ပြီးပြည့်စုံခြင်း [COMPLETED]

[ 25 ]

UNICODE

နောက်တစ်နေ့ ဝမ်ကျားနင် ကုမ္ပဏီသို့ပြန်သွားချိန်မှာ ဟယ့်ချောင်ရှုက သူ့ကို စိတ်အားတက်ကြွစွာရှာနေပြီး 'October Fireworks'ရိုက်ကူးရေးအဖွဲ့မှ အကြောင်းပြန်ပြီဖြစ်ကြောင်း၊ ဝမ်ကျားနင် ပါဝင်ရိုက်ကူးခွင့်ရကြောင်း ပြောပြသည်။ သူ့အနေနှင့် schedule များကို လက်စသတ်ကာ ဇာတ်ကောင်နေရာအတွက် အမြန်ဆုံးစာချုပ်ချုပ်ဆိုသင့်ပေ၏။

ဖန်ဝေ့၏ရုပ်ရှင်၌ ပါဝင်ရမည့်အခွင့်အရေး။ အသေးအဖွဲအရံ‌ဇာတ်ကောင်ဖြစ်ပါစေဦး၊ သူ့လိုလူသစ်အတွက် အင်မတန်ရှားပါးသောအခွင့်အလမ်းတစ်ခုဟုဆိုရမည်။

ထိုအကြောင်းကြောင့်ပင် အစပထမ သူနှင့်ဝမ်းလင် ပူးတွဲ ပွဲဦးထွက်မည်ဟူသောအစီအစဉ်မှာ ရွှေ့ဆိုင်းခံလိုက်ရသည်။ ဝမ်ကျားနင်၏ October Fireworks ရိုက်ကူးရေးပြီးသည်အထိ စောင့်ပြီးမှ သူနှင့်ဝမ်းလင်၏နောက်ထပ်ခြေလှမ်းကို တရားဝင်စီစဉ်ပေးမည်ဟု ကုမ္ပဏီက ရည်ရွယ်ထားခြင်း။

သို့သော် တစ်နည်းပြောရလျှင် သူတို့ ဝမ်းလင်၏လှုပ်ရှားမှုများကိုလည်း အချိန်ဆွဲပစ်မှာပင်။ ဒါကတော့ ဝမ်ကျားနင်ကိုယ်တိုင် ဘာမှမတတ်နိုင်သောကိစ္စဖြစ်သည်။

ဖန်ဝေ့က ရုပ်ရှင်နှင့်ပတ်သက်လျှင် စည်းကမ်းတင်းကျပ်သည်မို့ ထိုသူ့ရုပ်ရှင်ကို ရိုက်ကူးလျှင် စိတ်ရှည်နိုင်မှရမည်။ ရိုက်ချက်တိုင်းကို အချိန်ယူတွေးဆသဖြင့် တစ်နေကုန်နေလို့ ဇာတ်ဝင်ခန်းတစ်ခန်း‌ပင် ရိုက်၍မပြီးသည့်အဖြစ်မျိုး ရှိခဲ့၏။

ထိုသို့ဆိုလျှင်တောင် အရည်အချင်းရှိပြီးသား actor တွေ မရေမတွက်နိုင်အောင် ဝင်တိုးချင်ကြသေးတာ အများကြီး။ အဘယ်ကြောင့်ဆိုသော် ဖန်ဝေ့၏ဂုဏ်သတင်းနှင့်ကျော်စောမှုကြောင့်ဖြစ်သည်။ နာမည်ကြီး actor များဖြစ်သည့်လုကျင်းလန်နှင့်ဝမ်ကျားနင်တောင် ဖန်ဝေ့၏ဇာတ်ကားမှာ ပါဝင်ရိုက်ကူးခွင့်ရသည့်အခွင့်အရေးကို တန်ဖိုးထားကြသည်။

လောလောဆယ် ဝမ်ကျားနင်မှာ တခြားအလုပ်မရှိတာမို့ ရိုက်ကူးရေးအဖွဲ့နှင့် join မည့်အချိန်ကို အမြန်ဆုံးဖြတ်လိုက်နိုင်သည်။ ရိုက်ကူးရေး ဘယ်တော့အဆုံးသတ်မလဲဆိုတာက မသေချာသေး။