نهوة استاذي
نور_بعدني مملحكه اجاوبه واكله باي سده بوجهي صدك يحجي هذا بعدني ممستوعبه الصدمه سمعت صوت مسج اجه بفوني اخذت الفون بعدم اهتمام شفت رساله من رقم غريب فتحتها بعدين... فتحت عيوني على وسعهم من الصدمة
حسين_"مره ثانيه من تخابرين على احد راعي انو المقابيل مامستغني عن اذنه لانو الصراحة احس روحي انطرشت بفضلج خيتي"
نور _عززه يربي شهل فشله وهسه هذا شدعواه هيج ضاج واصلا محد كله يرد عليه هوه اصلا كله صوج اخته الغبية عايفة فونها يم اخوها اهي اهي..
اليوم مراح اكدر انام من وره التفكير اني الج دنيا انتي وهذا اخوج الخبيث
٠٠٠٠٠٠٠٠٠٠٠٠٠٠٠٠٠٠٠٠٠٠٠٠
كربلاء...
احمد _وصلت للبيت ساعه ٨ تقريبا الطريق كلش تعبني اول مطبيت رحت سلمت على جدي..
"السلام عليكم شلونك جدي "
الجد _هلا وليدي وعليكم السلام الحمد لله على سلامتك تأخرت بالطريق هل مره شو؟
احمد _الله يسلمك جدي..
اي والله كلش ازدحام اليوم مصدكت شوكت اوصل لانو حيل تعبت
الجد_ سلامتك من التعب احمد روح لبيتكم سلم على امك واكل لكمه حته ترتاح
احمد _كمت بست راسه..
أن شاء الله باجر اكعد وياك يالغالي، طلعت من عدهم ورحت لبيتنة فتت جوه رأسا على غرفت امي سلمت عليها كتلها تصعدلي الاكل لغرفتي لانو مابيه حيل صعدت فوك طبيت سبحت كعدت على السرير لازم جهازي اندكت باب الغرفه
حجيت.. تفضل
شفت هاي سارة اختي كمت الها.. شلونج سارة..؟
سارة_الحمد لله انته شلونك هل مره طولت والله شتاقيتلك احمد..
احمد _ اني هم شتاقيت الكم بس شسوي جانت فتره امتحانات وهواية شغل عدنه مكدرت اجي..
ساره _الله يساعدك يلا جبتلك الاكل من تكمل صيحني انزل الصينيه
احمد _اوكفي ساره قبل متنزلين فتحت المجر..
هاج هذا مصرفج واي شي تحتاجين تعالي كولي وهم مناسي بلكت باجر لو عكبة اخذج انتي وامي للسوك _
سارة_تقربت وبسته من خده.. شكرا يا احلى اخ بالدنيا
احمد _ تدللين حبيبتي..
اني احمد استاذ جامعي مواليدي ١٩٨٥، طولي ١٨٨ جسمي ضخم شويه لانو العب حديد وعيوني حاده اغلب الي يشوفني من اقاربي يكلي نسخه ابوك بالشكل والطبع،
والدي توفه بحادث سير من جان عمري ١٢ سنه والي رباني جدي ولهذا السبب جدي كلش متعلق بيه ويخاف عليه، اني والدتي واختي عايشين بحصة ابوية لانو كلش جبير البيت
وجدي مقسم البيت على اعمامي كل واحد كاعد بحصته واحنه كذلك بس هم هوسة بيت جدي متخلص من غير العزايم المستمره واني ابد ماحب هاي الاجواء احب الهدوء والنظام بس هنا ماكو هذا الشي..
