يا لها من حواء
(11)
همت روما بالذهاب من امامها...وهي تشعر بالضيق
مابال النساء اليوم؟
سلكت طريق بيت جدها...الى ان وصلت هناك..دخلت المنزل..لتجد جدها جالسا و ريتاج تغني بصوت مضحك
روما:ياعيني يا جدو..ايه اللي وصلك لكده؟
جدها:الزمن يا بنتي الزمن
ريتاج بتذمر:قصدك ايه يا سي جدو ...صوتي وحش
جدها:نهائي يا حبيبتي...ده انتي صوتك صوت ملاك
روما:قصدك هلاك...فطرت؟
جدها بسخرية:اومال انا مصحيها ليه...
روما:يالا يا بلوة نطلع نجيب فطار
ريتاج:لا انا هطبخ
روما :مابلاش يا ريتا..جدك هنا لواحده ..ماحدش هيسعفنا
ريتاج:ماشي ياختي...هطلع اغير هدومي و انزل
صعدت ريتاج الى غرفتها..لتبدل ملابسها تاركة جدها وروما جالسين بالأسفل
جدها:حد ضايقك هناك؟
روما:لا مين قالك كده؟
جدها:مش محتاج حد يقولي يا روما ..انا لسة بحس بيكي...ايه اللي حصل
روما:ماعرفش والله يا جدو..بس استغربت لما لقيت بنات بيمشوا ورا كلام اهبل زي ده...يمكن انا اللي هبلة الله اعلم
جدها:مش كل بنت لابسة طرحة او نقاب تبقى مؤمنة يا روما.و ممكن كمان تبقى مش بتصلي...الموضوع موضوع انا عايز ابقى شبه الأجانب
روما مداعبة:طب ما انا شبهم اهو
ريتاج من الدرج:شبه مين اتنيلي و انتي عاملة زي الكابتن كده
روما:افضلي اتريقي كده ياريتا...اما نشوفك هتبقى عاملة ازاي
وصلت ريتاج الى الأسفل:هبقى عاملة ازاي يعني....هفضل زي منا كييوت..
روما:كييوت!!...طب مش يالا بقى
ريتاج:يالا يا كوتش...معلش يا جدو..هرجع بسرعة علشان اكملك الأغنية
قبلت ريتاج يد جدها...والتفت للخروج منتظرة روما بالخارج
جدها:روما انا مش عايز افطر..خوديها وروحوا اي حتة
روما مداعبة:ماتخافش يا جدو...مش هتسمع صوتها خالص لما نرجع هلزقهولك بلزقة
قبلت رأسه...و خرجت الى ريتاج التي كانت شاردة في المنزل الذي امامهم
روما:عجبك الديكور
ريتاج بهذيان:هاه..اه شكله لطيف..مش يالا بقى
أنت تقرأ
يا لها من حواء
Romance"اخترقت حصون قلبي لتصبح ملكا فيه" ..... مجرد عنيدة لا تجيد شئ الا اللعب بالكرة.... تقع في فخاخ عدة بين مجتمع يفرق تفرقة عظيمة بين حواء و جنس ادم .... هو ليس الا من جنس ادم ..يائس فقد كل ما اوجدته الحياة له ..عاد الى حياته القديمة ليقابلها و يبدأ الق...
