MABARACIYAH

chp 19_20

*(¯'*•.¸,¤°´✿.｡.:*քʀօʄɨƈɨɛռȶ աʀɨȶɛʀֆ*.:｡.✿'°¤,¸.•*´¯)*

             *MABARACIYAH*
           (mai harshen damo)

тнε αвιℓιтү тσ gυι∂ε ιs тнε мσsт ιмρσятαηт qυαℓιтү α ωяιтεя cαη нαvε, ωε *_ρяσғιcιεηт ωяιтεя's αssσcιαтιση_* ωιℓℓ sнαяε тнεsε qυαℓιтιε.
          

_haƙƙin mallaka_
_*sadi-sakhna*_
(Yar mutan Jama'are)

                                       

Paid book #400
3131951977
Auwal sadiya
First bank

Mai turo kati kuma ta wanann number MTN
09035784150

Mutanen niger su tuntubi wanann number
+227 97 21 16 15

Naƙara shafin free har zuwa page 20,zuwa lokacin inka shiryah kazo a fara dakai ranar juma'a.

      _____________________
Assalamualaikum barkan mu da wannan lokaci *ABMAR COLLECTION* ina nan na kawo muku kayana masu kyau da sauki👌🏻
KAMAR SU:-
Atamfa, Atamfa Mai golden,💁‍♀️
Lace ,Shadda lace
Yadi, Shadda
Abayas💥
Kids wear
Takalmi, jaka, mayafai💥
Sleeping dress, kananan kaya na gayu🔥kayan kitchen,
DA DAI SAURANSU ina Sokoto ina tura kaya ko ina da izinin ubangiji mai son kayana pc ina maraba daku siyan daya ko sari👏🏻domin neman karin bayani sai ku neme ni ta wannan number waya👉08101521252
nagode kwarai da gaske💃💃

19••20

Tashi nayi na nufi kitchen inda inno take itada khairiyyah.
"Inno yah ammar yace gobe yana kan hanyar zuwa garinnan,wajen anty juwairah shida yayansa,zasuzo gaisuwa sannan kuma da zancen aurenta"
Shuru inno tayi tana tunanin,ni kaina nasan tunanin mai take,tana tsoron kar yaji abinda yafarune ya fasa aurenta,hakan yasake karya mata zuciya.
"Khamriyyah har ta faɗamasa a wayah cewa yazo"
Nan na faɗamata abinda khamriyyah tace na tunkararsa,idan  hakan bai yiyu ba shikenan.
Na'am tayi da zancen,gwanda taji daga bakinsa akan tayi ta wasiƙar jaki da zullumi.
"To shikenan zanyi ƙoƙarin yi mata magana akan hakan,yakamata tadaina wanann saka damuwar kam a ranta,abinda ya faru ya riga ya faru,tunashi da sakashi a rai ba komai zai haifarba sai damuwa"
"Yawwa mun gode inno,yanzu barina faɗawa khamriyyah to mu share office ɗin baba shehu"
Saida na faɗa ma na tuna ashe baba shehu wanda yake tamkar uba a garemu,komai namu yakan ƙoƙarin tsayawa,ashe sun lahantashi yana asibiti,gashi iyalansa sunce bazasu dawo ba,garinsu zasu tafi,karsu dawo azo a kasheshi gabaɗayah.
"Uhmm inno yanzu waye zai zama shugaban wajennamu toh?"
"Allah zai kawo sabrah,nasan bazasu bar wajen haka na,ni inaga abinda yafi a tsaya da ƙarbar yara,duk wanda aka kawo a turashi babban gidan marayu dayake katsina,nan gun babu tsaro sosai,musamman muna riƙe da yara mata,ganin wani yazo yayi abinda yaga dama ba abinda aka masa,wani ma ina tsoron yazo yasake mana rashin mutunci"
Duk maganar tanayine cikin damuwa sosai.
Saida muka saka anty juwairah a gaba kafin ta yi wanka ta shiryah,gashi sai janta muke da hira domin ta saki jikinta,dui bata kulamu ba amma fusakarta ta ɗan saki bakaman jiyaba.
Lace ta saka ruwan kwai da kuma hijabi coppea lokacin da akace sun zo suna zaure.
Zama tayi akan kujera tayi tagumi tana jiran su gama cin abinci.
Kallonta muke mu sakata a gaba,
"Anty juwairah in bazaki iyah zuwa ke kaɗai ba khamriyyah ta rakaki mana,nasan zaki ɗan fijin ƙwarin gwiwa"
"Uhm inaga ta rakanin,bazan iya cewa komai ba koda naje,abinda nake tunani kenan"
Shuru khamriyyah tayi dana kallleta,da alama batason zuwan,amma kuma ba ƙi amincewa ba.
Tashi tayi tabi bayan anty juwairan suka nufi zauren,har sunzo shiga na kama hannunta khamriyyah tareda ɗaga mata hannun,ita ta gane abinda muke nufi,dan haka ta ɗagamin kai tashiga wajen ni kuma na koma cikin gida.
Cikin sanyin jiki suka shiga wajen,su biyune suna zaune kulolin abincin kuma na gefensu,da alama sanann suka gama cin abincin.
Khamriyyah ce tafara gaishesu kafin ta koma can gefe ta zauna domin basu waje.
Shikuwa yayannasa yana ganin mun shigo bayan mungaisheshi yabara cikin office ɗin.
Kaɗan daga inda suke khamriyyah takejin maganarsu,duk da bazatace ga abinda suke faɗa ba,amma kuma daga gani bayani tafarayi masa ta kasa ƙarisawa,shikuma yana son jin ƙarshen labarin ya takura mata data bashi amsa.
Kukan data saki ne yasa khamriyyah ƙarisawa inda suke,maganarsa ce ta harzuƙata dan dama a kusa take.
"Mai naji kina cewa,kina nufin kicemin wani abu ya faru keba budurwa bace,tukunna ma yakike son na ƙarbi zancen,so kike na yarda dake......."
"Ahah ba buƙatarta dole saika yarda ba,da saika yarda take buƙata da bazata fara faɗamaka ba,saboda batason gina rayuwarta da kai akan ƙaryah shiyasa ta buƙacin kasan abinda yake faruwa.
Abinda ya faru da ita ba lafinta bane ba laifinmu bane ko kuma laifinka ,allah ne ya zana hakan cikin rayuwarta,bakuma dan baya sonta ba sai dan ya jarabata,kaikanka kasan anty juwairah ba ƴar iska bace,a.......a gabanmu aka yi mata abinda kowacce mace take ƙyamarsa a rayuwartah,taji labarinsa ma bare a ce a kanta ne abin ya faru.
Dan haka karkayi amfani da abinda ta faɗamaka kaci mutuncinta bayan wanda aka ketamata,bazamu juri ganin hakan ba sam.
Yanzu ta riga ta faɗamaka abinda ya faru zabi yana hannuka,tuwanka ka tallafi rayuwarta ka rufa mata asiri ka kuma taimaki maraicinta.
Ko kuma ganin koda kun zauna bazaka juri tuna abinda ya faru da itaba,toh domin soyayyar dakake mata yakamata ka fita a rayuwarta taji da wanda take ciki ma yanzu"
Ƙarisa maganar khamriyyah tayi tarefa ɗunƙule hannun ta tana roƙonsa.
Leƙawa yayi suka haɗa ido da anty juwairah wacce khamriyyah tasha gabansu ta tareta.
Kana ganin shima yanda sau ajiyar zuciyah kasan jikinsa yayi sanyi da abinda ya faru.
"Naji duk abinda kika faɗa ƙanwata,kuma abinda kika ce gaskiyane,amma zaki ɗan iyah bani wasu mintuna nayi magana da itah"
Janye jikinta tayi daga tsakanin su tareda fita bakin office ɗin,batajin abinda suke faɗa amma kuma tana kallonsu,dan yi tai kaman uwa mai kulada ɗanta lokacin dayake a cikin halin jinyah,bata ƙaunar wani abu ya sake raunanata bayan wanda aka mata koda kuwa masoyinnata ne.
Basuyi minti biyar ba da basu lokacin saiga anty juwairan tafito,fuskarta babu yabo babu fallasa.
Tunda suka tafi har dare yayi aka wanye lafiyah babu wanda yace ma anty ƙala a cikimu,ganin yanda jikinta yaɗan saki ta fara dawowa daidai ma ya ishemu,mai yiyuwa haɗuwar da sukayi da ya ammar ɗin ya rage mata wani abun daga raɗaɗin datake ciki.
Watanni sunja kaman misali guda uku bayan afkuwar lamarin,abubuwa da dama sun dan sanja,ciki harda komawar mu makarantar day,wacce muka shiga ta gwamnati a kusada anguwar tamu.
Wanda ya tsayamana baba shehu iyalansa sun dage akan bazai dawo garin ba,saidai inya zaba kowaje ko su.
Ta wani wajen banga lafinsu sosai ba,saboda shine tamkar bongo a garesu,idan aka ce ana barazana da ransa to hankalinsu bazai kwanta ba.
Shikuma mataimakinnsa shida lusari ɗayah suke,saboda sai yayi sati ma bai leƙo inda muke ba,dan haka saboda iyayenmu ga kuma anty juwairah da tana buƙatarmu kusada ita sai muka yanke shawarar shiga makaranta a gida kawai.
A ss2 aka ɗaukemu a makarantar,wannan shawarar khamriyyah ce wanda bamusan dalilinta ba,sanann dukkan mu ta bamu zabi akan wasu abubuwa kowa ya zabi inda yafi ƙwarewa,lokacin da mukaji abinda tazo mana dashi munyi matuƙar mamaki.
Saidai kuma hakan baisa ta sanja ra'ayinta ba,
"Mai kike faɗane khamriyyah,kowa ya zabi abinda yakeso akan mai toh?"
"Kinada gaggawa ƴar uwata,idan kika tsayah zakiji mai zan zayyana,abubuwan sunada yawa saidai kuma ga wasu daga cikinsu ,na farko akwai Likitanci,Badda kama,Kutsen na'urah, Ƙwarewa a soyayya,Salon kamanni kala kala,Training na juriyah akan komai,Salon faɗa na wayo,Sumame,Koyon taurin zuciyah,ƙwarewa wajen tuka abin hawa.
Kaman yanda na faɗamuku sunada yawa,inason a cikin ku biyu kowa ta ɗau wanda takeso nagani"
"Me kike faɗane khamriyyah kanki ɗayah kuwa"
"Kaina ɗayah kawai wani wasa ne,karki damu zamuga wazai ƙwarene idan kuka ɗauka"
Saurin ɗaga hannu khairyyah tayi tareda cewa
"Na ɗau kutsen na'urah idan wasane,dan gaskiyah inason wajen sosai"
Murmushi nayi ganin ashe wasane ta haɗa,
"Uhm ni naɗau fannin sace zuciyar mutum,dan fannin wajen zai bada citta shida badda kama"
"Da kyau toh ni kuma na ɗau sauran dukka,wasane amma kuma zai farane a yau ba kuma zai ƙare a yau ɗin ba,kowa zaije yayi iya ƙoƙarinsa wajen ƙwarewa a fannin daya ɗauka,lokacin da muka gama secondry idan da rai kowa sai a ga mai yasamu akan wajen,karku manta sirrine,kayi ƙoƙarin sanin naka domin ɗayah kada ya fika,na ɗauki sauran kafin a samu wanda zasu ɗauka"
"Wow abin yayi amma inaga ki saka deen a ciki,dannasan zayyi"
Na faɗa tareda yin dariyah,zanso idan ƙarshen wasan yayi naga mai game over,nikuwa duk yanda zanyi saina ƙware a jawo hankalin wani,sannan kuma da badda kama kaman yanda na ambata.
Wasa wasa abu har yayi girma,dan kowa ta dage wajen ganin nan da lokacin da aka saka karawar wasan to ta ƙware sosai.
Da zuciyar mu ɗayah cikin sigar wasa muka amshi abinda khamriyyah tazo mana dashi,sannan ko yaushe muna cikin yin training ɗin kare kai daga mai kawo farmaki,wanann bamu kawo komai ba,sai muka ɗaukeshi a matsayin dan abinda ya faru da mune a ranar da akayiwa anty juwairah fyaɗe,suma su inno basu hanamu neman yanda zamu kare kanmu ba.
Idan muka dawo daga makarantar safe,khariyyah tana tafiyah wajen masu computer ne domin koyah,nikuwa ko yaushe inabin diddgin labaran jawo hankali da kuma na wasu abubuwan daban.
Abinda yafi bani mamaki da khamriyyah shine,wani lokacin daga munje makaranta take ficewa,idan nabita na tambayeta saitace zata faɗamin,kuma abin mamaki tana riƙe duk wani abu da'akayi a aji koda kuwa bata nan akayi.
Tun muna na marmari saikuma abin yadawo fara bani tsoro,anyah kuwa kalau.
Dana yiwa khairiyyah magana akan lamarin saitace ni tsoro ne dani,ita ba gudu baja da bayah dama tanada sha'awar ƙwarewa a na'urah sosai,yanzu gashi tasamu dama kuma inno ta barta.
Nima ganin hakan yasa na cigaba da karatuna sanann dayin bincike akan fannin dana ɗauka,shima deen dayake ya dawo hutu,sai ya ɗauki na tuƙi,so yake ya ƙware wajen wana mota da kuma samo bayanai akan duk abinda yasaka a gaba.
Abinda na kulada shi da khamriyyah,takan bawa abin muhimmanci sosai,kaman rayuwarta ta ginu akai,amma idan nayi magana kuma sai tace kawai wasane,nima ganin hakan yasa nace wasane kawai.
Karatu muke amma kuma har gaba da namu karatun,dan in bincike yazo maka har sama kake zuwa ka nemo,saboda kar wani ya wuceka.
Duk abinnan da muke ba wanda yasani,dan khamriyyah tace yazama sirrine tsakanin mu,lokacin da khariyyah ta buƙaci inno ta barta zuwa koyon na'urah hanata tayi,ita kuwa ganin hakan yasa ta faɗamata gaskiyah.
Yanda tayi mata bayani bata fahimci abinba,amma ganin sana'ace kuma tace kar a wuceta,sai kawai ta barta tayi.
Wani lokacin idan na tuna yanda muka yarda da tsarin khamriyya kuma muka bashi muhimmanci sai abin yabani mamaki.
Yanzu khamriyyah wani lokacin ko kowa bai sani ba saita fice daga gidan,wannan abin ya fara damuna,musamman da koyaushe sai tace na taimaka mata,nikuma nakan kasa ce mata a'a,gashi na tambayeta ina take zuwa tacemin kada na damu.
Yau ma tsaye nake a bakin ƙofar gidan ina leƙa hanya ko zan ganta,nayi ƙaryah nace tana gidan wata amaryah maƙwabciyarmu,ita kuma inno tace lallai saina ƙirata .
Gashi bata dawo ba har sannan ,bazan iya komawa nace ban ganta ba,dan haka na kwammaci nasha faɗan nima na zauna a wajen .
Hangota nayi da babban hijabinta da kuma jakarta a lanƙaye,kanta a sunkuye tana tafiyah cikin nutsuwa,a raina nace kaman ba itace mai ficewa ba a saniba,duk da har cikin raina inada tabbacin kashi casa'in cikin ɗari ba wani abin tirrr take ba,kawai dai a rayuwarta tana son sirri,ba komai takeson a gane tanayi ba.
Kama kunkumi nayi tareda murtuƙe fuska ina kallon ta da kuma tsimayin ƙarasowar ta,tamkar yanda uwa take idan ta aiki yaro ya daɗe.
Dariyah tasaka tareda rungumeni tana cewa,
"Ƴar uwata ta kaina,kiyi haƙuri kinji,nasan na sakaki a damuwa,amma bazan sake ba koda nasake ma kaɗan zanyi"
Nima rungumeta nayi tareda cewa
"Nidai kisan yadda zakiyi ki kareni a wajen inno,dan nasan sai ta kusan yin babbakena idan na shiga"
"Karki damu wanann mai sauƙine,godiya nake buhu buhu da taimakonki sabrah tah"
"Uhm nadaiji,muje toh"
Dafa kafaɗarta nayi muka shiga cikin gidan,yaran gidan duk sun tafi makarantar isalmiyyah,tunda muka yi sauƙar farko bamu koma ba.tacan tacan sallamar ƴan garko.
Muna shiga na haɗa ido da inno tana kallona,da alama dadewar danayine,jan hijabin khamriyyah nayi da ɗan ƙarfi alamar tayi magana,aikuwa cikin ƙarewa tayi wata ƴar dariyah tareda ƙarisawa wajen innon,iyah wayancewa kam ta yi degree a wajen.
"Ah inno dama fah danaje gidanne ta roƙeni akan na rakata ƙarbo ɗinkinta a bakin kasuwa,to damuka je bai gamaba saida muka ɗan jirah,ita kuma sabrah data tambaya akace muna can sai tabimu shine muka daɗe"
Shuru tayi alamar kaman bata yarda ba,
"Inno hakane amma da nasan zata daɗe bazan rakata ba kinsan"
"Naji amma ya zama na........."
Katsewa tayi da maganar bata kai ga ƙarisawa ba,jin kakarin amai a gefenmu,idonmu muka zuba mata ganin yanda take zuba amai kaman mai shirin fitar da kayan cikinta.
Nice na ɗauki kofi na ɗebo mata domin ta wanke bakinta,inno kuwa ƙiƙama tayi kaman kungi.
Tsugunnawa nayi ina mata sannu tareda miƙamata kofin.
"Sannu anty juwairah,bakida lafiyane?"
"Uhm sabrah banajin daɗi kawanannan,tashin zuciya nakeji da kuma zazzabi"
Kama hannuna tayi muka tashi domin komawa ɗakin,haɗa ido mukayi da inno wacce take jijjiga kai idonta yana zubar da hawaye.
"Innalillah,ke kuma haka allah yake jarrabarki ƴar nan,allah yabaki ikon cin jarabobinnan,mu kuma allah yabamu ikon kulada ke da kuma ɗauke miki kewa"
Mai inno kuma take faɗa,na ayyana a raina,tashi ɗayah yanzu take min faɗa nida khamriyya amma kuma yanzu ta koma matsar ƙwallah.
Matsawa tayi kusada anty juwairah tareda duba hannayenta,sanann ta buɗe cikin idanunta.
Jan ajiyar zuciya tayi kafin takama hannunta suka zauna.
"Juwairah inaso ki saurareni da kunnen basirah kinji.
Da farko kawamana ke akayi cikin gidannan a kan tsumma,kuka da ƙyar kikeyi saboda wahalar dakika sha a juji ba'a ganki ba.
A lokacin ke ƙaramace bakisan komai ba sannan bazaki iya yiwa kanki komai ba,haka muka tallafeki muka raini raguwarki,da da rana ɗayah bamu taba tunanin ƙyamarki ba saboda koba ta hanyar aure aka haifeki ba ko kuma wasune suka saceki,kawai muna kallonkine a matsayin ƴar mu,farincikinmu sannam kuma mai buƙatar taimakonmu.
Saboda mun riga mun san babu wani laifin ɗa dayake shafar yaro,saidai idan shima shine yayi nasa laifin,kowanne ɗa daidai yakeda kowanne yaro,bai hallata a matsayinka na musulmi ka cutar da ɗan adam ba kawai dan iyayensa sunyi laifi.
So nake yanzu na tambayeki,idan aka baki yaron da iyayensa suka miki laifi,basu kasance masu aikata daidai ba,hasalima yaron bata hanyar aure yazo ba,kuma yana buƙatar taimakonki,shin zaki rungumeshi ki lullubeshi da ɗuminki,ki tallafi rayuwarsa? Ko kuma zaki yi biris dashi ki juya masa bayah,koda kuwa yana kukan neman ɗauki?"
Tunda inno tafarayin magana ba iyan anty juwairah ba muma kallonta muke da mamakin tambayarta.
"Zan tallafeshi inno,zan yi masa duk wani iya ƙoƙarina dazan iyah,badan nima anyi min ba,sannan bazan duba iyayensa ba zanyi masa abinda yadace,har lokacin dazai fara yin komai da kansa.
Kuma bazanyi nadamar hakan ba har cikin zuciyata nake faɗa"
"Mashaallah nagode da amsarki juwairah,dan dama nasan zanji hakan,kinsan mai yasa na tambayeki?"
"Ahahh ban sani ba"
Hannunta takai ta ɗora akan cikin juwairah tareda yin murmushin takaici.
"Juwairah tun wancan nafara ganin alamun ciki a jikinki,ban tabbatar ba da farko shiyasa nayi shuru,amma yanzu alamunsa ya bayyana a jikinki sosai,tambayar danayi miki bada kowa nake ba saida uban cikin jikinki.
Yah cutar dake ya wargaza mutunciki a gabanmu,sannan mai kasance mutum nagari ba,amma kuma gashi ɗan sa dake jikinki yana buƙatar taimakonki,ko tsoka babu a jikinsa sai gudan jini,kowanne abu zai iyah cutar dashi,dake aka haɗashi ki bashi kariyah,shin zaki cutar dashi ta hanyar zubarshi ko kuma hantararsa idam kin haifeshi,ko kuma zaki tausaya masa da kaddarar dashima ta zanu a rayuwarsa,ki bashi tarbiyyah kaman yanda aka miki?"
Hannunta ta maye gurbi aka cikinnata lokacin da inno ta ɗauke nata hannun,kallon cikin take kaman wanda zataga ɗan a ciki kwance.
Kuka ta fashe dashi tareda matse hannun akan cikinnata,daga gani jitake ina ma mafarki take data farka daga baccin.
Cikin raunin muryah ta kalli inno tareda cewa
"Tambayar yanzu tayi tsauri nabada amsarta yanzu ina buƙatar lokacin,saboda barin cikin harda alaƙata da ammar zai shafa,dam haka ina buƙatar yin tunani idan zan samu dama"
Itama inno hawaye take kafin tace,
"Kinada damar yin tunani tsawon yanda kikeso,ina fatan kiyi zabin dazakiyi nadama ba,amma duk wanda kika zaba ni mai baki goyon baya ce"
Daga kai tayi da maganar innon kafin ta tashi tashige ɗakinta.
Sai a lokacin na kulada hawayen dayake zubomin akan kumatuna lokacin da anty juwairah tabar wajen.
Khmariyyah kuwa ko motsi batayi,da alama ta tafi duniyar tunani.
Tundaga inda abin yafaru a cikinmu babu wanda yasake tada maganar tamkar ba'ayi shi ba.
Saboda wannan ba kyakykyawan labari bane daza'a dunga watsashi ga mutane.
Wata biyu sun shige,zuwa lokacin cikin anty juwairah ya tafi wata biyar,yayi wata fitowa tamkar cikin wata bakwai,mudai yanda muke ganinta bamuga wani abin tashin hankali a gareta ba,muma sai muka kwantar da hankalin mu muke ƙoƙarin nuna mata komai ba komai bane.
Duk da bata samu inno ta faɗamata zabinta ba,amma kuma ganin an ɗebi lokaci batayi ƙoƙarin cutar da cikin ba ko kuma cutar da kanta hakan ya nuna ta zabi ta raini cikin akan ta zubar dashi.
Wanda hakan yasa inno ta jinjina mata da juriyarta,sannan ta zage dantsen kulada ita har zuwa lokacin dazata haife cikin.
A zaune nake a ƙasa kan tabarma,ita kuma anty juwairah tana zaune akan kujerar da kwanon ɗan sululu akan cinyarta wanda maman yara tayi mata. ƙafarta nake matsamata wacce tayi suntum kaman an hura baloo.
Mu kaɗaine a wajen khariyyah ta tafi shagon computer ogansu ya ƙirata,ita kuma khamriyyah tayi ficewar tata,a cewarta ta tafi isalamiyyah,wanda nasan ba can ta tafiba,kawai dan inno tayi shurune.
Magana nake tayi amma banji anty juwairah tace komai ba,ɗaga kai nayi naga ta tafi tunani,ga kwanon a cinyarta amma bata ciba.
Ta bata nayi a cinyarta wanda hakan yasa ta zaburah kaɗan.
"Anty juwairah wanann zurfin tunanin dakikeyi kinsan fa da matsala,dan allah ki daina.
Kuma yakamata ma kifara zuwa awu yanzu"
Ɗan murumushi tayi tareda saka ɗan sululun a bakinta.
"Hmmm sabrah don na zabi cigaba da kulada cikinnan da kuma maida komai ba komai ba,wani abin bazan iya ba,taya zam iyah zuwa awu kaman yanda masu cikin sunnah suke zuwa,taya zan daina tunani na dunga murmushi kaman yanda masu miji da kuma cikin sunnah suke,kodah nace zanyi bazan iya ba,karki manta inafah da tabo a cikin zuciyata wanda har yau zubarda jini yakeyi bai warkeba,kodah na takura kaina wajen bashshi ya warke bazan iyaba sabrah"
Kukane yake son kubcemata amma taƙi bashi damar hakan,kallon cikin tayi tareda shafashi sanann tacigaba da cewa.
"Idan nace ban tsani uban cikinnan ba nayi ƙaryah,idan nace banasonsa kuma bana jin haushinsa a lokaci guda to kowa yasan ƙaryah nake.
Ina sonsa sosai,sannan inda burin riƙesu har lokacin da allah zai rabamu,amma bazan daina tunanin abinda ya faru dani ba"
Maikuma nake dashi dazan ce bayan naji abinda tafaɗa kuma,dole shuru nayi ina zullumin abun a raina.
A raina na cigaba da yimata fatan sauƙa lafiyah,sannan kuma dafatan sauƙi a lamuranta.
Tafiyah ta tafi,cikin anty juwairah yazama ƙato,duk wanda ya ganta sai ya sake waiwai yawa saboda girman cikin.
Komai yanzu yimata ake,duk da tana ƙoƙarin motsa jiki sosai,zuwa awu kam taƙi yarda taje,tunda ga dawowarta daga katsina zuwa shari'ar maryam bata sake fita waje ba har zuwa yau.
Dan haka inba mutum shigowa yake ba sosai bazai ganta ba ma.
Daff da haihuwarta sai ta fara kumburah sosai ,abin har ya wuce na lafiyah,ga ciwon kai da jiki datake fama dashi,amma kuma taƙi zuwa asibiti,idan an ce ta fita duk hankalinta sai ya tashi.
Haka muka zubamata ido babu yanda zamuyi.
Wataran mun dawo daga makaranta itakuma ta fito a banɗaki,babu zato babu tsammani sai ganin zubewarta mukayi akasa,jikinta ya ɗebi rawa kar kar kar.
Khariyyah ce ta ƙwalawa inno ƙira itada maman yarah,da gudu suka iso wajen suna dubawa.
Nida khamriyyah kuma muka fita da gudu neman mota a waje.
Kayan makarantar da bamu cireba kenan aka nufi asibitin tareda mu.
Tana kan cinyar inno a gidan baya itada maman yara,ina gaba wajen direba khamriyyha kuma tana gefensu.
Lokaci lokaci nakan leƙawa ina ganin yanda numfashin ta yake sama sama,ga ritsetsen ciki a jikinta kaman wanda zata haifo ƴaƴa biyar.
Gado suka turo da gudu aka ɗauketa sai cikin asibitin.
Sauri sauri suke ganin halin da take ciki,wata nurse ce naji tana cewa,
Wai jininta ne yayi mungun hawa saboda yawan tunani datakeyi,ga kuma ciki wanda hakan ya haifar da matsala babba.
Tambayar da nurse ɗin tayimin ita ta tsayar da fitar numfashi na cak,dan ban san mai zance da ita ba

"Ina katin awunta kuje ku ɗauko,tana cikin mawuyacin hali,sannan idan babu shi to bazamu tabata ba saidai kuje asibitin kuɗi"
Shin cewa zan ce batada shi,saboda bata ta'ba zuwa awu ba,ko kuma haƙuri zan bata.
Taya zamu shawo kansu su dubata a halinda take ciki,ni bansan ma mai zanyi ba a lokacin,kai na yayi mungun yin murfi.
Wannan ita ake ƙira da rayuwa.
Idon khamriyyah nagani yanda ta zubawa nurse ɗin jan idonta,a raina sunan allah nake ƙira yayi mana tsarewarsa,dan kuwa da alama wani abu take shirin yiwa matar,wacce tazage sai magana take mana babu alamar imani a tareda itah.

Anan kam free ɗinku ya ƙare,duk mai buƙatar sanin mai zai wakana a littafinnan toh ya kasance dani ranar juma'a,a PAID group domin cigaba.
Karku manta naira 400 ne zai biyamuku buƙata.

3131951977
Auwal sadiya
First bank.

Taku
_sadi-sakhna_
Ƴar mutan jama'are.