(البارت السابع عشر)
....................................
من ذا يقاضيني ؟
وأنت قضيتي
ورفيق أحلامي ، وضوء نهاري
من ذا يهددني ؟
وأنت حضارتي
وثقافتي ، وڪِتابتي ، ومناري..
.........................................
ساره _وهيه تبجي... ماعرف بس الي اعرفه ماكدر اتحمل خسارتك والله اموت وراك..
فهد _لج تحبيني والله تحبيني ساارتي..
ساره_هااا... اي.. شنو.. احم..
فهد _ههه شبيج كمتي تخربطين بالحجي والله مجنت متوقع يصير هل شي بيوم جنت غاسل ايدي منج
ساره.....
فهد _حبقه احجي ويه روحي يعني.. ليش متحجين
ساره.... ماعرف شحجي..
فهد _كوليها على الاقل..
ساره _شنو هيه؟
فهد _خرب بحظك فهد.. شبيج كوليها كولي احبك..
ساره _بأستغراب.. احبك!!!
فهد _ههههه اخ يابه صدري هاج الوجع عليه... ههه اوووووويلي الله شلون تحجيها
ساره _شويه واستوعبت الشي الي حجيته... لا لا هاي شنو فهد انته لوتي تره اني مقصدي اكولها انته كتلي كولي هاي الكلمه واني حجيت وراك شنو هاي
فهد _ههه اي شنو هيه الكلمه مدكوليها
ساره _لا عيني ماكول شي بعد حته وانته مريض عقلك ما شاء الله...
فهد _يابه على راحتج يجي يوم انتي تكوليها من تلقاء نفسج
ساره _لا ميجي لا تخاف.. صدك ليش خابرتني من جهاز خالتي
فهد _والله جهازي راح شهيد بدالي بالإنفجار
ساره _رأساً حجيت... اسم الله عليك شنو سالفتك تحجي بالموت مصدكنه طلعت منها
فهد _فدوه للي تخاف عليه... يابه لو ادري هيج يصير جان من زمان وين ما اكو حريق انفجار حادث اشمر روحي بيها احسلي من العذاب الي جنت عايشه
ساره_هاي صدك تحجي هيج عدك روحك هينه وتشمر روحك بالموت متعرف شصار بخاله على غيابك؟؟
فهد _زين بربج انتي شصار بيج من عرفتي بالخبر
ساره_اهوو كافي حباب ليش تحجي بشغلات تأذينه
فهد _هاهيه ولا يهمج منحجي بشغلات تأذي خل احجيلج شغله تفرح لعد
ساره_شنو هيه؟
فهد _مو اخذت جهاز امي اكلب بي من الملل الي احس بي.. طبيت على الصور ولكيت بيها صوره الج يابه اني شفتها وتيهت دريي كلت لو هسه احجي وياها لو اموت بحسرتي هيه...
ساره _سديته بوجهه مخليته يكمل... عزه هذا شبي مداعرفه والله مو فهد الي نعرفه ويلي الحادث أثر عليه... شويه ورجع خابر.. شلته
