الجزء التاني الحلقه الرابعه عشر
****************************
عادت من عملها اليوم متعبه وهي تشعر بالم في بطنها كالمعتال اليها... ولكن تلك مره لم تستطع تحمل الألم مطلقا... كانت تنام بتعب شديد... كانت والدتها تعد لها كوبا من القرفه حتى تهدا قليلا ولكن دق الباب المنزل فوضعتها على اقرب طويله واتجهت لفتح الباب فوجدت عدي امامها واردفت ابتسامه : عدي ادخلي ي حبيبي
دلف عدي الى الداخل واردف بابتسامه : عامله اي ي ست الكل...
هبه بابتسامه : الحمد لله بخير والله.. اخبارك اي
عدي بابتسامه : بأفضل حال والحمد لله... فين دكتورتنا تليفونها مقفول من بدري؟جلنا سفر ضروري كمان ساعتين ولازم نمشي.... بكلمها من بدري مش بترد قلت اجي اشوفها...
هبه بتساؤل : سفر اي دلوقتي وهي تعبانه كدا...
عدي بلهفه : تعبانه مالها هي فين؟
هبه بسرعه : هي نايمه اهدي.... جيت تعبانه ونامت....
عدي باستغراب : انا جايبها كويسه.... في اي اللي اتغير طمنيني عليها...
هبه بهدوء : هي كويسه بطنها تعباها شويه بس وجيت نامت على طول....
عدي باستغراب : هو ايه حكايه وجع بطنها دي... مالها كدا دايما تعبانه...
هبه بهدوء : لاا تعبها طبيعي متقلقش...
عدي بتفهم : طب معلش ممكن اصحيها... لان هتتاخر على الطياره كدا...
هبه بتردد : هو ضروري ي عدي؟
عدي بضحكه خفيفه : قلقانه عليها وهي معايا ولا اي؟
هبه بنفي : مش كداا بس بحس ان روحي بتطلع ي عدي وهي بعيد عني....
عدي بابتسامه : بعد الشر عنك بس ضروري نسافر والله... جالنا سفر مفاجئ لو كنت اعرف بتعبها مكنتش وافقت... دا غير أن هي اللي ماسكه الشغل دا...
هبه بهدوء : خلاص حاضر هصحيها تشرب ايه الأول؟
عدي بابتسامه : ولا اي حاجه بس تصحيها تجهز نفسها....
اومات بابتسامه ودلفت الي جنى التي كانت منكمشه على نفسها بشده.... جلست بجانبها ووضعت يدها على كتفها واردفت بحنان : جنى... جوجو... حبيبتي اصحى...
جني بتعب : اي ي ماما عايزه انام...
هبه بابتسامه : عدي برا ي حبيبتي عايزك....
جني باستغراب :اي دا ليه؟ الساعه كام؟
هبه بهدوء : الساعه 6 وبيقول عندكم سفر دلوقتي مهم...
اعتدلت في جلستها واردفت باستغراب : سفر اي دلوقتي معرفش حاجه...
هبه بهدوء : مش عارفه قومي اعرفي منه...
جني بتعب : بجد مش قادره اقوم...
هبه بحنان : معلش ي حبيبتي استحملي...
اومات لها وارتدت ملابسها وخرجت الي عدي.... حاولت ان تكون طبيعيه قدر المستطاع ولكن وجهها يحكي ما عليها.... وقف بزهول واردف : في اي ي بنتي وشك اتغير كدا ليه... كنتي كويسه الوقتي؟
جني بهدوء : متقلقش مصدعه بس شويه... اي حكايه السفر دي صحيح...
عدي بهدوء : في مشكله في آخر صفقه في إيطاليا ولازم نسافر شويه نحلها... وانتي عارفه انك اللي متابعه الموضوع دا علشان كدا لازم تبقى موجوده....
جني بترقب : لازم؟
عدي بايماء : للاسف لازم تكوني موجوده والطياره بعد ساعتين يدوب تجهزي.
نظرت الى والدتها التي اردفت : قومي اجهزي وانا هبلغ بباكي
اومات لها جنى واردفت بتساؤل : طيب تجهز عما انا اجهز؟
عدي بهدوء : انا شنطي جاهزه براا....قومي انتي بس اجهزي بسرعه....
اومات له ودلفت الي غرفتها تجمع ملابسها المهمه فقط وبالفعل غادرت مع عدي بعدما ودعت والدتها... لاحظ التعب على وجهها فاردف بهدوء : لو هتفضلي تعبانه اووي خدي مسكن عما نوصل علشان متتعبيش في الطياره...
جني بهدوء : لاا متقلقش انا بقيت كويسه..
مد يده الي الدرج الذي امامها واخرج منه علبه مكسرات صغيره وثمرتي موز واردف بهدوء : كلي دول هترتاحي شويه واول ما نوصل المطار هجيبلك حاجه دافيه تهدي شويه....
شعرت باحراج شديد للغايه منه وتمنت ان تنشق الأرض وتبتلعها... لاحظ عدي احراجهاا وتوترهاا واردف بهدوء : حبيبتي اهدي وخدي متتردديش.... ولو حابه ارجعي نامي وراا او افردلك الكرسي اللي عليه....
جني بنفي : لا لا انا تمم كداا...
اخذتهم من بين يديه بتوتر واردفت بتساؤل : هنفضل في الطياره قد ايه؟.
عدي بهدوء : حوالي ثلاث ساعات
جني براحه : احسن من ٩
عدي بضحك : لسه خايفه؟
جني باماء : جدا
عدي بخبث : متخفيش المره دي مش هخليكي تحسي بحاجه
جني باستغراب : ليه بقى هتعمل ايه...
عدي بحب : لان المره دي انتي مراتي وحضني يقدر يطمنك...
وصلا اخيرا الى المطار وكانت في الطائره التي كانت تستعد الي الاقلاع تمسكت به بقوه وهبطت دموعها بصمت.... ضمها اليه بقوه واردف بهمس : انا معاكي متخفيش...
استطاع ان يشعر بتلك الانتفاضة التي في جسدها فاردف بهمس ليخفف توترها : على فكره مفيش شغل وانا اللي خطفك إيطاليا...
نظرت اليه باعين مفتوحه واردفت بزهول : بجد.... طالما مفيش شغل جينا ليه؟؟
عدي بابتسامه : اهرب معاكي شويه... انتي في ضغط بقالك فتره... قلت نستجم مع بعض شويه
نظرت اليه بضيق واردفت : طب ليه تاخذني على غفله كده يعني... وكمان ماما متعرفش دلوقتي ولا بابا ايه الموضوع؟ عدي بضحك : يعني لو قلتلك نسافر نتفسح هتوافقي... اي نعم في يوم انت تعبانه فيه بس مكنتش اعرف.... نستنى ترتاحي ونبدأ رحلتنا... بس حقيقي عندنا مشكله هنا وهنحلها فعلاا هتاخد حوالي ٦ ايام وبعدين نستني يوم نرتاح فيه ونقعد فيه سوا ونمشي
اومات بهدوء فاردف بمشاغبه : بحبك طيب...
ابتسمت بحب وهو يضمها اليه بقوه
أنت تقرأ
سـأكــــون ( مكتمله بقلم ملك الكفراوي)
Romanceكانت ستبكي... فتذكرت انها انثي... فتغيرت اللعبه..!،
