vampire love (Yizhan Ongoing)

11th chapter

වෙනද වගේම අදත් එයාගෙ ගුඩ් මෝනිම් මැසේජ් එකත් එක්ක නැගිටපු මම අපි දෙන්නගෙ විශේශ දවස්වලට එකතු වෙන්න යන අද දවස පටන් ගන්න හැදුවා.. අම්මගෙ කෝපි කෝප්පෙත් එක්ක ජනේලෙ ගාවට ගිය මම හැමදාමත් ආස පරිසරය දිහා බලන් ඉන්න ගත්තා.. උදෑසනක් කියන්නෙම හිත නිවන භාවනාවක්.. තණකොළ උඩට වැටිල තියෙන පිනි බිංදු වලට ඉර එලිය වැටුන ම අනෙ බලන් ඉන්න ආසයි.. තරු වගේ .. දිලිසෙනවා.. මායි අම්මයි තාත්තයි එකතු වෙලා හදපු pond එකේ ඉන්න සූටි ම සූටි තාර පැටව් උදේ ම සෙල්ලම් කරනවා.. පිකි, ඩිකි , ෆෙයි.. පිකි , ඩිකි කෙල්ලො දෙන්නෙක්.. ෆෙයි කොල්ලෙක්.. එයාව එක්කන් ඇවිත් එයාලව පෙන්නන්න ඕන.. එයත් ආස වෙයි.. ගස් අස්සෙන් එන ඉර එලිය ලස්සනට පෙරිල එනකොට මට මතක් වුනේ එයාව.. එයත් හරියට ඉර වගේ.. උදේ පාන්දර මගේ හදවතට වැටෙන පලවෙනි හිරු කිරණ එයා වෙනකොට සමහර වෙලාවට එයා රස්නෙ ම රස්නෙ ඉර වගේ ගිනියම් වෙනවා.. හැම අතින් ම.. නපුරුකමින් වගේම ශෘංගාරයෙනුත්.. හැබැයි තාමත් අපි දෙන්නා අපි දෙන්නගෙ සීමා මායිම් පැන්නෙ නෑ.. හැබැයි හවස හැංගෙන ඉර වෙනුවට එයා මට හවසට පායන හඳක් වුනා.. පූර්ණ හඳක්.. මාව සනසවන මාව නිවන... එයාගෙ ආදරෙ එක්ක කෝපි කෝප්පෙ ඉවර කරපු මම එයා ෆුල් කිට් එක ඇන්දම මොන වගේ වෙයි ද කියල හිතන ගමන් ලෑස්ති වුනා..

ශියාඔ ජාන් ශියාඕ ජාන්.. අද තමයි දවස.. එයා එක්ක.. එකට... අනේ... ඔය ඉන්නෙ නලුව වගේ.. ඔයාගෙ පුංචි කුමාරයත් ඇති.. එයාගෙ මූන ඉක්මනට හොඳ කරගන්න ඕන.. මම ඒක කරනව කොහොම හරි... එහෙනම් ශියාඔ ජාන් සුභ පැතුම් ඔයාට..

කන්නඩියෙන් පේන මගේ ම රූපය එක්ක කතා කරපු මම එන්න ආවා.. පහලට යද්දි අම්මා කෑම මේසේ හදලා..

එයා ගැන අම්මට කියන්න ඕන.. අද ඇවිල්ලා කියනවා.. එයාවත් එක්කන් එන්න ඕන..

අම්මා ... ගුඩ් මෝනිම් ...
තාත්තා.. ගුඩ් මෝනිම්..

ගුඩ් මෝනිම් පුතා..

ආ හැන්ඩියා.. අද කෙල්ලෙක්වත්.... ආ නැ නෑ.. මොකුත් නැ..

මොකක්ද මොකක් ද ? අනේ පපා කියන්නකො..

මමා.. කියන්න කියන්නකෝ..

පපා මොනා හරි දැනගෙන ද? මමා දිහා බැලුවමත් හිනාවෙවී උරහිස අකුලනවා..