بالفعل تاني يوم ندى جات قابلت هدايه و اتكلمت كتيييييير كان ساكت و ماسك قلم بلعب بيه قلبا و عدلا و مركز للقلم
تقول ليه عاين لي ركز معاي .. يقول ليها سامعك سامعك كملي ..
خلصت كل حواراتها و خططها ومحتاجه شنو من هدايه .. دعم مادي تاكيد و المحامي لانه اهلها بدو يضغطو عليها ترجع ليه ..
حول ليها القروش في حسابها في البنك و اتصل بالمحامي واداه رقمها يقابلها .. و قال ليها بيننا اتصالات مافي داعي تجي هنا تاني ده مكان شغل ..
: لا بره ولا في الشغل ولا البيت نتقابل وين
الساعه هدايه رفع عينه ليها وقال ليها نتقابل لشنو يعني 🤨؟
العايزاه مني نفذته خلاص الا اذا جد جديد في الموضوع ..
ندى حضرت اسباب طلاقها و قابلت المحامي و اتفقو مع بعض اول باول يعملو الاجرآت
حنان في حياتها مهتميه ببيتها وبتها و متابعه مع ناس مرافي آخر ٣ يوم قبل العرس حنست هدايه تقعد معاهم و تتونس مشت و هدايه بجيهم بعد الشغل ياخد قعدته ما يطلع للبيت الا زول نوم
البيت الكبير اغااااني و افلام الاهل المعتاده في عرس البت وعملو وسوو و نقص و زيدو وبالذات هدايه ما كان شال منه مهر حلف عليه
مرافي اول حتعمل حنة بنات بس عزمت صحباتها و زميلاتها وبنات اهلها و الجارات لمة بناااااات هدايه عملها ليها في صاله صغيره باكلها بوفيه لانه الكميه محدوده ما تامه ١٠٠ نفر ..
الصياعه ال الله خلقها كانت مرافي لابسه فستان صغيروني وجزمه كعب عاااالي لمن غلط قاصداها حركه يعني و معازيمها نفس الشي حنان كانت لابسه فستان اسود دانتيل من الخصر شفاف و الرجلين تحت كانت عجيبه تسريحتها عملوها ليها مرفوعه لفوق ..
لمن جات ماشه للصاله ولبست خلاص هدايه جاء يوصلها الا لبست عبايه و قلعتها في الصاله ..
خلت اهلهم فهمو شي لمن شافو حنان كيف ..
حنان شبه القميره الضو 😍
كانت حفلة بنات زااابطه شديد مرافي هيصت مع صحباتها .. حنان كانت واقفه وشايله آيه كانت متحمسه تصفق و تحاول ترقص 🥰
يوم العقد كان في البيت ..شي مرتب شديد كان يوم مفتوح ..
الصباح هدايه استاذنهم ساعتين زمان مشى للمعرض يشيك علي تركيب الكاميرات ضروري جدا ما تم كتير ساعتين بالضبط كان معاه انور ولد خالته .. بقى قريب منه فجأه لدرجه .. رجعو مع الفطور ..جده زعلان شديد لكن استسلم يعمل شنو اكتر من العمله 😔
مع العقد جايبين فرقه شعبيه و بفنان شعبي موروثات قبليه بعتزو بيها .. كانت لفته ظريفه و عرضه زي العرضه هدايه كان لابس عمه سوداء و شغل الشال بالاسود و الجلابيه اكيييد بيضاء وماسك عصايه حقت وجاهه شديد
مرافي اكيد مع خبيرة التجميل لبعدين الصاله الدخله
حنان وشاديه و تغريد و قافين قنا في الضيافه و الترتيب و الاشراف لكل شي
