البارت ثلاثه واربعون
نهوة_استاذي
تَدهِشني قُدرتك على قلبي..
قلبي الذي أظنه صلب في أغلب الأحيان كيف يكون معك بكل هَذا اللّين دَائماً♥️.
دنيا _رجعت للبيت ساعة وحده الظهر وصلني احمد ورجع للجامعة عده اجتماع مدري شغل هل سنة اني مرحلة رابعة وبس اريد اتخرج شلون مجان بأي طريقة ممكنه لانو حرفيا طاح حظي بين البيت و بنتي وجامعتي والدراسة رغم صح الكل يساعدني بس يظل اكبر تعب عليه..
دخلت من باب المطبخ شفت خالة ام احمد واكفه على الطباخ وكاعده يم رجلها جمانه مدري شنو ادردم وتشكي سبحان الله هل انسانة صرت اشوف بيها امي كد ما حنينة وكلبها ابيض ثلج مفد يوم حسيتها عمتي بكد مجانت امي..
ام احمد _الله يساعدج يمة شلونج بالدوام..؟
دنيا_رحت عليها بستها وحجيت..
ويساعدج خالة والله الحمد لله مثل كل يوم محاضرات وامتحانات ماشيه هيج انتي شلونج خوما دوختج جمانة اليوم
ام احمد _لا وين بالعكس هوستها مونستني..
دنيا _دنكت على جمانة شلتها..
خالة اني صاعده اغير ملابسي واغسل لجمانة حتى نتغده احمد يتأخر بالرجعة عده شغل
ام احمد _ يلا انتضركم لعد سارة خابرت كالت رح تجي العصر هسه متكدر..
دنيا _هاا خوش يلا ما اتأخر اني دقايق واجي..
صعدت بدلت وغسلت لجمانة الي صايره وكحة متكعد بمكان واحد بس تتحرك وتصيح ببا يعني بابا تريده هلكد ممدللها متعلقة كلش بي تغدينه وكملنه خالتي راحت لغرفتها ترتاح واني وكفت اغسل بالمواعين
بهل أثناء دخل احمد من بره ركضت عليه جمانة شالها يبوس بيها باوع عليه وسلم مريت عليه ضايجة منه..
احمد _محلو التكبر تره حياتي..
دنيا _حجيت بملل..
وعليكم السلام الله يساعدك اصبلك غده لو تغديت بره؟
احمد _اول شي نيمي جمانه وصعديلي الاكل للغرفة بين ماسبح..
دنيا _حااضر..
شفته رفع حاجبة معاجبة كلامي مهتميت مثل ماهوه ميهتم بكلامي باوعت وراها صعد التفتت على جمانه تريد تلعب مو مال نوم رحت صبيتله غده وخليتها تصعد قبلي واني وراها طبعا هيه صارت تخطي بس تلزم شي بعدها تخاف فجانت لازمه المحجر مال درج واني وراها حتى اسم الله متوكع..
دخلنه للغرفة شفته متمدد يلعب بجهازه باوع علينه بأستغراب من شافنة اجينه سوه..
احمد _مو كتلج نيميها وتعالي شنو عناد هيه؟؟
دنيا _لا عناد ولا شي بس متقبل تنام تريد تلعب شسوي وخوما اعوفها وحدها جوه..
احمد _لا شنو تعوفيها بس اتوقع جنتي تكدرين تحاولين تنيميها حتى بالليل متتخربط نومتها..
