جعفر بتصل علي هدايه رد ليه صوت غريب
:الوو
: الوو ازيك
: اهلين يا مراحب .. هدايه ؟
: انا ما صاحب التلفون ..انت من اقاربه ؟ 😦
: انا اخو هدايه ؟ وين هو
: والله يا اخينا الزول الكان شايل التلفون ده ولابس الجلابيه دي قلعها و قلع الجزمه و نط في البحر 😔
: ما فهمتك انتا منو ؟
: الزول سيد الجزمه و الموبايل و الجلابيه دي قلعهم و نط البحر من الكبري فوق نط في البحر انا شفته ومعاي كم نفر واقفين لينا مده ما طلع يا الاخو و في مفتاح عربيه مارسيدس و شايفين مارسيدس واقفه في بدايه الكبري اتجاه الخرطوم
: لا ما بصدق انا 😰 انتا وين ؟
: نحن لسه في الكبري تعال كبري النيل الازرق نط منه في البحر و ما طلع
جعفر اتصل تاني بتلفون هدايه قايل نفسه بتخيل رد ليه نفس الراجل تاني ... جعفر اتصل علي حنان
: الو
: حنان هدايه وين 🥺
: ما متأكده امبارح طلع بالليل تاني نمتا ما حسيته رجع متين وطلع للشغل متين
: حنان يا تقومي يا خلي الشغاله تشوفه لي وين في البيت ول مافي .. سريييع
حنان نادت مروه تطلع تشوف هدايه .. قالت ليها ما رجع يا مدام الغرفه مرتبه ما نام في البيت العربيه من طلع تاني ما رجع ☹
: حنان قالت ليه ما رجع للبيت .. ليه في شنو ؟
: حنان🥺 ارجو الراجيكم يا حنان لا حول ولا قوه الا بالله😥 اتناقشتو امبارح ول شي يا حنان 😢 يا حنان عملتو فيه شنو ؟ حصل شنو ؟
: في شنو يا جعفر ؟🥺
: ربنا يكضب الشينه
قفل منها وقام طيران علي الكبري و الوصفوه قبال ما يطلع من بعيد يشوف عربية هدايه واقفه وقف جمبها و مشى برجلينه لحد ما وصل تجمع ناس سلم عليهم و اتصل من رقمه عشان يتأكدو انه بعرفه .. قال ليهم اخوي ده
حكو ليه بالتفصيل انه نط في البحر قدام عينهم ... جعفر كان ليه مراد ينط يغوص و يشوفه قلبه خلاص بقيف العيون شايله دموع و بدا الهلع يتسلل ليه بكووورك و يهدو فيه الرجال كل زول يحكي ليه قصه .. اتصل علي حنان تاني سالها هدايه رجع ؟ حنان بقت قلقانه شدييييد عليه وما فاهمه جعفر ماله بعمل كده 🥺
اتصل علي جدو طوالي قاليه
: يا جدو ولدك نط من الكبري وقع في البحر و ما لاقينه يا جدو
: يا ولد بتقول في شنو انتا فهمني ولدي منو 🥺
: هدايه يا جدي هدايه . . قلع هدومه ونط البحر من نص الكبري في النيل الازرق .
