يالها من حواء
(23)
الطبيب بأبتسامة:مبرووك المدام حامل!!
راما بسعادة:الله!!...من امتى؟
الطبيب:لسة من اسبوع تقريبا
راما بلهفة وهي تلتفت الى روما:روما روما....كارمن حامل...تفتكري ولد ولا بنت
روما بسخرية:هنفتكر من الأسبوع الأول...ميرسي اوي يا دكتور...
...
خرجت روما من غرفة كارمن و خلفها كارمن و راما...كانت روما سعيدة فهي ستصبح عمة في النهاية....كانت الفتاتان في الخلف يتفقون على جنس المولود و اسمه
روما بضجر:بس يا هبل...هتخلوني اشك فيكوا
كارمن بسرور:تخيلي يا روما انا هبقى ام بعد تسع شهور
روما بأبتسامة:الحمدالله يا كوكي...هيبقى ليكي لازمة بدل ما انتي قاعدة بتصدعيني بأغانيكي ديه
كارمن:مالكيش دعوة انا هخلف بنوتة علشان تعزف زيي
روما بخوف مصتنع:يا ساتر يارب...لا يا كارمن حاولي تنسي الموضوع ده لأنه هيأثر على علاقتنا احنا الأتنين
اتجهت الفتايات الى غرفة حازم..لتطرق اخته باب الغرفة...و تركض الى حضنه الذي اشتاقت اليه...لكن احتضنت يديه الملفوفة بالشاش لتدوي صرخاته الغرفة..ركضت روما اليها و ابعدتها لتنظر لأخيها بأسف
راما بأسف:اوبس...ماكانش قصدي
حازم ببعض من الألم:راما الشهرين اللي جاين ماتقربيش مني نهائي..لأن نهايتي هتبقى على ايدك ان شاء الله
راما:بعد الشر عليك يا زوما ان شاء الله انا ولا انت..
حازم:قولي بس يارب...و بعدين لو ربنا اخدك ناس كتيرة هتستريح اولهم كابتن روما
روما:مش للدرجة ديه يا كابتن راما في عينينا..و بعدين انا شايفة ان قعدت المستشفى عجبتكم
حازم بسرعة:لا يا كابتن روحيني انا مابحبش المستشفيات اصلا
..
خرجت روما و حازم لتتبعهما راما محاولة مسعادة كارمن في الأتزان..وصلا الى سيارة روما ليركب الجميع....ركب حازم في الخلف هو واخته لتركب كارمن في الأمام
ظلوا يتحدثون في مواقف عدة ..الا ان وصلوا الى المنزل...
ترجلت راما من السيارة...و كاد ان يترجل حازم لكن اوقفه صوتها
روما:كابتن...بكرة هعدي عليك اغير الجرح...و ياريت ماتحركش ايدك كتير
حازم بأبتسامة:مش لازم تتعبي نفسك انا هبقى اغيرها
أنت تقرأ
يا لها من حواء
Romance"اخترقت حصون قلبي لتصبح ملكا فيه" ..... مجرد عنيدة لا تجيد شئ الا اللعب بالكرة.... تقع في فخاخ عدة بين مجتمع يفرق تفرقة عظيمة بين حواء و جنس ادم .... هو ليس الا من جنس ادم ..يائس فقد كل ما اوجدته الحياة له ..عاد الى حياته القديمة ليقابلها و يبدأ الق...
