai tayi  Saurin kama hannun mai gadin wanda yake kokarin juyawa wajen da idonta ya hango,hankalinsa ya bayar kanta ganin yanda ta rike mararta tareda sakin ɗan marayan nishi.
"Sannu baiwar allah,lallai kina ganin rayuwa kam,barina kawomiki ruwan koh"
Ɗaga kai kawai tayi,dan maganar ma ta gagareta.