حنان قضت في المستشفى تلاته يوم ..كانو بزوروها اهل هدايه .. وابوها جاء من البلد .. لمن جو يطلعوها ما كانت عايزه تطلع تخلي البيبي في الحضانه براه قلبها مقطوع وكانها اتخلت عنه وهو ضعيف وفي امس الحاجه ليها . .صدرها اتحجر باللبن مع انه بشفطوه لكن كان كتير شديد تاعبها لمن بتجيها حمى و طعنات شديييده ..
هدايه كان كل شويه بمشي للبيبي اتعود يشوفه ويقعد يتمعن فيه شايل من شبهه كتييير نفس الحواجب الطوييله قريبه للقرنه والانف حاسي كل ما يوم ملامحه باديه تظهر شعره نااااعم واسووود
مرات بسوق معاه حنان منها تاخد حقنة السيوله ومنها تشوف البيبي ..
حنان كانت بتتكلم معاه عديل تقول ليه محمد علي قوم يا ابوي 😭😭 ابوك منتظرك سنين و امك مشتهيه تضمك 😭😭
تم الاسبوع الاول المخ سليم الحمد لله و القلب مافيه عله الحمد لله و الرئتين مستجيبه للعلاج البياخده حتى لو بصورة بطيئه .. اما الجهاز الهضمي كويس ..
حنان لسه في غرفتها التحت و هدايه بحاول يرجع بدري من الشغل دايما بجيب ليها معاه عصاير طازجه و لازم تاكل كل يوم حصة من الفواكه وبوصي يعملو ليها اكل مغذي للدم ..
بقعد معاها شويه يحاول يونسها .. بجوهم ضيفان يباركو ليها 😓 مسكينه قاعده براها لا ام لا اهل ولا حتى الطفل 😭😭
تم المولود اسبوعين في الحضانه وزنه زاد و بداء يستقر وضعه ..
لمن اتصلو عليهم يجو يستلموه خلاص مشت حنان وهدايه مبسوطين لمن النيرس غيرت ليه و لبسوه و مفتح عيونه وبتحرك و تنفسه مستقر 🥲
اول ما شالته حنان دموعها جاااريه خفيف و صغير .. هدايه يعاين ليهم و مبسوط لدرجه يصور فيها و يضحك بعد ما شالته و ضمته وباسته لمن مدته ليه 😍 و شاله فرحه العمر الحقيقيه باسه في خده و شماه ما قادر يوقف يبوس في يدينه 🥰 لمن حنان قالت ليه خلاااص بتضايقه .. اذن ليه في اضانه 🥰
هدايه كان شايله و ماسك حنان ركبهم العربيه و رجعو للبيت كان مجهز و مفرش و مبخر ودخلتهم مروه و الشغاله بقو يزغردو بصوت عاااالي حماسي مبسوطين حنان رقدت و رقدت البيبي جمبها للمره الاولى و انتكت كده و تعاين ليه قدامها حلوو
هدايه قاعد يعاين ليهم و يبتسم .. بعد ما استمتعت بيه شويه جاها قال ليها اديني اشيله شويه 🥰
: بتخرب طبعه و يتعلم الشيل
: خليه من حقه .. ولدي بطل حبيبي 🥰
: طالع ليك بشبهك شديد
شاله براااحه زي الخايف منه و خايف عليه من رقته ..
ضماه و يشم فيه ملئ رئتيه ريحة بيبي 🥰🥰🥰
فعليا ما مصدق ..
حجه فاطمه كانت سافرت لمرافي بريطانيا تولدها .. عباس رجع للبيت بشروط و هدايه وجعفر متابعينه و شغلوه معاهم في الشركه حقت النقل ..
حنان لسه في غرفتها التحت .. الشغالات ما مقصرين منها شي ما محتاجه زول ينفسها .. مرات بتزورها شاديه .. والعروسة زوجة انور صاحبتها شديد من عمرها تقريبا طيبه و ظريفه مع حنان شديد . .
