هدايه في عز الهرجه مع الكبار و الجوطه و النقاش و الاصوات تعلو وتخفت ..
مروه بتتصل بهدايه اتصال لحوح كممم مره . . هدايه وسط الجوطه دي رد عليها
: مروه انا مشغول في شي مهم ؟🙁
: مستر المدام طلعت من البيت 😰 طلبت ترحال و طلعت براها ما كانت قادره تتحرك يا مستر و بتمشي بمشيه غريبه ومتألمه .. مسكتها كتير لكن اصرت تطلع كانت منهاره مستر 😭😭😭
: ما قالت ليك ماشه وين ؟😠
: لا يا مستر وضعها ما كان بيسمح انها تتكلم و ترد علي من الالم و البكاء 😭😭😭
هدايه قفلته للتلفون .. بتكلمو معاه و يتناقشو قام علي حيله طوالي و طالع ماشي ينادو فيه خيلانه و عمه و الرجال الكبار ما اتلفت نهائي
(( سلو موشن و هو قايم ماشي و لقطات لوجوه الرجال المستنكرين طلعته بالطريقه دي من غير ما يستأذن ول يتكلم ول حتى يرد عليهم ))
ركب عربيته و انور جاري وراه عايز يوقفه او علي الاقل يشوف الحاصل شنو .. رجع بالعربيه حركه خلف سريييع لمن عايز يضرب انور وقف و فحط طلع طوالي ..
سايق العربيه هواء وصل للبيت ما دخل بالعربيه وقفها بره
دخل للبيت لقى مروه و الطباخه في الصاله قاعدين و متمحنين و مروه تبكي دموعها في خدها نازله لمن شافت هدايه زي الشافت الفرج . .
فرت قامت جاريه عليه لو عنده خبر عن المدام
هدايه قال ليها طلعت كيف ورجلينها كدمات و جروح وما قادره تمشي ول تقيف
مروه اتلفتت تشوف امل وين .. قالت ليه كانت بتتناقش مع مدام امل وهي قالت ليها كلام كتير خلاها زعلت 😪 و طلعت .. في شنو يا مستر نحن ما عارفين شي ..
: مافي شي 😠
هدايه طلع السلم جري وقف جمب غرفة امل هنيهه ودق الباب براحه لمن ما فتحت فتحه براه لقاها صاحيه قاعده مصنقره ولمن شافته عملت فيها المنكسره ماسكه خدها و قالت ليه تضربني و تمد يدك علي انا ..انا يا هدايه بتمد يدك علي وفي بيتك
هدايه بعاين يلقى هيثم نايم جمبها و عاصم كان بايت في العرس مع خالاته و اولادهم ..
: قلتي لحنان شنو😡 ؟
: ما قلتا ليها شي .. بدافع عن نفسي وعن كرامتي
: الصباح يصبح لو صحي عندك كرامه حتطلعي من البيت ده ست البيت مافي البقعدك شنو وانا ما طايق اعاين ليك بأذي عيوني لمن اشوفك قدامي .. ولو اصريتي تقعدي بعد ده آسف عندي تصرف تاني انتي آذيتيني في اعز ما املك زوجتي و ولدي طلعت و ما عارفها وين لا عندها معارف ولا اهل و لا اصحاب 😔😔
هدايه جسمه كله كان بتنفض لمن قال كده قعد في طرف السرير وماسك نفسه غصب
أمل بقت تعاين ليه كل القوه و الشراسه الكانت مع الرجال قبيل كل العظمه البتحسها فيه كل الانفه في طبيعته اتهدت قدامها ما قادر يقيف ما قادر يتمالك اعصابه ما عارف يتصرف كيف حست انها كسرته 😞ما قادره تجي جمبه ول تلمسه زي الاسد الجريح ممكن يعمل فيها شي ما تستوعبه .. قاعده جمب هيثم متحاميه بيه عارفه ما حيعمل ليها شي بوجوده واصلا اخلاقه ما حتسمح ليه يكون شرس معاهاوهي مره
