حنان طلعت مع مرافي اشترت العطور هدايه كان متابع معاهم بالتلفون في بعض الروائح ما عايزها تشتريها (بتذكره ندى) ..
قال لحنان بجي اتغدى معاكم ان شاء الله
بعد خلص شغله مشى للكرين عايز يحتك بيهم و كل يوم ويعرف كيف الامور و متابع الاخبار عن السوق ده و ياخد خبره بالمشاهده لانه بالنسبه ليه ده مجال جديد عليه ..
قاعد في امان الله يجيه الصبي زي الشيطان شايل قهوة و مدعي الاصاله انه حابب يكرمه عشان كده عزمه علي كباية قهوه ..
هدايه اتكيف شديد من الولد اتونس معاه شويه و عرف اوضاعه و اموره بطريقته المعهوده في تفقد الناس البشتغلو اشغال بسيطه
اتعرف عليه و اداه كلمتين يخلوه يشحذ همته في الشغل و مصيره يوم يكون شي مهم ولو احتاج لشي يعتبره في مكان اخوه الكبير 💔.. و قبل بالهدية من الولد وشرب القهوه خلص الكبايه للآخر لانه الولد منتظر ياخدها فارغه ..
الولد جرى طياره لعبد العزيز وقال ليه دي المره التانيه
: 🤩 ممتاز هديتك جاهزه لو استمريت علي كده
الولد بقى مبسوط شديد وطلع من عزو فرحان هديته جوال تتش البحلم بيه
هدايه بعد شرب الكبايه قعد مسافه في الكرين . . الخلاه يفكر يمشي احساسه بالتعب و البحصل فيه من آثار الجرعه . .
بعد خلص من الكرين ركب عربيته كان ماشي عليها بتعب بعد ركب وشغلها مسهي مسافه قبال يتحرك ويفتح عيونه بقوه و مشى للبيت الكبير سلم علي ناس البيت وسال امه لسه البنات ما جو من بره ؟
قالت ليه لسسسسه . . سأل من آيه قالت ليه مع شاديه وقالت ناااايمه . . دخل لجده سلم عليه في راسه و يده وما صدق انه قعد في الكنبه بانهيار و يتمطع .. جده سأله مالك تتمطع كده 😝
: تعبان يا جدو لمن حاسي جسمي تقييل وفيني نعاس شديييد ما صدقتا وصلتا بسلامه السواقه غالباني
: ده الحب 🤣🤣🤣🤣 مكالمات انصاص الليالي و السهر ههههه
: يا جدو افووو عليك مكالمات تهد حيلي 😅😅 ما اتوقعتها منك سميك (المسمى علي اسمك)شادي حيله ما تخاف 🤩
ههههههه فكرتا امشي دكتور دي المره التانيه تحصل لي الحاله دي باخد نومه و حبوب بنادول و الامور بتبقى طيبه
: يعني بتخدر المرض بالباندول ليه ما تمشي بعد الغداء للدكتور
: لو قدرتا حمشي لكن اقول لي الدكتور عندي شنو 🤔نعاس ده مرض ؟
: قوليه الحاسي بيه كله
ندى عند اهلها لحد هسه و اخوانها قدر ما حاولو يرجعوها رافضه تماما وامها تسالها ما بترد ليها الا جاتها زاهيه في البيت بالجد لمن شافتها في الواقع لقتها زي المهلوسه ما طبيعيه من الحصل فيها وحكت ليها كل شي 😭😭😭 زاهيه ما اتوقعت ابدا عزو للدرجه دي 😪
قالت لندى ما ترجعي ليه واصبري بس انا بخلي يقابله الخايف منه ده ..
ندى قالت ليها ما فهمتك منو ؟
: خلي الموضوع علي بس ما متأكده ما دايره ترجعي ليه ؟
: انتي يا بت واعيه من الصباح بحكي ليك في شنو اول شي و قبل كل شي ريحه جسمه بتحسسني باستفراغ 🥺 ده براه سبب كافي خلي النفسيات البعيشني فيها و ضاغت علي نفسيتي لمن كرهتا حياتي لا رومانسيه ولا حنيه و لا دلع و مفروض نحنا في شهر عسل ما يكون بالتوحش ده معاي خلى شنو لقدام فرغ فيني سموم و حقد سنيييين 😭😭😭😭 اتخيلي بس انا عملتا في نفسي شنو يا ريت الزمن يرجع بي لوراء ويا ريتني لو ما جيتك يوم ما شافني واتلح حياتي ما بلوم زول بلوم نفسي حعيش باقي حياتي في حسره بالجد كلام امي صاح رفستا نعمتي برجلي 😭😭😭
