အပိုင်း 10 အစွမ်းထက်ချန်းရှန်
"မင်း..."
ချန်းရှန်ရဲ့မျက်နှာအမူအရာဟာ ရုတ်တရက်ပြောင်းလဲသွားပြီး သူ့နှလုံးသားထဲမှာ ဒေါသတွေနဲ့ပြည့်နှက်လာကာ ချူးယွန်ကိုစေ့စေ့ကြည့်လိုက်လေတယ်။"အမှိုက်ကောင် မင်းက အသက်ရှင်သန်ရတာပင်ပန်းနေပြီလားကွ ဟေ "
ဒီလောက်လူတွေအများကြီးကြည့်နေကြတဲ့စင်ပေါ်မှာ အမှိုက်ကောင်ချူးယွန်က မာနထောင်လွှားပြီးသူ့ကိုစော်ကားရဲတယ်။ အဝါရောင်အဆင့်တစ်သိုင်းဝိညာဉ်လေးနဲ့ သူက ဘယ်လိုတောင်မာနလာထောင်လွှားနေရတာလဲ?
"တိတ်စမ်း"
တီအန်တာအိုဂိုဏ်းက လူတစ်ယောက်က မျက်မှောင်ကြီးကြုတ်လို့ထအော်လိုက်ပြီး သူ့မျက်လုံးထဲမှာတော့ ချူးယွန်ကိုလှောင်ပြောင်သရော်လိုဟန်တွေ ထွက်ပေါ်နေတယ်။"ချူးတိုင်ကွန်က သူ့အသက်နဲ့ထပ်ယုံကြည်ပြီး ငါတို့ကိုကတိပေးထားခဲ့တဲ့ လူငယ်လေးလား"
"ကြည့်ရတာ ငါကြားခဲ့တာထက်ပိုကောင်းတဲ့ပုံပဲကွ"
အခြားလူကြီးတစ်ယောက်ကလဲရယ်မောလိုက်တယ်။"တော်လောက်ပြီ စကြရအောင်"
ဂျင်ရန်က အေးစက်စက်မျက်နှာပေးနဲ့ သူမလက်တွေကိုဝှေ့ယမ်းလိုက်ရင်း ချူးယွန်ကို အဆိုပါ လူသားနှစ်ယောက်လှောင်ပြောင်နေရာကနေ ရန့်တန့်ပေးလိုက်သည်။"မင်းတို့အားလုံးရဲ့သိုင်းဝိညာဉ်တွေကို ထုတ်လွှတ်လိုက်ကြချေ"
ချန်းလုံရဲ့အော်သံအဆုံးမှာတော့ တပည့်တွေအားလုံးက သူတို့ရဲ့သိုင်းဝိညာဉ်တွေကို အသီးသီး ထုတ်ဖော်လိုက်ကြလေသည်။
"ဘန်း...ဘန်း...ဘန်း..."
လေထုထဲမှာအမျိုးမျိုးသော အရောင်အဝါတွေထွက်ပေါ်နေပြီး ကြောက်မက်ဖွယ်ရာစွမ်းအားတွေကို ထုတ်လွှတ်နေကြပါတယ်။"အဝါရောင်အဆင့်ငါးသိုင်းဝိညာဉ်၊အနက်ရောင်အမြီးမြွေ" ဒါကတော့ ချူးဟွမ်ရဲ့သိုင်းဝိညာဉ်ပါ။
"အဝါရောင်အဆင့်ငါးသိုင်းဝိညာဉ်၊အပြာရောင်နှင်းဖျံ " ဒါကချူးယုရဲ့သိုင်းဝိညာဉ်ပါ။
အခြားတပည့်တွေရဲ့သိုင်းဝိညာဉ်တွေကလဲ အဝါရောင်အဆင့်ငါးတွေချည်းဖြစ်ကြသည်။အဝါရောင်အဆင့်ငါးဆိုတာက အနိမ့်ဆုံးသတ်မှတ်ချက်ပါ။အဝါရောင်အဆင့်ငါးမှမရှိရင် သူ့ဘဝမှာ အောင်မြင်မှုတွေများစွာရယူနိုင်မှာမဟုပ်ဘူး။တစ်ဆက်ထဲမှာပင် အဝါရောင်အဆင့်ငါးထက်သာလွန်ပါက သူ့ကိုထူးချွန်တဲ့ကျောင်းသားလို့ သတ်မှတ်နိုင်တယ်။
YOU ARE READING
ကောင်းကင်စစ်ဝိညာဉ်(ချူးယွန်)အတွဲ-၁ Uni&Zaw ေကာင္းကင္စစ္ဝိညာဥ္(ခ်ဴးယြန္)အတြဲ-၁
אקשןအပိုင်း ၁ မှ ၁၉၆ ဇာတ်လမ်းအကျဉ်း ၂၁ ရာစု တရုတ်နိုင်ငံရဲ့အထူးစစ်သားတစ်ယောက်၊ ရှေးဟောင်းပစ္စည်းတွေ ဖောက်ထွင်းခံရတာကြောင့် ပြန်လည်လိုက်ယူရင်း သေလောက်တဲ့ ဒဏ်ရာရခဲ့တယ်။ အဲဒီမှာ ထူးဆန်းတဲ့ရှေးဟောင်းပစ္စည်းတစ်ခုကို သူ့ကိုယ်က စီးကျလာတဲ့သွေးတွေ ဝင်သွားခ...