وصلو الوقت متأخر حنان مقضياها نوووم طول الطريق لمن وصلو للبيت من المغص ما قادرة تطلع للسلم خلاها رقدت في غرفة الضيوف تحت . . طلع ليها غيار قميص نوم ناعم و اسع غيرت و شممها ريحه و مشى عمل ليها ساندوتش و عصير بنفسه .. اصر عليها تاكل و تشرب العصير .
جاب ليها البطانيه و غطاها بقى راقد جمبها في السرير لما حس بيها لسه متوتره بقى يقراء ليها رقيه وينفخ في يده و يمسح بيها بطنها و جسمها و راسها . . و التوتر الفيه تاعبه جدا قلقه عليها 😓
لحد ما نامت وهو نام جمبها بهدوء .. الصباح مشى بيها للدكتور المتابعه معاه طوالي ..
فحصها قال كويسه ما عندها شي الجنين و ضعه ممتاز الحمد لله بس الفتره دي ارتاحي شويه لازم عضلات الحوض ترخي شاده شديد وده هو سبب المغص استريحي و استرخي و ما تزعلي شكلك معاك قولون عصبي
لمن كانو راجعين هدايه بتناقش معاها شنو ممكن يزعلها و يعمل ليها قولون ..قالتها ليه طوالي في وشه دب
: لمن شفتك بتفتح الباب لامل وبتركبها قدام في مكاني 😒
: ده ما سبب يزعلك .. ما بتثقي فيني 😕
: موش ما بثق فيك لكن حاجاتك الحلوه لي انا مرتك بس تركب معاك قدام ليه بصفتها شنو ؟ 🥺
: يعني بالجد مستغرب فيك الزوله دي في حسبة اختي وخلينا منها .... ما عارف ممكن اعمل شنو اكتر من البعمل فيه عشان يكون ليك واضح جليا انه ما عندي غيرك ولا عايز غيرك ولا بعاين لغيرك
: حتى ولو معقوله ما اتذكرتا ماضيكم مع بعض 😔 وانتا قلتا لي خربتا الدنيا لمن اتزوجت غيرك 😞
: ما بقول ليك ما اتذكرتا الا يكون عندي زهايمر حتى ما اتذكر .. اتذكرتا ايوه لكن احساسي شنو للذكرى دي بحس نفسي كنتا اهبل بزياده 😕 بعد ما عرفتك انا مرتاح معاك شديد .. شنو البخليني افكر في مره تاني اوعك اوعك تتعبي نفسك بافكار سخيفه زي دي ..ول حزعل منك بجد 🤨
هدايه بقى سايق و سارح قدامه سكت مسافه وقال لحنان لمعلوميتك هي جايه الخرطوم وحنلقاها ويمكن نمشي معاها للدكتور وشوفة عينك جدي خاتيني في الواجهه سوا برضاي ول غصبا عني بتتفرض علي واجبات لازم اعملها باجود ما يكون حتى يوم مشينا للمدينه جدو اجبرني اسوقها انا بالتحديد وجعفر قدامه ما بكلفه بأيي شي ..
: المعني شنو تااااني حتلاقيها طلعت من وين المره دي ما كنا حلوين 😥
: حبيبي لا زلنا حلوين .. عايزك تجمدي شويه و ختي ثقتك فيني مهما كان ومهما حصل قولي حبيبي ما بعملها 😊ما تتعبي البيبي و تتعبي نفسك في الفاضي و تتعبيني معاك يا حنان
حنان بقت تتبسم مسك يدها باسها و بقى ماسكها هدايه شغل ليها اغنيه حقيبه غير ليها مودها وبقو يضحكو قضينا ليله سااااهره .. تضمنت محاسن
من كل روضه عينه .. ومن كل عينه زهره😍 ويذكرها بليلتهم في المزرعه و الجن الحصل بينهم وكيف كانو شغوفين ببعض 🥰
