سـأكــــون ( مكتمله بقلم ملك الكفراوي)

الجزء 2 الحلقه 2

" الجزء الثاني  الفصل التاني"
*******************************
وصلت إلى منزلها واتجهت الي الداخل ولكنها وجدت والدها واخيها بالحديقه... اتجهت إليهم والقت عليهم السلام واردفت بضحك وهي تحادث إياد : خد هناا يلااا
اتجه اليها واردف بتساؤل : عايزه اي؟
جني بضحك وهي تخرج له حقيبه مملوءه بالحلويات : اتفضل ي عم...
نظر الي ما بداخلها واردف بضيق : اي دا  يجني؟ حلويات؟ اي شغل البنات دا...
جني بزهول : هي الحلويات بقت وحشه للدرجه دي.... دانا جيبالك شوكولاته ب ٣٠جنيه ونص... وأهم حاجه النص دا
زفر بضيق واردف بهمس لها : خلاص هديهم لهنا وأمري للله
جني باستغراب : مين هنا دي؟
إياد بهمس : دي البنت اللي كنت عورتها في المدرسه
جني بزهول : هناا... امشي من هنا وانا هشوف حكايه هنا دي بعدين...
وبالفعل غادر الصغير والتفتت جني الي والدها الذي اردف بتساؤل : اي سر الضحكه المخفيه دي...
جني بفرحه : اتريقت في الشركه... بقيت مدير عام إنتاج الادويه
يوسف بحماس : اووووووه... بنتنا قربت تبقى Business woman...
قبل محمد راسها بحنان واردف بفرحه : الف مبروك ي روح قلبي

جي بابتسامه : الله يبارك فيك ي حبيبي
ثم تابعت بخفوت : بس في مشكله...
محمد باستغراب : اي هيا؟
جني بترقب : المفروض اسافر بعد يومين....
نظرا بوسف والدها الي بعضهما بترقب واردف محمد بتساؤل : لازم يعني؟
جني بايماء : ليا فرصه حلوه اووي هناك
اتي صوت والدتها التي اردفت باستغراب وهي تحمل طبق من الفواكه بين يديها وخلفها نور التي كانت تحمل العصير واردفت بتساؤل : فرصه فين....
يوسف بضحك : ست الحسن والجمال جالها سفر برا
هبه بزهول : نعم؟ وانتي هتسافري؟
نور بضحك : اهدي ي ماما هيحصل اي لو سافرت
جني برجاء : ارجوكي ي ماما حياتي هتختلف لو سفرت
هبه باعتراض : والله لوهتعيشي ملكه مانتي مسافره...
محمد بتساؤل : ليه ي هبه؟ اترقت النهارده وجالها السفر داا بسبب منصبها الجديد
هبه بتساؤل : منصب اي
جني بأمل : هدير عام إنتاج الادويه في شركه Z. Y. O
نور بفرحه : بجد.... الف الف مبروك ي روحي... لازم توافقي ي ماما....
هبه باعتراض : لا مش هتبعد عني في بلد تانيه لاا
يوسف بتساؤل : راحه فين...
صمت قليلاا ثم اردفت بتردد : روسيا
محمد بضحك : ياريتك منطقتي ي شيخه...
هبه بغضب : اتهبلت انا علشان اسفرك روسيا
نور بغمزه : متخدني معاكي وحطيني في جيب شنطه هدومك
يوسف بضحك : ومين هيسمحلك ي شاطره
نور بضحك : اللي هسمح لجني....
محمد بضحك : يبقى ضمنا انك مش هتروحي معاها...
جني برجاء : بالله عليكي ي ماما النهارده كان في صفقه مهمه مع الوفد الروسي ورئيس الوفد شخصيا عرض عليا الشغل المستمر هناك...
قاطعها هبه بحده : بيعرض هو من دماغ اللي جابوه.... طب علشان كدا بقا مفيش سفر
محمد بضحك : اسمعيها للآخر بس
جني بضيق : ياريت والله... هرفض طبعاا الاقامه هناك لأن عارفه رفضكم دا غير اني مقدرش اعمل دا اصلاا.... بس علشان خاطري بلاش تقطعي عليا
صمتت هبه لثواني وهي تفكر في كلام ابنتها.... تذكرت حماسها وتلك الرغبه التي تشع من عيناها... نظر الي زوجها الذي أشار لها دليل على الموافقه فاومات لابنتها والخوف يتخلل صدرها... احتضنها جني بفرحه واردفت بسعاده : ربنا يخليكي ي ست الكل
يوسف بضحك : اي الأخبار الحلوه دي كلها...
جني بمرح : بشاير رمضان بقا
نور بتذكر : ماما وبابا طالعين الحج بعد ٣ ايام
جني بزهول : بجد! دا اي الجمال دا!
يوسف بابتسامه : عقبالنا كلنا ي رب
نظرت جني الي والدتها الصامته ورات الخوف في عيناها.... احتضنت كف يديها واردفت بابتسامه :ومتخفيش والله هكون بخير...
هبه بقلق : انا خايفه مش اكتر... انا اكيد عيزاكي توصلي لأكبر من كدا بس خايفه تروحي بلد متعرفيهاش ولغه متعرفيش تكلميها وهتع.....
قاطعتها جني بسرعه : مين دي اللي متعرفش تتكلم روسي... دا السبب الأول لعرضهم عليا
محمد بضحك : هتتكبر علينا اهو
يوسف بفخر وضحك : تتكبر كمان وكمان... اتكبري ي بت
ارسلت له قبله في الهواء فضحك هو واردفت نور بضيق : جوزي ي ضاكتوره
جني بخوف زائف : اخاف اتكلم بعد ضاكتوره دي
هبه بابتسامه خفيفه : طب يلا ورانا شغل كتير
نور وجنى معا : رمضان كريم عليكم
يوسف بضيق : من الاول اهو انا اللي هعلق زينه الجنينه
جني بضيق : ظلم ي يوسف
نور بغيظ : مش انت قلتلي انا اللي هعلقها
يوسف بضحك : كدابه مقلتش حاجه....
إياد بسرعه وهو يتجه اليهم : لا قلت لماما هنزين الجنينه سوا
يوسف بغضب : اه يبن*******
إياد بضحك : عيب تكدب على جدوا وتيته
محمد بشماته : يبقى نور وجنى الجنينه والبلكونات وانت سطح البيت
جني بسماجه : تستاهل
هبه بضحك : طب بطلوا شغل أطفال وانا قايمه اجهز اللي ورانا وهدوم ابوكم
يوسف لنور بتساؤل : جبتي هدوم علشان اصلي؟
نور بايماء : على سريرك جوا مكويه ومتطبقه وكويت هدوم حضرتك ي بابا في الاوضه
محمد بابتسامه : تسلمي ي غاليه...
هبه بهدوء : الزينه بعد ما تخلصوا ي بنات... هحضر هدوم ابوكم بتاع السفر تكونوا انتو قشرتوا البصل والتوم والبطاطس وحد يطلع اللحمه المفرومه ويوسف وانت راجع من الصلاه هات اللحمه من الجزار... نور متنسيش تنقعي الفول وانتي ي جني اعملي العصاير ومتنساش تجيب الفاكهه وانت جاي يابو يوسف
محمد بابتسامه : عُلم وينفذ
ابتسمت هيه بحب فاردفت جني بضحك : يوسف ابنك ومراتك ورايا وفضي الجو للعشاق
لكمتها هبه بغيظ واردفت بضيق : طب قومي علشان تسقي الزرع دا وتنضفي الجنينه
يوسف بتنبيه : ان قربتي من البصل والتوم ي نور هسيبلك الاوضه وانام في حضن امي
نور بضيق : شوف ي بابا ابنك.... امال اطبخ لمعالي جنابك ازاي
يوسف بهدوء : اتصرفي مليش فيه
جني بضيق : عفوت عنك من البصل والتوم وجهزي انتي باقي الحاجه
نور بضحك : فل كدا
ثم التفتت اليه واردفت بضيق : مش هنام انا في الاوضه النهارده
محمد بضحك : علشان تبقى تلوي دراعها اووي
يوسف بمكر : بقا كدا؟ احب اقولك هعمل ايه اخليكي تيجي غصب عنك
نور بضحك : متعرفش
قام من مكانه واردف بضحك : هعرفك هعرف ولا لا
نور بسرعه وهي تقوم من مكانها بعيدا عنه : خلاص خلاص هاجي حد قالك حاجه؟!
هبه بضحك : جبانه
نور بضيق من زوجها : الجبن سيد الأخلاق
قامت من مكانها واردفت بضحك : طيب يلاا لان احنا صاحين الصبح نجهز الحاجات اللي ورانا دي
محمد بهدوء وهو يقوم : وانا هجهز للصلاه ويلا ي يوسف.. إياد خلي ماما تجهزم يلاا..
وبالفعل اتجهوا للاستعداد وذهبوا معاا للمسجد لصلاه العشاء والتراويح اما جني فبدلت ملابسها واتجهت للمطبخ للمساعده والدتها بعدما انتهو من الصلاه جلسوا معا في الحديقه وبدأ محمد في قص بعد قصص من قصص الأنبياء على مسامع إياد الذي كان يستمع اليه بانتباه كبير.... دلفت جني الي غرفتها بتعب شديد والقت بجسدها على الفراش بعتب واردفت بهلاك : هموت... ضهري هيموتني
نور بتعب هي الأخرى : وانا كمان... هتاكل قبيله؟
جني بضحك : قاره وحياتك... متبقاش امي ان معملتش الهيصه دي...
اعتدلت نور في جلستها واردفت بابتسامه :عارفه باللرغم من أن ماما كانت بتعمل كدا الا اني محستش بجو رمضان إلا من يوم ما دخلت البيت دا
جني بتذكر : مش هتصدقيني ان قلتلك ان يوسف مكنش بيدعي غير دعوه واحده بس كل يوم قبل الفطار وهي " اجمعني بيها السنه الجايه في بيت واحد" علشان كدا بيصبلك بعيون بتلمع... اتمنى في يوم الاقي حد زي يوسف اخويا
علاا رنبن هاتفها فنظرت اليه باستغراب لأنها لا تعلم هذا الرقم  فاردفت نور بتساؤل : مين؟
جني بجهل : معرفش
نور بهدوء : ردي طيب
اجابت على المكالمه وزهلت حينما اتاها صوته الذي اردف بترقب : صحيتك؟
كانت دقات قلبها في صراع كبير وكأنها تستمع اليه لأول مره حتى انها اعتقدت ان نور استمعت لداقاتها... كان صدرها يعلو ويهبط بسرعه مما آثار استغراب نور التي اردفت بتساؤل حينما رأت معالم الارتباك على وجهها : بت انتي كويسه؟
استغرب عدي من الصوت الذي اسمعه وكرر بهدوء : جني
أجابت عليه بتوتر بادي من طبقه صوتها : سوري انا معاك... لا صاحيه متقلقش...
عدي بترقب : طب القرار اي؟ ولا هتعملي اي؟
جني بخفوت : كله تمام مفيش مشكله...
دلف إياد الي الغرفه بضيق واردف : يلا ي جني هتفرقعي معايا صاروخ قبل ما انام..
ثم اردف بضيق غير مبالي لجني ونور التي تمنعه من الحديث : ريحتكم بصل مقرفه
ضربت على جبينها باحراج وضحك عدي بخفوت عليها واردف بضحك مكتوم لم يستطع جني تمييزه من صوته : صواريخ؟
أخرجت نور إياد من الغرفه بسرعه وجلست أمام جني التي اردفت باحراج شديد : بعتذر جدا حقيقي
عدي بهدوء بعدما استشعر إحراجها : ولا يهمك بما ان كله تمام فادامك بكره تجهزي كل حاجتك وتقدري متجيش المستشفى أو الشركه بكره وان حصل اي حاجه فيينا تليفون
جني بايماء : تمام هنمشي الساعه كام؟
عدي بهدوء : هحجز وابلغك على طول... اعملي حساب جو روسيا
جني بايماء : بإذن الله
عدي بحذر : تصبحي على خير
ابتسامه كبيره اعتلت ثغرها واردفت بنبره هادئه : وانت من اهل الخير
اغلقت الهاتف بسرعه وابتسامتها مازالت على وجهها... لكمتها نور بضيق واردفت باستغراب : مين كان بيرن
جني بخفوت : عدي
نور بزهوول : ليه؟ عدي بكلمك ليه؟
جني بضيق : ماهو المدير ي نور في اي
نور بتذكر : ايوا صح... بس اي الابتسامه دي كلها....
جني بضيق وهي تلقى الوساده عليها : ملكيش دعوه وقومي لسه الجنينه والبلكونات....
قامت نوت من مكانها واردفت بضحك : والله والضحكه قدرت تشق الوش الوقتي....
قالتها وخرجت من الغرفه بسرعه حينما رأت ضيق جني التي تبعتها وبدأت في العمل من جديد ولكن بابتسامه على وجهها.... مر بهم الوقت وانتهوا من عملهم وقبل السحور بدلوا ملابسهم واجتمعوا لتناول الطعام... عقدوا نيه الصيام اتجه كلاا منهم لغرفته للعباده والصلاه وقراءه القرآن....
اما في قصر الشرقاوي كانوا جميعا مجتمعون على هذه المائده... وضعت جميله وماسا اخر طبق على السفره وجلسوا واردفت ماسا بابتسامه : كل سنه وانتو طيبين
جميله بابتسامه : متجمعين دايما بإذن الله
يزن بضحك : اول رمضان للعدي بعد ١٢ سنه
عدي بضيق :ي عم فكك مني بقا
ثم التفت الي ماسا واردف بتساؤل : فين زينه؟
زين بضحك : فين مراته؟
جميله بضحك : انت مضايق ليه؟ ولا علشان متعلقه بيه وانتو لا
عدي بضحك : قوليله ي جميله بالله عليكي
ماسا بضحك : هي فوق ولسه نايمه من قريب
زين بصوت عالي : هناااااا...... دااااااانه فوقوا يلاا الفجر هياذن الحقوا كلوا
دانه بنعاس : مش قادره ي بابا
يزن بضحك : يلاا ي قمره انتي وهي الفجر هياذن
جميله بتساؤل : الشركه بنفس المواعيد؟
يزن بايماء : ايوا... صحيح ي  عدي عملت اي مع الوفد الروسي
عدي باشغال وهو يتناول طعامه : هسافر روسيا مع جنى بعد بكره
يزن بضحك : شهر العسل وانا معرفش...
نظر له عدي بهدوء وأعاد نظره الي طعامه مره اخرى واردف بهدوء : لاا شغل
نظرت ماسا ليزن بعتب ولكنها تفاجئت بزين الذي اردف بتساؤل : طب جني معاك ليه
عدي بهدوء  : شكلك نسيت انها مديره الفريق وهي اللي مشرفه على اخر منتج طالع...
يزن بزهول : بجد؟ فاتني كتير اووي
عدي بهدوء : ابقى روح من فتره التانيه يلاا بالعافيه ليكم.. تسلم ايدكم ي بنات....
ماسا وجميله بابتسامه : بالعافيه....
صعد الي عرفته وأنهى الجميع طعامهم وصعدت الي غرفتهم وعند صلاه الفجر صلوا فرضهم وناموا بسلام....