البارت الثامن عشر
..................................
" رباهُ كيف أخُبرهُ أني به مغرمًا
وأن تفاصيلهُ تجذبني لأهواهُ؟
وكيف أَعُدُ له .. سنينً وأياماً
تساءلتُ فيها من ذا الذي يرعاهُ؟
رباه تنامُ هُنا على صدري كلماتهُ
وضحكاتٌ لِتُخلدُّ بالقلبِ ذكراهُ
أريدُ عِناقهُ والمسافاتُ تمنعني
فكيف الوصلُ .. إليه يارباهُ ؟ ".
..........................................
حسين 💬اسمحيلي بس هل مره احجي وراها اوعدج مازعجج بعد...
لازم تسمعيني نور..
نور_مااريد اسمع شي ولا يهمني اصلا اسمعك..
حسين _لا تخبليني بس اسكتي شويه خل الغي
نور_يا اخي لا صوتك ولا شكلك ولا حته اريد اعرف اسبابك لانو متهمني خليها لنفسك
حسين _نورررر لا تجبريني اخليج تحت الأمر الواقع
نور_شلون بله تجي اهنا مثلا
حسين _كل شي توقعي اسوي
نور_اي يلا منتضرتك ههه
حسين _عبالج ماسويها؟
نور _بدون شك الصراحه اي مسويها..
حسين _يصير خير وسده الجهاز
نور _لا والله ومعاجبه وهوه الزعلان ويسده بوجهي.... هسه اني مو هذا الي ردته انو اضوجه شكو ضجت اني هنوب زين ليش مكاعد انطي فرصه يحجي الي عده... هوه العافني وتخلنه عني بأسهل شي شكو انتضر منه مبرر.. شيسوي خل يسوي مشكلته هاي بعد...
هسه اني شكو مدوخه راسي.. قابل صدك حيسويها ويجي اهناا والله يا الله منو يصدك اصلا هيج سوالف اصلا هوه بس حجي وماعده غير أسهل منه
رحت لفيت راسي ونمت شكو افكر بي واني جايه اتونس خل يولي... ثاني يوم الصبح بدلت لبست بنطرون قماش ابيض وبلوز اوف وايت قصير ولبست حذاء مفتوح احمر لانو رايحين للمصايف وراها للسوك والمولات يعني ونسه بشدده...
اما ماما وبابا حجزوا عند طبيب معروف هنا وبالليل موعدهم بس هم جاين ويانه وهم مصطفى وأهله يعني لمه اهل... نزلنه بالمطعم تريكنه.. وره شويه شفنه مصطفى وأهله هم نزلوا شويه وطلعنه كل واحد بسيارته...
وصلنه وراها كملنه مشي للصراحه الأجواء هناك فد شي والجو طيب والناس روحها حلو اهل المحلات تعاملهم بسيط وكل واحد حاير بنفسه محد عليه بأحد... من غير الطبيعه ومنظر الشلالال يخلي واحد يشتهي يطب بي هههه
كعدوا الاهل بمكان تصير بي الكعده خليجيه بالكاع ومنادر ومخدات جبيره نزلته فواكه ومصطفى نزل نركيله اما بابا وعمو نزلوا دومنه..واني اشجع بابا وخاله تشجع عمو ومصطفى عود صاير الحكم ههههه صراحه لحضات وأجواء كلش حلوه وسعيده جانت
شفت بنات لابسات شفقات عجبني اني هم البس.. جان اكو محل قريب عده أشكال الشفقات كتلهم حروح اشتري واجي وهوه قريب لهذا ميحتاج احد يجي وياي.. ظليت اباوع هوايه أشكال وألوان حرت ياهيه أخذها اخير شي عجبتني وحده لونها أحمر وبيها شريط داير مدايرها ابيض و ورده حمره على جهه وحده كلش حلوه جان وحجمها وسط واني منا بيضه كلش لاكتلي
