المغرب اذن حجه فاطمه لبست توبها و جهزت حاجاتها منتظره هدايه يصلي و يوديها شاديه و مرافي مع حنان يتودودو ويضحكو حنان بعد لعبت فيها مرافي بالمكياج بقت محضره شنطتها و بتها لابسه و هي لبست عبايه وطرحه وكل شويه مرافي تصلح ليها الطرحه لا ما كده البسيها كده حجبيها لما تكوني في مكان عااام
هدايه نزل من غرفته وقال ليهم يله..
الساعه وقفو كلهم 😅 قال لحنان انتي ماشه وين ؟
مرافي طوالي اتسدرت للموضوع
: هدايه حنان سايقنها معانا
: هي هي هي بلا معانا ☹ الكلمني منو واستاذني
: هدو اختك عروسه عايزاها معاي
: عروس في العين و الراس .. حنان شنو فستان زفاف ؟ .. حنان تقعد في بيتها 😠 يا امي شوفي بتك دي
شاديه : يا هدايه مستخسر فينا اسبوعين بس 🤣🤣🤣🤣🤣 بظبطها ليك
: شنه شنه لا لا لا ماف كلام زي ده قال اسبوعين يومين ما بخليها .. يا امي انا براي اقعد يعني وانتو عارفني ما بجي هناك بسبب دريه وخنان كيف تقعد معاها تاني 😠 .. ويا زوله دايرها كده ما تظبطيها ما محتاجه 😅
شاديه: انتا ما سمعتا الخبر عمو ابراهيم طلق دريه
هدايه : ما عايز اسمع خلينا في موضوعنا بالله حنان ما بتمشي
يمسكها من يدها يجرها عليه و شاديه و مرافي يجرو امه قالت ليه هدايه خليها بس يومين وتعال سوقها غُشهِن غُشهِن 👵
: يا امي والله الكلام ده ما صاح منكم يعني امي و مرتي الاتنين مره وحده جايات تتقاودو الاتنين زي الساحرات الشريرات انتي و شاديه 😡 اول شي اسمع حنان تقول دايره تمشي و تخليني براي 😌
حنان ساكته وتضحك .. شاديه هددتها حناااان قولي و خلصينا اولادي مع ابوهم براهم من الصباح
حنان: ماشه معاهم 🙈
هدايه طلع مكشر 😠 يله يله بس ركب العربيه امه بقدام معاه و شاديه ومرافي و حنان بورا ..
هدايه ينقنق كل السكه ولااا زول برد عليه ويعاين لحنان بالمرايا ويتكلم هي خشمها ما فتحته 😌 لمن اتغاز خلاص قال ليها اصلا عادي كالمعتاد ماسكك صمم و برود 😡 ..
وصلهم للبيت و نزلهم و نزل معاهم واقف يودع آيه يبوووس فيها ويضحك فيها حنان واقفه منتظره يديها آيه و تدخل شاديه وحجه فاطمه دخلو و مرافي حارساها واقفه جمبهم . .
هدايه نهرها يا بت امشي جوه دايره شنو واقفه في حلقي خلاص خليتها ليكم عايز اقول ليها حاجه 😣
: تمام بس اديني آيه عشان اضمن انك ما حتسوقها معاك ترجعها للبيت
شالت آيه مرافي وقالت لهدايه يله اخد راحتك يا بيب 😏
: بو 😠
مرافي دخلت وهي تضحك و غمزت لحنان وقالت ليها ما تتاخري ده واحد فاضي نحن ناس مشغولين 🤣
