HIDDEN SEVEN

TB Chapter 28: Again

Warning! ⚠️⚠️
There are unpleasant words!
Huwag gagayahin!

Chapter 28

Phia's PoV

Muntikan na akong mahuli sa klase at buti na lang mabilis akong kumilos kaya naman agad akong nakarating sa university.

Na-bother kase talaga ako sa tingin ni Xandra kagabi. Ibig sabihin, napuyat ako kakaisip dahil don.

'Yan ka na naman sa puyat routine mo, Phia.....

Hindi talaga kaya ng konsensya ko na balewalain lang yung mga tingin na 'yon lalo na kung makahulugan kaso hindi ko lang talaga maintindihan kung anong pinaparating niya.

Nabalik ako sa reyalidad nang tawagin ako ni Prof. "B-bakit sir?" tanong ko nang makatayo.

"I'm asking you, what have you learned for today's lesson?" tanong niya at napakagat labi naman ako dahil hindi ko alam ang isasagot.

Shuta, tapos na pala kaagad magturo si Sir? Parang kailan lang kakapasok ko pa lang ng room ah.

Ganon ba katagal lumipad yung utak ko?

"Ahm.....prof----!" pagsasalita ko pa lang ngunit napatigil nang magbell na hudyat na tapos na ang klase.

Phew......safe.

"We'll continue this tomorrow. Goodbye!" pagpapaalam ni Prof at dire-diretsong lumabas ng classroom.

Sana di na maalala ni Prof.....

Napansin ko namang nagsisiligpitan na ng mga gamit ang mga kaklase ko kaya naman nagligpit na rin ako.

Saktong paglabas ko ay nakita kong naghihintay ang mga kupal sa labas ng room.

Kaya naman pala maingay eh.....

Napatigil sila sa kaniya-kaniyang ginagawa nang mapansing nasa labas na ako ng room. Agad naman silang nagsilapit sa'kin.

"Oh? Ano na naman 'yon?" kunot-noong tanong ko sa kanila ngunit hindi naman nila ako pinansin at nagtingin-tingin pa sa paligid yung iba.

Agad akong hinila ni Kiara paalis sa lugar na 'yon at kasalukuyan kaming naglalakad papuntang building one. Pansin ko pa rin ang kilos at tingin nila na parang isang spy.

Para silang ewan.....

Hindi na ako nakatiis kaya naman tumigil ako sa paglalakad at napabaling naman ang tingin nila sa akin. "Yung totoo? Anong meron?" mataray na tanong ko ngunit nagsi-iwas lang sila ng tingin.

Hangin lang ba ako?

"Hoy! Ano nga?!" iritang sigaw ko habang tinitingnan sila isa-isa. Bwisit 'tong mga 'to, ayaw pa sabihin!

Napatigil ako saglit nang mapansin kong kulang sila ng dalawa, syempre si Dave na yung isa. Mas active pa si Lucas kaysa sa kanya psh.

Hindi ko na lang muna inalala 'yon at napalingon sa isang lalaki na sumisigaw habang papalapit sa direksyon namin.

Napatigil siya upang magsalita. "S-si Captain, n-nakikipagbugbugan sa court!" sambit niya habang pilit pa ring hinahabol ang hininga.

"Sinong captain?" takang tanong naman ni Neo at binatukan naman siya ng kapwa niya kupal na si Josh.

"Sino pa ba? Edi yung gwapo kong kaibigan, syempre 'wag niyo kakalimutan na mas gwapo pa rin ako." sambit niya at sabay sabay naman kaming napangiwi sa sinabi niya.

Mayroon bang anting anting pangontra sa mga katulad niya?

Bibilin ko lahat!

"Tama na nga muna iyan! Puntahan muna natin si Allan baka kung ano na ang nangyayari don?" singhal naman ni Kiara. Hindi naman na kami nagsayang ng oras  at kaagad na nagsitakbuhan papuntang court.