نفس اليوم المشت فيه آيه كان عيد ميلادها مشت من دون ما تقعد .. هدايه قرر يعمل ليها عيد ميلاد بسيط يعزم اهله لما اتصل كلمهم بالعزومه انبسطو شديد لآيه انها مشت
هدايه بقى لافي بالعربيه لنص اليوم جاب كل التجهيزات اللازمه من مأكولات و المشروبات وحنان و آيه معاه قدر ما تقول ليه خلاص كفايه يشيل ويجيب .. مشوار متعب لكن كله فرح و بهجه و ضحك التلاته مع بعض عاملين جو رهيب ..
حنان اول كانت تعبت من اللف الكتير و القعده 🙈
( ماسورتك يا حنان انتي في كرسي لاندكروزر بليز .. فبطلي 😍 )
رجعو البيت بعد العصر قريب المغرب .. اخر شي كان استلام التورتات الطالبه حيجيبوها ليهم دليفري ..
الناس دي استاند باي علقو الزينه و نفخو البلونات و رصو الاكل كل زول مشرف علي شي ..
نهايتها طلعو فوق يجهزو ويلبسو حنان ساقت آيه تجهزها
هدايه كان في الصاله حقت الطابق الفوق جاه تلفون من عثمان بتكلم معاه اول بضحك و هظار شويه هدايه بقى جادي شديد وكيف كده يحصل وما تقول لي من اول ____ تزعج لي شنو يا عثمان ؟ ___ توصل للدرجه دي وما تديني خبر لازم اكون معاكم يعني حتى اعرف --- ده شغل وايي صغيره و كبيره لازم اعرفها ___ اتصرفتو كيف هسه _____ خير خير انت عارف انا حجيب ايي شي محتاحين ليه وقت الموضوع وصل لكده .. نحنا شركه يا عثمان ما لحم راس ساي شايلين لينا كوريك وجهاز و جايين نحفر 😠 المهم كل مشكله وليها حل ___ المشكله خايف ما الاقي الآليات القلت لي بيها دي تكون ما جاهزه دي حتعطلنا عديييل ______ خير يا زول بتصرف و بجي اشوف بنفسي الحاصل ده
حنان كانت طلعت آيه لابسه فستان منفوش و قصير زي حقات الباليه و فرحانه بيه شدييييد و جزمه و شراب ابو كشكشه 🥰🥰🥰 ومبسوطه بمشيها وحركتها تقعد و تقوم وتصفق
هدايه ضرب جبهته بيده طخ و قال لحنان نسيييت ياخ امبارح لخمتيني انتي بفستانك الاخضر 🥰
قام دخل غرفتهم و فتح دولابه طلع كيس صغير فتحه فيها سلسل دهب باسمها مزخرف و حلق صغييير و غويشه بخاتمها بسلسله لبسهم ليها و مبسووووط قال لحنان حبتهم ليها لمن اشتريت ليك
حنان كانت مرهقه شديد الايامات الفاتت دي كلها بتطلع للسوق و جري و اهتمام بنفسها و الحنه و الكوفير وجات تمتها هنا سهر و تعب من نوع آخر ليها زمن منه 🙈 لمن شافت آيه مع هدايه كيف وبتحاول تقول ليه بابا و فرحته قدر شنو وانبساطه بالكلمه . . نست الوجعه و بقت تضحك بفرحه آيه اللمن ولدوها يتيمه هدوم ما عندها الا جدها كساها ٣ لبسات ..هسه كيف مدلله و لاقيه حب ورعايه ما كانت حنان بتحلم بيها
دخلت حنان تجهز للمناسبه وخلت آيه مع هدايه يلعبها و يشاغلها يشغل ليها اغاني و يلعبها و يخليها تهييييج 🤣🤣🤣 مبسوط بيها وعايش دور الابوه كامل بحزافيره آيه و امها بقو عوضه لاايي فقد حاسي بيه بعد موقف ندى
بقي يغني و يعرض مع آيه وهي تضحك من الحركات و تتحمس 🤩🤩🤩 حنان خلصت لبس و جات طالعه من الغرفه بقت تعاين ليهم 🥰 في بتها و حبيبها رقيصه عرضه 🥰 حبت الحركات شديد تلقائيا لقت نفسها بتزعرد 🤭 جاها طوالي ابشري ابشري ابشري و ضماها بحماااااس و يبوسها في راسها كان حماسه ظاهر في وشه 🤨
