♡♡♡ هدايه محمد علي هدايه اربعيني مليان بالحكمه و رجاحة العقل شخصيه وصلت سن الرجوله بعد ما عركته الحياه وسيم وسامه ظاهره اسمر .. عيونه نظرتها فيها سحر غريب .. وحواجبه غزيره طويله لمن يرفعها نظرتها حاده ترهب الخايف وتعجب المحب 🥰 تناسق شاذ وجميل في نفس الوقت .. شعره المحلوق قصير بترتيب 👨🦳 شنبه غزير مع لحيته الغير محدده .. ما زاده الا وسامه طوله مربوع مثالي جدا 🥰
هِدايه .. لكل من اسمه نصيب هادي حكيم و متمسك بدينه وتعاليمه جدا السجاره في خشمه ما وصلت نضيف نقي طاهر كريم عطوف حنين 🥰 حازم قوي وقت يحتاج الموقف .. بشوش ضحوك
○●○●○●○
حنان كانت شايله النهار كله خدمه وبجيها مغص الولاده وما عارفاه قايلاه عادي لانه يا دوبها دخلت في التاسع بايام قدر ما صبرت وصبرت الالم اتجاوز حد الصبر 😓 بي ليلها ده بقت صوتها يطلع بالانين ولما يزيد تصرخ باعلى ما عندها وجع ولاده عديل ..
عملت ازعاج لمرة راجلها حتى سمحو يودوها لمستشفى ..
طبعا ما كانت ولا مره فحصت ول مشت دكتور لمراجعه وما بلعت ولا حبه الدكتور لما بسال فيها وشافها قال ليها انتي جايه من وين يا بت 😠 ما عندك ولا مراجعه ولا شي دخلوها الحكومي مجاني تولد فيه حالتها كانت صعبه شديد و الطفل متعارض قررو ليها عمليه نقلوها طوالي لغرفة العمليات ابوها واقف بره منتظر ..
اولاد حاج سليمان يعاينو ليه زي الكانه جيفه متعالين و متغطرسين وينقنقو ..ما كان في داعي يجيهم طفل من اتولد يتيم الاب المسؤل منه منو ماف زول فاضي ليه هي جايباه عشان تخم معانا في الورثه لكن شوقها 😏 ويرمو في الكلامات
عم محمد ساكت اتعود الخنوع و الخضوع رغم انه عارف بته بتعاني معاهم لكن لا اهل ولا عز ولا شي يتسند عليه عشان يقيف في وشهم كل ما يزورها وتشكي ليه يصبرها على بلوتها
حنان ولدت عمليه وجابتها بت لمن طلعوها من العمليه و دخلوها للعنبر الممرضات داخلات ومارقات ويعاينو لحنان وهي مستغربه فيهم .. حلحل استغرابها لمن جات ضرتها مرت حاج سليمان وبقت تضحك ضحكه شمت مبروك البنيه 😅 جبتيها خليقه شبهك وشبة اهلك
: يا حجه ____
: تحجي في جمل اعور يطش بيك في الصحاري حجه في عينك كنا بنطردك من بكره ونقلعها منك لكن مافي زول فاضي يربيها ليك مالنا ومال الشفع كمان خليقه قلنا نستحسن فيكم خير .. 😏 ابوك حق لقمتك غالبه خلي ترجعي ليه معاك شافعه خليقه
: 😭😭😭 بتي وينها خليقه كيفن يعني .. بدور اطلع بيت ابوي😭😭 ما بدور منكم شي خلوني في حالي
: نخليك؟ نخليك وين يا حبيبتي انتي خلاص تاني انسي حياتك البره دي نخليك عشان تجي بعد كم سنه تطالبي بحق البت دي .. تقعدي قصادها بس وتزكي حق لقمتك تخدمي بيها بس .. بقول لفارس بتعرفي براك فارس يعني شنو 🤗 النار الحمرا و الشطه الخدراء
