طلعت حنان من غرفة الافاقه بعد كل مؤشراتها الحيويه استقرت وبعد البنج فك منها بدت رحلة الالم مع حنان .. هدايه ما قادر يعاين ليها في عينها دايما بدنقر ..
: النزيف ده سببه شنو قالو ؟
فاطمه : حمد الله علي سلامتك يا بتي الله كتب ليك عمر الحمد لله الحمد لله قدر ولطف
فاتن : مبروكه البنيه و الحمد لله عندك الاولاد ما تهتمي لايي شي ربنا يهدي سركم ويبعد عنكم العوارض يا بتي 😔
شاديه : حمد الله علي سلامتك حنونه🥲 ما تشوفي شر حبيبتي .. مرافي متابعه معاي لمن ترتاحي شويه دايره تكلمك 😒
هدايه قاعد بعيد و يعاين ليها 😞 شدة ما ماسك نفسه لمن بعض علي شفايفه و بقاوم نفسه يقوم يضمها قدام جعفر و انور و جدو وعمه ابراهيم الكان جو بعد عرفو انه دخلت عمليه تاني . .
حس بيها فاقده صوته .. فاقده كلامه ليها .. فاقده تحس بالامان لمن يحضنها و يقول ليها كل شي بخير ..
آخرتها قام مشى عليها و دنقر فيها ضماها بشده و قال ليها في اضانه حمد علي سلامتك كل مره بتولدي تلعبي فيني كده بحس حياتي انتهت 😪
حنان ما عرفه كانت بكت من حضنه بقت تضحك بدون صوت مع دموعها و تعاين ليه في عيونه 🥲 ..
انور و جعفر من بعيد رفعو يدينهم واقفين جمب الباب
جدو بعاين ليهم الاتنين 🥲 نفسه يعرف هدايه احساسه الحقيقي شنو ..
حنان حاسه بألم شادي كل شويه ما قادرة تستمتع بفرحتها بالبت و تشيلها او تعمل ايي تصرف .. هدايه قلقان انه حنان ما عارفه انها اتزال الرحم 😪
الدكتور حق النبطشيه جاء ماري شاف راجع حالتها و اتكلم معاها مع تيم دكاتره جو معاه و بدا يشرح ليها حالتها كانت كيف
حنان لمن بقت تستوعب 🥺 انهارت مع الدكتور و بقى يهدي فيها بس قرب منها شويه مسك يدها عايز يطمنها و يهديها
: هي هي هي 😡 خلاص ابعد يدك منها انتا ما متابعها و ما عملتا العمليه .. 🤨 انتهى واجبك وشرحتا ليها كفايه اتفضل اذا خلصتا معاينتك لو سمحتا😠
الدكتور لمن اتحرج قدام التيم المعاه و عاين ليه عين في عين خلاه ما كتر كلمه .. زي الرصاصه عين هدايه مع حواجبه مقفله نار⚡
حنان لمن حست بهدايه و غضبه و الجوطه الجواه فصلت هدت شويه و اتصبرت 😞
الدكتور مرق جا قعد في الكرسي القدامها و مسك يدينها يبوس فيهم بالدرب 😌 و مغمض عيونه بحاول يرسم صبره علي الحاصل و يهدي عليها و عليه لمن فتح و عاين ليها اهم شي انك بخير الحمد لله و حمد الله الف علي سلامتك
: هدايه اديني بتي اشوفها
: اتخيلي ما شلتها لحد هسه 🥲 لخمتينا ياخييي كفاره و طهورا ان شاء الله ..
مشى للبت لمن شالها بضحك لا لا ما ممكن حبيتها تشبهك حنونه ماشاء الله كلها صغيره صغيره
حنان وسط المعاناه شالت بتها و فرحانه بيها و تبوس فيها وفعليا كانت حنان صغيره 🥰
عاينت لهدايه نسميها منو ؟
: ما عارف كنتا متوقعها ولد و كان حسميه حسن ول حمزه 😄 شوفي انتي حتسميها منو انا سميت الولدين
حنان سرحت ما في راسها شي 🙂 خلينا شويه اشوف اسامي و هدايه بفكر معاها ..
