HIDDEN SEVEN

TB Chapter 31: Preparation

Warning! ⚠️⚠️
There are unpleasant words!
Huwag gagayahin!

Chapter 31

Phia's PoV

Kakauwi ko lang galing sa eskwelahan at nadatnan ang pinsan kong layas sa sala na nanonood ng TV. Napansin niya naman ako dahilan upang ibaling niya ang tingin sa akin. Agad ko namang naalala lahat ng inis ko sa kanya nang makita ko ang itsura niya.

Akala mo bati na tayo?

Akala mo lang 'yon.

Minalditahan ko naman siya at binalewala bago tuloy-tuloy na umakyat sa kwarto ko. Saktong natapos akong magbihis ay narinig kong may kumatok mula sa pinto. Hindi ko pa siya pinagbubuksan ng pinto ngunit nauna na siyang pumasok.

Aba, feeling niya kwarto niya.

"You know why I'm here, right?" direktang tanong niya sa akin habang hindi ako nakatingin sa kanya. Hindi ko naman siya sinagot at tamad na tumango.

Napansin kong hindi na siya ulit nagsalita kaya naman napatingin ako sa direksyon niya. Nadatnan kong nakatitig lamang siya sa akin at pinagmamasdan na para bang kakaibang tao ako ngayon.

Sana naman mahalata niya na inis ako sa kanya.

"What did I do? Why are you behaving like this?" biglang tanong niya na para bang nakalimutan na niya yung nangyari nung nakaraan.

Mas makakalimutin pa pala 'to kaysa sa'kin.

Inirapan ko naman siya at tumalikod. Ako pa magpapaalala sa kanya? Bahala siya. Kapag may kasalanan talaga, mabilis makalimot noh?

"Fine. I'm sorry." sambit niya nang mapagtanto na niya kung anong kasalanan niya sa akin. "It's not my intention to get mad at you like that and also for the things that I said to you at school. I didn't mean any of it. It's just...." dagdag niya pa ngunit napatigil nang bigla akong sumabat.

'Yon lang naman ang gusto kong marinig mula sa kanya.

"Oo na. Oo na. Pinapatawad na kita." panimula ko at hindi naman ako makatingin sa kanya ng diretso. "Sorry din. Dahil sa pagiging pakielamera ko, nabasag ko pa yung picture frame ni Caisy. Papalitan ko na lang 'pag nagkapera na ako ulit." dagdag ko pa at napansin kong natawa naman siya.

Nakita kong naglakad siya papalapit sa akin at hinawakan ako sa ulo. "You really look like her." malinaw na sambit niya sa harap ko.

Nudaw?!

Sinong 'her'?!

Si Caisy?!

Napaisip naman ako ngunit kaagad din nabalik sa reyalidad nang maalala kong mayroon pala akong gustong itanong sa kanya.

"Kuya, anong gathering pala yung pupuntahan natin sa friday?" tanong ko sa kanya.

Ngayon ko lang siya ulit natawag na Kuya.

Sandali naman siyang napatigil ngunit sinagot niya pa rin. "A birthday event." tipid na sagot niya naman dahilan upang mapataas ako ng kilay.

"Kaninong birthday?" tanong ko pa kahit naman alam ko ng kay Caisy talagang birthday ang pupuntahan namin.

"It's....It's C-caisy's....birthday." utal-utal na sambit niya dahilan upang matawa ako. Nakakatawa yung itsura niya habang binibigkas ang mga salitang iyon.

Napatigil naman ako sa katatawa. "Alam ko." biglang sabi ko naman at halata sa itsura niya ang pagkabigla.

"How?" takang tanong niya at kaagad naman akong sumagot.