MABARACIYAH

chp 11__12

*(¯'*•.¸,¤°´✿.｡.:*քʀօʄɨƈɨɛռȶ աʀɨȶɛʀֆ*.:｡.✿'°¤,¸.•*´¯)*

             *MABARACIYAH*
           (mai harshen damo)

тнε αвιℓιтү тσ gυι∂ε ιs тнε мσsт ιмρσятαηт qυαℓιтү α ωяιтεя cαη нαvε, ωε *_ρяσғιcιεηт ωяιтεя's αssσcιαтιση_* ωιℓℓ sнαяε тнεsε qυαℓιтιε.
          

_haƙƙin mallaka_
_*sadi-sakhna*_
(Yar mutan Jama'are)

                                       

Paid book #400
3131951977
Auwal sadiya
First bank

Mai turo kati kuma ta wanann number MTN
09035784150

Mutanen niger su tuntubi wanann number
+227 97 21 16 15

Naƙara shafin free har zuwa page 20,zuwa lokacin inka shiryah kazo a fara dakai ranar juma'a.

      _____________________
Assalamualaikum barkan mu da wannan lokaci *ABMAR COLLECTION* ina nan na kawo muku kayana masu kyau da sauki👌🏻
KAMAR SU:-
Atamfa, Atamfa Mai golden,💁‍♀️
Lace ,Shadda lace
Yadi, Shadda
Abayas💥
Kids wear
Takalmi, jaka, mayafai💥
Sleeping dress, kananan kaya na gayu🔥kayan kitchen,
DA DAI SAURANSU ina Sokoto ina tura kaya ko ina da izinin ubangiji mai son kayana pc ina maraba daku siyan daya ko sari👏🏻domin neman karin bayani sai ku neme ni ta wannan number waya👉08101521252
nagode kwarai da gaske💃💃

11••12

____Garin daurah a shakerar 2008_____

Garin daurah garine ba wani babba sosai ba,amma kuma kowa dayake anihin cikyakykyen ɗan arewancin nigeriya to kuwa yasan labarin garin daurah da kuma irin tarihin daya ƙunsa a ciki.
Kama daga tarihi harda tarihihi yazo mana da yawa wanda garin daurah ya shiga ciki.
Duk kasancewarsa ba wani gari ne babba na azo a ganiba,amma garine da'ake cewa,Jinka yafi ganinka.
Akwai gidaje dayawa kana da iyalai da yawa a garin,zaka samu wanann ya haɗu da wannan,wanann ma ya haɗu da wannan,saidai mu bama ɗayah daga cikin wanann ahali na garin,duk da muhallin mu yana cikin wannan gari amma kuma babu tabbacin muɗin ɗayah ne daga cikinsu.
Dan mu tamkar tsuntsayen dasuka nemi alfarmar zama a shiƙar wasune saboda basuda iko da kuma ƙarfin yin tasu shiƙar,koda sunyi ma su ba ɗayane daga cikin su ba,saidai su rungumi iyah kansu,amma fah su barene a wannan wajen.
Mai karatu bazaka fahimta ba koh,saboda nasaka ka a duhu,kayi haƙuri yanayin rubutunne yazo da haka.
A taƙaice dai ba tareda zagayen ɗan wake ba danake dakai a cikin kwano,sunana Sabriyyah,na tashi na buɗi ido banida kowa banida wanda zangani a matsayin jinina sai ƴar uwata khairiyyah wacce muka zo duniyah tareda itah,amma inji wanda suka tsince mune suka tabbatar da hakan,dan ba uwace garemu ta bamu labarin yanda muka shigo duniya ba,uwar muce ta biyu data rainemu ta bamu wannan labarin.
Dukkan gidan marayun na garin daurah haka yake cikeda tarin yara kala kala,wasu sunsan iyayensu guduwa sukayi suka barsu,wasu kuma 'bata sukayi shikenan aka kawosu nan,wasu kuma iyayensu ne suka haifesu bata hanyar aureba dan tsoron kunyar bazasu iyah fuskantar duniya suna tareda su ba suka kawo sunnan,ko kuma suka ajiye a inda za'a gani a kawosu wajen.
Sai kuma rukuni irinna mu,wanda zai iya fin kowanne muni kuma zai iyah fin kowanne kyau,shine an kama wata mata ta ajiye mu a wajen da zamu iyah a hallaka a tsakanin kowacce daƙiƙi kuwa.
Masu tsaron dare sun bita lokacin da suka ga ta zefa mu a cikin ruwa amma kuma basuyi nasaraba,nasarar ɗayace da sukayi nasarar fito damu daga cikin kogin,kana ganinmu kasan sabuwar haihuwa dan ko cibiyarmu ba'a rababa muna haɗe da juna nida khairiyyah.
Shin itace mahaifiyarmu,in kuwa itace ta kawomu duniyah to tafi kowacce uwa tantiranci,wace uwace zata iyah kashe ƴaƴan ta har guda biyu.
In kuwa ba ita ta haifemu ba to aiki aka bata na kashemu,kokuma ita tayi hakan dan wani kuɗirinta.
Inkuwa hakane to duk wanda yayi hakan ba son mu a raye,da akwai lauje cikin naɗi gameda wannan abin!!...
Babu abinda muke sai kuka,dan shikaɗai ne abinda allah yabami ikon yinsa a lokacin,gidan marayu na garin daurah aka kaimu,dan a lokacin shine waje mafi kusada inda aka tsince mu.
Allah sarki uwar kirki jarumar uwa kuma jajirtacciyar uwa,wato uwar marayun gidan INNO,ta raini yara batasan adadinsu ba tsawon rayuwartah,tun tana da shekara talatin da mijinta ya rasu,ta fara aikin rainon yara marayu marasa galihu,duk da cewar bata ta'ba haihuwa ba amma kuma a sanina babu wanda ya kaita yawan yara da kuma wanda take ƙira a matsayin nata.
Muma muna daga cikin rukuninta,shiyasa rayuwa tazo mana da sauƙi,ba kaman wanda suke sashen HAJJAH ba,hantara da ƙyara ma ya ishi mutum,kullum cikin masifah take da kuma cewa ita tagaji,musamman idan akace ba'a biyasu albashi ba,sannan zakaji masifarta sosai.
Saidai duk da hakan tanada halin kirki,wanda yashiga yafita a lokacin to babh abinda zai faɗa sai rashin kirkinta,amma mu da muka tashi a gabanta munfi kowa sanin halinta,tanada tausayi sanann tana son mu sosai,matsalarta ɗayah bata son wasa irinna su Inno da kuma MAMAN YARA ,yanzu zakasha sanda idan ka kawomata wargi.
Mukuma yara gagararru na gidan da muka ga haka sai yawancin wasan mu da tsokanar mu ta koma kanta.
Dan dama sune abokan wasan mu ,a takaice dai iyaye kuma kakanni,saboda su debe mana kewa da kuma shaƙuwa ta iyaye da bamu samu ba.
Inno itace ta shayar damu da madara,wanda gwamnati take bayarwa,duk da kunsan yanayin tsari na gwamanatinmu,idan ba'a kawo ba da kuɗinta take siya mana.
A lokacin ita kuma Hajjah tana rainon Maryam da kuma shukurah.
Saikuma Maman yarah tana rainon yara huɗu lokaci ɗaya,ciki harda Zaharaddeen da kuma faridah.
Kasancewar kanmu ɗayah sai muka tashi tare kusan mu tarah.
Rashin ji da kuma neman magana ba zancensa,dan inkaji gidan yayi shuru to fah bacci mukayi,inkuwa aka ce safiyah tayi toh bazaka sakejin shuru ba,musamamn idan muka saka Hajjah a gaba,tana binmu muna gudu,sauran suyi ta mana dariyah.
Anty shamsiyyah ce ma da anty juwairah suke hanamu,ita anty shamsiyyah ƴar ɗakin mu ce wajen inno,anty juwairah kuwa ƴar ɗakin hajjah ce,.
Allah baya haɗa biyu,ita anty shamsiyyah faɗane da itah,ita kuma anty juwairah sanyi ne da ita kaman ƙanƙara,idan hajja tana fadanta sai dai tayi shuru,gasu su ƙadaine a lokacin sukayi saura a manya a gidan,dan anyi auren sauran sa'anninsu,mazan kuma sun tafi bayan an basu sana'a,wasu kuma sun gudu neman kuɗi,yayinda wasu kuma aka ɗaukesu,
Duk da cewa kowannne yaro burinsa a ɗaukeshi,sanann ana masa murna idan ya samu hakan,nikuma na tsani a ɗaukeni ko kuma wasu daga cikin ƙawayena,ita kanta inno bata son a ɗaukemu nida khairiyyah,dan tafi ji damu akan duk yaran data ta'a riƙewa,saidai babu yanda zamuyi idan aka tafi da sauran,saidai muyi kukan lokacin daga baya mu manta.
Duk da mun taso gida ɗayah da yawanmu,kuma ba jini ɗaya ba,saidai kuma akwai tarbiyyar da su inno suke koya mana na haɗin kai da kuma rungumar junanmu.
Shekarun anty juwairah a lokacin baifi sha biyar ba amma su suke mana wanki,kitso da kuma sauran kana nan abubuwa,musamman anty juwairah a akwaita da jan yaro a jiki,shiyasa muka saba da itah sosai,muke ganinta tamkar ƴar uwarmu ta jini.
Shekarar mu biyar inno tace a kaimu makaranta mufara karatun boko,da kuma na arabi,dan a halin da muke ciki shine gatan mu bayan allah.
Makarantar babu nisa sosai dan haka da ƙafa muke zuwa muna dawowa,a hanya kullum sai ansha faɗa hadda fasa baki,wani lokacin a tsakanin mu idan muka nufo hanyar gida,wani lokacin kuma da sauran yara ƴah makarantarmu.
Yau ma kamar kullum an tasomu ƙarfe shabiyu,saboda yanzu mun shiga aji ɗaya na primary,su fareedah tun dazu suka tafi gida,su suna nursery three,,
Nida deenne muka shawo kwana muna dariyah,yayinda maryam da khairyyah suke binmu a baya suna kuka sai sun rama dukan da mukayi musu.
"Karka bari su kamaka su rama irinna jiyah,dan nakula maryam tana gudu sosai,amma waccan kam lusarar baya ce"
Nafaɗa ina nuna khairiyyah wacce take can baya.
Ita maryam ba sosai take kuka ba,amma khairyyah kam...sakaliyar inno kakeji,komai kuka zatayi wani inya gani sai yace nafita da shekara guda ba mintuna kaɗan ba,saboda yanda take sakaliyah ga son jiki,kuma ma da ƙarin taimakon inno,dan tafiji da ita fiyeda ni,in an jimu da itah toh tsokanar khairyyah nayi kokuma na ƙwace mata abun wasa.
Binmu suke a bayah,takalminsu a hannu,khairiyyah kam hijabinta ma a hannu yake da jakarta.
"Wlh sabrah idan baki tsaya na rama ba saina faɗawa inno"
"Yeeee ki faɗa ɗin,iyakaci tace bazan bita ƙyauye ba,naji ɗin saina zauna a wajen anty juwairah"
Na faɗa ina dariyah tareda yimata gwalo,hakanne yasake ƙularta ta fashe da kukan dayafi na da ma yawa.
Nikuwa abinka da yaro daɗi naji nasaka ta kuka,a haka muke tafiyah har muka shiga gida.
Ban nufi shashenmu ba sai nabi deen shashen maman yara,dannasan bazata bari inno tamin komai ba,ita kuwa da gudu ta shige ɗaki tana bubbuga ƙafa tareda jefar da jakar a ƙasa.
"Innnnoooooo"
Daga ɗakin madafah take jiyo ƙiran da khairiyyah takeyi mata,wanda hakan yasa ta fito tana cewa
"Miyene khairin inno,yau kuma keda suwaye"
"Ba....ba sabrah bace tah ta lakata min yawu kuma ta dukani a bayah ba lokacin da muka fito a aji,kuma nace ta tsayah na rama taƙi,danace zan faɗamiki sai tace ki faɗa ɗin wai"
Kama baki inno tayi da ludayin miyah a hannunta tana ta'ba girkin da masu yin abincin sukeyi,
"Kai kai wannan yarinyah,nasan yanzu haka tayi ɗakin maman yara,ƙyaleta kinji ƴar inno zan kamata,ina nan zatazo neman kunu ai bazan bataba ke zaki shanye dukka"
Wata dariyah khairiyyah tayi jin za'a bata tashanye itah kaɗai babu ni,nikuwa ina jinsu a bayan labulen maman yara ina leƙowa"
Ganin inno ta koma ɗakin abincinne yasa na lalla'ba na shiga ɗakin domin cire kayana,deen sai dariyah yakemin wai za'a dukani.
Abinka da yaro ashe tana kallona na shige ɗakin,musamman da taji muna faɗan kayan da muka cire,khairiyyah tana cewa nata ne,nima ina cewa shina cire.
Jijjiga kai tayi tasaka dariyah,hakan shikaɗaine farincikinta daya zaunar da itah a gidan,bata samu na jinin ta ba amma kuma tasamu na sauran mutane dasuka kasa riƙewa,itakuma ta zauna ta riƙe da zuciya ɗayah.
Muna cikin faɗan kayanne inno ta shigo ɗakin,ina kallon ta na zaburah zan gudu ta riƙeni tareda cewa
"Ina zakije kuma,wato zakiyi wanann ficewar taki sai la'asar ki dawo ko,inna ƙara gani kinyi wani abu kin bar gida zaki ƙwala,mai rashin ji kawai,bakida aiki zai zaluntar ƴar uwarki,maza ku wuce ku tafi wajen cin abinci an fara ci,idan kuma kuka tsayah faɗa aka cinye yau bazan baku nawa ba,kunun ma sai naƙi damawa"
Da sakina tayi data gama faɗan ta shige ɗakinta,dan dama kowacce akwai ɗakuna a shashenta wanda yaran wajenta zasu na kwana,kumbura baki nayi tareda zangawa khairiyyah harara,saidai kuma bazan sake nayi gangancin dazata fada yin kunun ba,dan daga abincin rana banacin tuwon dare,shi nake yini ina sha,gwara ma khairiyyah tafini cin abinci,duk da wani lokacin ɗayane.
Dan idan nayi wa inno tsiyah dayawa bata dama kunun sai dare,duk da ita nake sakawa a gaba nayi ta kuka,amma kuma nima yunwa tana isa ta.
Fita mukayi daga ɗakin zuwa wajen da muke cin abincin.
Wasu irin manyan faranti ne ,maza a nasu daban mata ma a nasu daban,a cewar dokar gidan ta hakane zamuyi zimunci idan kowa yana cin yawun kowa.
Shiga wajen mukayi a kallah su kusa goma shabiyar,kowa ya kama cin abincin,layin kawanann mu mukaje inda su maryam da farida suke zaune,dariya ta na matse lokacin dana kula da kallon da maryam takemin,ita kuma fareedah ko a jikinta sai loma take,dama duk da fimu cin abinci,duk da ita a haife dama mun fita da kusan shekara biyu.
Kallon fareedan nayi wanda ni lomata ɗaya ma a cikin abincin.
"Fareeda ki daina cika bakinnan naki kaman bazaki ƙoshiba,rumbu kawai"
Murguɗamin baki tayi ta muntsuna shi,dan dama duk gidan ta rufe ƙofah a rashin kunya da tsokana.
"Naci ɗin waya hanaki ci dayawan"
Hannun na miƙa zan kai mata duka muka haɗa ido da anty shamsiyyah wacce suke cin abinci a tire ɗayah itada anty juwairah,harara ta zanbagmin alaamar kar nayi.
Amma hakan bai hana na bugeta kaɗan ba.
Haka muka gama cin abincin babu wanda yasamu damar yin faɗa,dan anty shamsiyyah tana nan tadawo gida bayan tagama makarantar kwanan ta waccen satin.
Har aka gama murnar dawowarta nidam banyiba,dan ninasan takura mana zatayi.
Daɗinta ma aurenta za'ayi da ɗan gidan,amma a sashen hajjah ya tashi,yasamu aikin gwamnati yayi gininsa dadai misali,da yanuna yana sonta dama tun tana ƙarama sai aka saka musu rana.
Bikin duk na cikin gidanne,mune sashen amrayah yayinda su maryam kuma ƴan sashen ango,.
Murna ta ɗaya ce a bikin za'a mana sabon kaya kuma za'ayi su cin cin da nakiya,amma banda wannan babu ruwana da sha'aninsu,dan daga shi har ita amaryar ba shiri mukeyi dasu ba,sai yazo gidan sau uku bamu haɗu ba,kasona kawai nake samu na mintin dayake kawowa.
Itama anty juwarah da take ƴar babba ba wani shiri take sosai ba,dan dama anty shamsiyyah tafita sosai,ko a makaranta ma tazarar shekarah uku ta bata,ita ta gama jss ita kuma ta gama sss,dukkan su hutu suke,amma bayan bikin anty juwairah zata koma ta cigaba da karatunta.
Tunda satin bikin ya kama ƙawayen anty shamsiyyah suka fara zuwa gidan,duk yawancinsu wanda tayi a makaranta ne sai kuma na cikin gari kaɗan,dan dama ita tafi anty juwairah ɗaukar duniyah da zafi,shiyasa ma bawani shiri suke ba,koyaushe tana cikin cemata tafiye sanyi da ƙauyanci,itadai jinta kawai takeyi.
Biki aka sha mai kyau ba laifi,amma ba damu akayi ba tunda sannan bamuda wani wayo,dan ko gidan amaryar ma bamuje ba,iyah anty juwairah ce taje kawai,oho nidama ba san zuwa nake ba,murna ta ɗayace sun bar mana gida zamuyi yanda muke so,musakata mu wala.
Duniyah sabuwa ta koma mana,babu mai cewa mu bari,anty shamsiyyah ce ita kuma ta tafi,hajjah kuwa hmmm ai wannan mun raina mata wayo,idan bata nan har babu daɗi mukeji mun rada wacce zamu tsokana.
Uh shekarun sun fara zuwa har muna aji biyar na primary,zuwa sannan mun ɗan wasu abubuwa,ba kaman da ba,dan yanzu mukan yi wankin kayan mu ƙanana,wani lokacin kuma har wajen girki muke shiga.
Maman yara ce ta tafara cewa mudunga shiga muna ganin yanda ake,inno kuma ta hana,saidai kuma dole mu fara aiki,saboda kowanne lokaci za'a iyah tafiyah damu kokuma aure yazo mana da wuri,dan idan wani yace yana son ɗayar mu a kowanne shekarune indai ya kai sha huɗu to Baba Shahu saka ranar aure zayyi.
Wannan shine ƙalubalen da zamuyi dakon tunkararsa idan yazo,duk da iyayen riƙon namu bazasu so haka ba amma kuma babu yanda zuyi idan ya faru.
Ƙanana nan kayana na tattara ina sanɗa zan kaiwa anty juwairah danaga tana wanki,nasan ina zuwa inna roƙeta zata ƙarba,musamman idan nace zan tayata ɗiban ruwa.
Inno ce ta ganni ina shirin wucewa,aikuwa kash rashin sa'a sai jin muryarta nayi.
"Sabrah ina zaki da kayan dazaki wanke,kin manta wajen wankinne kike shirin wucewa"
"Iye na'am inno dama ......uhm anty juwairah ce zata ɗan tayani na wanke"
"Zaki kaimata dai irinna wancan satin,banace ku dunga wankewa ba,shine zaki kai mata saboda kinda tana wanke miki koh,to ƙaro dana khairi itama ki wanke mata"
Tsalle nafara da dira kafa ina kukan tsiyah.
"Kai inno kai inno ya za'ayi ace ni zam wanke mata wandon datake fitsari a jikinsu,ni wlh....."
"Ke wlh me?...bazaki wanke ba ko mai,ba ƙanwarki bace,keda ba wata zaki kai ta wanke miki ba,ashe babu daɗi kenan....."
Katsewa tayi da maganar jin muryar baba shehu yazo yana mata magana.
"Shatu maza kizo wata yarinyah aka kawo,wani mutum ne ya kawota amma munyi munyi tayi magana taƙi,gashi mutumin ya riga ya tafi"
"Toh ikon allah,yarinya ce ƙarama har haka?"
"Ahah ba ƙarama ba ce,dan zata fi su khairi da kaman shekara guda koh fi ,saidai daga ganin yarinyar kaman taga rayuwa sosai"
Juyawa inno tayi tabi bayansa domin ganin wacce yake magana akanta,nima ina za'a barni a baya gulma tana cina,da sauri nabisu dan ganin wacece,musamman danaji ance sa'armu ce,rabon da'akawo mutum mai ɗan girma tun muna ƙanana,hakan mazane guda biyu,shiyasa abin yabani mamaki.
Binsu nake a baya batareda sun ganni ba,har muka ce office ɗin baba shehun,a bakin ƙofar na labe ina leƙawa kaɗan kaɗan,yarinyace kam kaman yanda ya faɗa,sanye da wata riga iya gwiwarta,da alama rigar ta daɗe a jikinta saboda dauɗar da rigar take tattare da itah.
Gashin kanta dogone ya zube gaban goshinta wanda yana ganin fuskarta sosai,saidai duk da haka mutum sai ya hando farar fatarta datayi baƙi saboda dattin jikinnata.
Babu takalmi a ƙafarta,duk ta farfashe kaman wanda tayi tafiyah akan ƙaya,a takaice dai in ka haɗu da itah a jeji zaka iyah rantsewa fatalwa ce.
Saurin rufe bakin nayi domin karnayi babban motsi lokacin danaji baba shehu yana yiwa inno magana.
"Gata nan Shatu ki shiga da itah ciki,nasan akwai yara a wajenki haka itama maryamu(maman yara),nayi niyyar kaita wajen Hajjah,saidai zamanta wajenta bazai yiyuba,saboda yarinyar tana buƙatar kulawa da ƙwantar da hankali idan ana so da dawo yanda take,kafin sannan ki kaita ciki ki shiryata ko kayan sabrah ta saka,zumuje asibiti a dubata,koda juwairah sai mu tafi.
Ganin inno taja hannun yarinyar zasu fitone yasa na koma cikin gidan da gudu.
Da deen mukayi karo a bakin ƙofah zai fita,saurin riƙo hannunsa nayi jikina har rawa yake wajen faɗa masa mai ya faru.
"Kai dallah zokaji wata magana,bari kaji munyi sabuwar ƴar uwa,saidai kama take da fatalwa idan ka ganta"
"Ƙaryah kikeyi,nasan ƙaryarki fah sabrah"
"Mtsww bana son raini,ina maka ƙarya ne,ta barika ga yanzu inno zata shigo da ita,in da gaskene sai nayi maka duka uku,ko kayi bacci kuwa"
Muna cikin maganar ne muka hango inno ta kamo hannun yarinyar sun nufo hanyar shigowa gidan,haɗa ido mukayi da yarinyar,duk da lokacin banida wani hankali amma kuma naga wani abu wai tashin hankali a cikin ƙwayar idanuwanta.
"Ku kuma mai kukeyi a nan wajen,yar butan uwa ina kallon idonki ai kina leƙowa,wato kinzo kina yafa masa tun kafin mu ƙariso koh?"
Tun kafin ta dungureni na shige gida ina dariyah,dan dama mun sabayi nida inno tawa takaina.
Shashenmu suka shigo lokacin na koma wajen wankina,amma ban ɗauko na kharin da'akace ba,saboda naga inno ta manta da zancen.
A bakin baranda suka tsayah da yarinyar wacce take ta rarraba ido a gidannamu,kaman wanda ta daɗe bata ga gida ba,ni inaga ma daga jeji aka ɗaukota.
Maganar da inno take matane ta katsemu dukka dagani har itan a tunanin damuka faɗa.
"Yarinyah menene sunanki?"
Shuru tayiwa inno tana kallonta,da alama taji mai tace amma kuma bata mayar mata da martani ba"
"Da alama kinji mai nace,ko bakya magana ne?"
Jijjiga wa inno kai tayi,da alama tana maganar kenna ba kurmiya bace,amma menene haka ya hanata yin magana,allah ya tsaga maka baki dan kayi magana amma ka rufeshi kirif mai yasa?,mu gamunan sai anyi da gaske muyi shuru,amma ita maganar ce taƙiyi
Ɗan karamin murmushi inno tayi mata wanda zaisa ta kwantar da hankalinta,
"Ki saki jikinki kinji,nan gidanku ne kema kaman sauran yaran dasuka tsinci kansu a gidan,ki kwantar da hankalinki babu abinda zai sameki,ki ɗaukeni kaman uwar data haifeki,nikuma nayi alƙawari zan riƙeƙi tamkar ƴar cikina kaman yanda na riƙe sauran yaran"
Ɗan murmushi itama yarinyar tayi amma har sannan akwai zullumi kwance a cikin idanuwanta.
Rigar jikinta inno ta ɗaga zata ciremata tayi saurin riƙewa tana zare ido.
Nida inno ƴar dariyah mukayi da muka gani mai take nufi,wato tana kunyar a ciremata riga,da gaskiyar ta muma tun yaushe inno ta daina yimana wanka,sai ita za'ace za'a yiwa wanka,ganin dariyar danake yimatane yasa ta ƙara sunkuyar da kai,inno ce ta kaimin duka tareda nuna min hanyar barin wajen.
Fita nayi na nufi wajen su khairi,zuwa lokacin labarin zuwan yarinyar gidan ya zagaye ko ina na gidan.
Saida aka kai ruwa rana kafin ta bari inno tayi mata wankan nan,a tunanina kunya takeji kaman yanda muke idan za'ayi mana,saidai kuma da alama hasashena ba daidai bane,mai yiyuwa tana boye wani abune a jikinta,wanda yazama sirrinta da take so ita kaɗai tasani.
Komadai menene naga kaman ta yadda da inno,daga yanda ta ɗan sake da ita.
Gyara mata jikinta tayi,tareda bata kayana ta saka,duk da ta ɗan fini a tsayi,saboda na ɗan fi khairi jiki amma kayan sun shigeta saboda yanda halin rayuwa yayi da itah,da alama idan bata tsinci kanta cikin hakan ba zata iyah fina ƙiba.
Wanki mai kyau inno tayiwa gashinnata kafin yasamu damar yij kalar irinna bil'adama,haka zalika fatar jikinta wanda yanzu ta nuna kalar ta ba fara ba,kana kuma ba baƙa ba.
Mashaallah tana da kyau dadai misali,wanda yanzu yasamu damar fitowa,saidai kuma ramar datake jikinta itama wani abune daya yi mata cikass.
Hannunta inno ta riƙo suka fito daga ɗaki zuwa harabar gidannamu,inda kowa ke haɗuwa idan ya fito daga sashensu.
Kallo ɗaya tayi mana tayi saurin sauƙe kanta,ganin yanda tarin yara suka kafeta da kallo,tunda suka fito wajen idona yake kanta,haƙiƙa naji daɗi da'akace a sashenmu zata zauna,koba komai na samu abokiya idan mukayi faɗa da khairi,dan haka kawai nakejinta a raina tamkar ƴar uwata.
Baba shehu ne yafara magana,dan dama duk sanda aka kawo wani indai yanada wayo to zai faɗi sunansa muma mu faɗa masa.
"To alhamdulillah,godiya ga Allah daya bamu wannan rayuwa mai albarka,kaman ko yaushe bama rasa amsar ɗaya daga cikin al'ummar musulmi zuwa wanann gida wanda ya tara yara marasa galihu,to yauma mun samu baƙuncin wata baiwar allah wanda aka kawomana ita an sameta a jeji a zaune.
Muna fatan masu riƙon gidanann zasu riƙeta kamar yanda suka saba ga kowanne yaro idan ya faɗo hannunsu,duk da cewa ana biyansu amma hakan bashine yake nuna an biyasu dukkanin ƙoƙarinsu ga yara marayu ba,wannan sakamako ne da sai allah ne kaɗai zai biyata a ranar ƙarshe.
Sannan ku kuma ina fatan zaku rungumeta tamakar ƴar uwarku,ku rayu tsintsiya maɗauri ɗayah"
Dukkanmu haɗa baki mukayi wajen amsawa,cewar zamu karbeta a matsayin ɗayarmu.
Bayan an gama jawabi ɗaya bayan ɗaya muke zuwa muna faɗamaata sunanmu,har aka zo ƙaina.
Tashi nayi na isa gareta tareda kama hannunta.
Kallona tayi da mamaki,inda ta sauƙe idonta akan hannunnamu kafin ta kuma mayarwa zuwa cikin idona,murmushi nayi mata mai nuna mun karbeta zuwa cikinmu kafin na yi mata magana.
"Sunana sabriyyah ana cemin sabrah,ni ƴan biyun khairiyyah ce,nasan kinga kamarmu koh,ke kuma fah menene sunanki,har yanzu baki faɗamana ba?"
Da gangan na tambayeta duk da nasan ba amsamin zatayi ba,dan inno ma ta tambayeta ɗazu amma bata amsa mata ba,ga mamakina sainaji tayi magana cikin dashashshiyar murya mai nuna ta daɗe batayi magana ba.
"Banida .......ssssuna,bansan sunan ba"
"Khamriyyah ,sunanki khamriyyah daga yau kinji"
"Khamriyyah.....?"
Sunan nata ta faɗa,amma kuma saitayi kaman tambayata takeyi,dariyah abin ya bani wanda hakan yasa ni yin dariyar.
"Sunanki mai daɗi khamriyyah,gashi yana kama da namu,mai yasa kike tambayata,nasan zai miki kyau shiyasa nafaɗa miki,ki dunga amfani dashi kafin kisan naki kinji?"
Ɗaga min kai kawai tayi amma
,Bata sakemin magana ba,da alama bata shiiyah yin surutun danake shirin jan ta dashiba.
Juyawa nayi na kalli su deen tareda cewa,
"Ku sunnan ta khamriyyah daga yau,ya kukaji yana kama da namu koh"
Hajjah ce ta harareni tareda kauda kanta tana mita
"Mtsww yarinya sai shegem iyayi,daga ganin baƙuwa harkin saka mata suna dan kinga bata dashi,uhm"
Inno tana jinta kuwa ta cafe,
"Abune mai kyau ai hajjah,yarinyar dama tanason wanda zai jata a jiki,saboda halin da take ciki"
Tafiya akayi da itah zuwa asibiti kaman yanda aka faɗa,yayinda mukuma muka nufi yin wanka domin tafiyah islamiyah,bamuje ta safe ba saboda ranar lahadi ne amma ta yamma kam dole sai munje.
A hanya na kalli maryam wanda tayi shuru tana zazzare idanu,
"Uhm maryam amma ya kike gani musami wata ƙawar,kinga mun zama mu huɗu kenan koh,farida dama mun fita,maman yarace take cusata a cikinsu"
Farida tana daga baya tana jin abinda nake cewa,aikuwa ta cafe.
"Eh in kun fini kuma wacce aka kawo ɗin ai tafiku,dan haka idan kukayi mata raini kuma nayi muku"
Binta nayi da gudu na buga mata jakar makaranta ta a bayanta,duk abinda ake deen,khairi,da maryam basu tankaba.
Ganin abin yayi yawane ma deen ɗin ya kallemu tareda yin magana cikin faɗa,
"Ku dallah ku kyalemu da zancen wata  yanxu,ke sabrah wato kin manta da dukan malam garzali koh,hmmm sai ya kamaki kiyi ta ihu kaman an kasheki,amma kinfi kowa manta mai zamu tarar,gashi bamuje wajen anty juwairah haddaba,hmmm yau akwai duka"
Tashi ɗaya abin ya faɗomin a rai,tunda na manta da hakan sai yanzu,idona ne ya fito nayi firi firi ina tuno yanda yake zambaɗamin bulalar idan bankai haddarba,kallon su maryam nayi wanda tun ɗazu su sun tuna da hakan,nikaɗaice na manata,nake biye farida wacce iyah haruffah ake koyamusu,kar'bar haddar ma tare suke bayarwa.
Tuntsurewa da dariyah deen yayi yana bubbuga takashinsa wanda yake bada ƙarar wanduna da yawa.
"Ihuuuu wasu zasu sha duka,nayi ciko tamau,kaya za'a daka,ku kuwa idan ya kamaku kowa sai tayi fitsari"
Munji haushi abinda ya faɗamana saidai yau babu damar maida martani,dan cikin kowa ya ɗuru ruwa da tsoron malam garzali.
Haka mukaje kuwa yayi mana duka,har aka dawo gida muna kuka,musamman khairi,tun inno tana rarrashinta har tagaji ta bari dan haushi.
Basu anty juwairane suka dawo gidab na har wajen magriba,saboda saida akayi mata ƙarin ruwa tareda gwaje gwaje,iya maleria ce kawai take damunta sai typhoid saboda gurbataccen ruwa da tayi tasha.
Ba laifi ta sauƙi sosai,dan iyah magani suka rubuta mata wanda zata dunga sha.
A ɗakinmu aka ce zata dunga kwana kusada katifata.
Tare mukaci abincin dare,saidai babu wanda tacewa komai har muka gama,muma bamuyi mata magana ba sai binta da ido kawai da muke,ganin sabon abu.
Bayan mun shiga mun kwanta inno ce ta tofamaana addu'a kafin ta kashe mana wutar ɗakin,duk da yanxu mun iya addu'ar da kanmu amma kuma sabon yimana harda yaran da suka zo kafinmu yabi jikinta.
........cikin dare naji an tsala wani uban ihu mai masifar firgitarwa,zabura mukayi dukka muka tashi,musamman ma ni da nake kusada ihun.
Khamriyyah muka gani a zaune har sanann bata bar ihunba amma dai ƙarar ihun ya ragu.
Dukkan ilahirin jikinta rawa yake ga wani gumi daya rufeta shirkif kaman an watsa mata ruwa.........

Taku
_sadi-sakhan_
Ƴar mutan jama'are.