(البارت الحادي عشر)
.....................................
كنت أرفض الوقوع في الحب
كنت أستبدله بأغنية،
وكنت أؤمن بعدم
وجوده إلى أن تعثرت بعينيك . .
.......................................
نور_يمه خلسنه هذا صار عصبي وتوترت من وجودنه وحدنه بنفس المكان شويه وكال
حسين _تسمحيلي اكولج ملاحظه، ومتعتبريها تدخل مني خويه...
نور_بكلبها كل كلمه وكال خويه الي يسمعه يكول يخاف لا اعتدي عليه... لا عادي كول
حسين _ تحسين الألوان الي حاطتها مال دوام...
نور_باوعت على ملابسي الوانها بيجي واسود يعني عادي... بس العفو مفهمت اي الوان
حسين _الحمره الي حاطتها لونها تشوفي مناسب للدوام؟؟
نور_ هسه شكله هذا فشلني خرب، اي بعد حطيتها شسوي ان شاء الله على الايام الجايه انتبهه لهل ملاحظه، هوه صح جانت حمرتي شويه مبالغ بيها
حسين _وهسه؟ ليش متمسحيها قابل؟؟
نور _عود كلت اصير لوتيه عليه، والله مجايبه وياي كلينس شسوي..
حسين _رفع حاجبه، اذا على كلينس واكفه سهله، مد ايده بجيبه طلع كلينسه ونطاها الي... هاج تفضلي
نور_ضليت مستغربه شنو هذا سواها صدك وحيخليني امسح الحمره....اخذتها منه ومسحت حمرتي بس اكيد مو كلها هههه
حسين _هاي عود مسحتيها وهيج بعده لونها....
نور_ضحكت عليه بداخلي احب اضوجه مدري ليش... شلت كلينسه داذبها جان يكول
حسين _جيبيها اني اذبها من يمي.. ومد ايده
نور _والله هذا الولد تصرفاته كلها غريبه ويخلي الواحد تحت الأمر الواقع نطيتها اله انتبهت عليه طبكها وخلاها بجيبه.... شكو يطبكها اول تالي بالزبل تنشمر... مركزت كلش وياه اجت دنيا وره شويه
حسين _ابد متأخرتي عاشت ايدج
دنيا _شسوي الهويه مدري منو موكعها كلبت الغرفه عليها يلا لكيتها
نور_مجاوبها وبقينه ساكتين لحد موصلنه للجامعه
حسين _اول متخلصون دكي عليه عود وانتضروا جوه وخاف لانو حفله وهيج تطلعون منا منا ممنوع فهمتي دنيا... وهذا لبسج اتمنى متلبسي بعد
دنيا _اي اكيد منطلع.... شنو تره مستور حسين شنو السالفه
حسين _يلا روحي طبي جوه كبالي حته اروح
نور_عفناه وطبينه للجامعه وهوه بس دخلنه حرك وراح، لج داده هذا اخوج اكلنه بكشورنه من غير التعليمات الي نطاها همزين مو اخته اني حته اجي اطبق كلامه اووي
دنيا_شنو هاي ليش تحجين على اخويه هوه صح متسلط زياده بس كلبه كلش طيبه ويخاف علينه، هسه اني صح حصلت طن رزايل منه بس عادي هههه__
