بعد ما حنان خجت الناس ديل خج ماشاء الله مخبيه جمالها زي اللؤلؤه داخل صدفتها .. لدرجه حجه فاطمه قلبها برد و بقت تتعوجب بيها و تشكر فيها 😇
وحست بطيبتها و مسكنتها و هدوؤها
هدايه جاء داخل يسلم علي الضيوف وعلي خالاته بالاحضان و عطره باقي بق و علي بنات خالاته و جيرانهم ويباركو ليه العمره
دريه : نبارك ليك العمره ول العروس 😏 المهم مبروك ان شاء الله
هدايه : عروس .. في زول قال ليك حعرس 🤣🤣
دريه : اجي اجي بقصد حنان ول ما حاسبها عروس
سلم عليها هي 😏
هدايه بقى يتلفت 🤗 ماشايف ليه توب مبلم
مرافي جابتها ليه وتضحك قالت ليه اهدي مرتك رايحه منك ول شنو 😂😂😂
حنان بتحاول تلبس طرحتها و مدنقره ما قادره ترفع عينها من خجلها حست نفسها كيف كيف لبست الطرحه و شعرها نازل بتحتها اتبلمت بيها و مشت بسرعه دخلت للغرفه الفيها بتها قعدت في السرير ترجف كلها و تمسك يدينها و تتهز ومتوتره الحصل ده شنو ليييييييه يشوفها بالمنظر ده اصلا ما من حقه 😠 كله من مرافي
دمعتها نزلت كرررر من الاهانه الحاسه بيها
هدايه ضحك مع اهله وقالو ليه لسه بتخجل منك العروس 🤣🤣🤣🤣🤣🤣🤣 البخجل من بت عمه ما بجيب منها عيال شد عليها شنو الدلع ده 😅😅
هدايه لسه في حاله غريبه ما مستوعب و هو مارق شم يده السلم بيها عليها وابتسم لمن اتذكر كيف وشها اتخطف وارتباكها و مشت للغرفه جري دخلت .. هي بالله شكلها كده و عندها غمازات و زمام 🥰 وشامه ده شنو ده كل الحلويات اجتمعت فيها 😇
قعد مع الرجال و الونسه و الكلام في الشغل كل ما يسكتو يجيه شكلها في عينه والسلسل الرقيق في رقبتها 😊 و الزمام سحرته في ثواني .. فجأه يستدرك انه زي المركب التايهه الفي نص المحيط تتخاطفها الامواج من غير دفه ومن غير قائد
مرافي مشت وراها قالت ليها حنان بطلي عواره ده شنو العملتيه ده هههههه فهميني
: نحن ما متزوحين حقيقي 😔
: كيييف انتي عارفه ندى اتطلقت بالسبب عرسكم ده
: يا مرافي ذنبها في رقبتي زوجته 😓 والله والله اول مره يشوفني زي الناس سلام الله ما بيننا الا نتلاقى صدفه وهي مره ول مرتين وعينه ما بملاها فيني 😭😭 انا اتفرضتا عليه يا مرافي
: كدي بطلي بكا واحكي لي بالتفصيل
حنان حكت بالتفصيل لمرافي كل شي من غير ما تدس منها شي ابدا
بعد فتره طلعو بره للصاله بعد حجه فاطمه اصرت يطلعو بره يقعدو مع الضيوف
مرافي و معاها حنان قعدو .. يعاينو للنسوان و كلاماتهم .. مرافي زهجت طلعت غرفتها فوق و حنان قاعده تعاين و تسرح تتذكر كلام ابوها لهدايه بالتلفون دمعتها تقطر غصب عنها تمسحها براحه كانها بتصلح الكحل ..
