هاي قليل يا طيف اقيف و ارجاني
وين فايتني عابر ؟؟!!!
وانا شن حارس وراك انا تاني؟؟
ياني معاك مسافر
وين حتى الطيف رحل خلاني
ما طيّب لي خاطر
الليلة لا تقول ليّ هيّ كدي استناني
بمشي و اجيك باكر !!
يبقي انا ما الم فيك تاني
مين عارف المصاير
وين حتى الطيف رحل خلاني
ما طيّب لي خاطر
ابقي معايّ سامر
خفف لي قليل احزاني
ياما انا عشتا صابر !!
وين حتى الطيف رحل خلاني
ما طيّب لي خاطر
الليلة شوف كيفن يسوي زماني
ديمة عليّ جاير
آه مر العذاب وراني
سهمو في قلبي غائر !!!
وين حتى الطيف رحل خلاني
ما طيّب لي خاطر
الليلة شوف الليلة كيف بستاني
الكان باشي ناضر ..
من حر السموم بيعاني
طيرو يفر يهاجر
وين حتى الطيف رحل خلاني
ما طيّب لي خاطر
الليلة أنا بحوم وأرجع وأصد بكاني
مقطوع راسي حاير
وين أحبابي وين خلاني
آه يا الله قادر
وين حتى الطيف رحل خلاني
ما طيّب لي خاطر
الليله ما عارف العلي تراني
فوق كرعي ساير
وأسكت أسوي في أوزاني
أشعار مالا آخر
وين حتى الطيف رحل خلاني
ما طيّب لي خاطر
هدايه في الحبس راقد و يعاين بالشباك عاااالي فيه قطبان يفكر في حبيبته متمني يحلم بيها ول يزوره طيفها في قلب المعاناه مشتهيها و شايل همها ومحمد الما اتهنى بيه و ما راقبه بكبر ..
الصباح في الزياره ماشاء الله تبارك الله اهله جايبين ليه اكل ما لذ و طاب اكل يكفي القسم كله بالمساجين
هدايه ما مشتهي الاكل بياكل غصب عشان يرضيهم و يعز وقفتهم معاه .. كل مره بشكرهم
: يا جدي مافي داعي الناس دي تتعب نفسها كل مره كده
: يا ولدي هم مرتاحين و شايفين انه بردو ليك واحب انت سيده و سابقهم عليه ..
: جدي انا تميت ٦ شهور عايز اشوف محمد علي 😞 كسرة خاطري دي والله ما خايف الموت لكن ولدي يا جدي اشوفه 😓
: انا اشتقتا اشوفه كيف بقا خلي انتا .. خلاص نجيبه ليك تشوفه هو و امه ..
: لا عايز اشوف محمد علي بس .. امه ما تدخل علي وانا بالحاله دي 😞
