(البارت السادس والعشرون)
................................
وشنهو ظني ؟
الچنت أتانيهن جِزني
لا لگيت شوية منها
ولا لگيت شوية مني
ضايع وكِل الوجوه أستغربتني .
....................................
دنيا _مرت الايام ومظل غير بس يومين على زواج اخويه حسين ويه صديقه عمري نور الفرحه مجانت سايعتني كملنه كل شي تقريبا عدا الملابس كل ماريد اطلع اشتري ميقبل احمد يكلي اني اخذكم انتي وساره تشترون سوه
واخيراً اليوم راح ياخذنه للسوك طبعا خاله وساره البارحه جابهم السايق بس بقوا أبيت احمد... كملت محاضراتي وبلغت الخط ما ارجع وياهم اتصلت عليه داشوف خلص لا حته أنتضره جوه
احمد _ها دنيا
دنيا _دسلم بالاول ... احم احمد كملت اني محاضرات انتضرك جوه لو شلون
احمد _طبعااااا جوه تنتضرين هذا الناقص توكفيلي بالشوارع ست دنيا
دنيا _على كيفك يمعود هوه غير قصدي بالحديقه الي بصف جامعه كل الطلاب ينتضرون خطوطهم بيها قابل وين اروح
احمد _لا لا معليج بيهم ابقى بالكليه وله اكلج تعاي تعاي بالغرفه يمي بقتلي كم شغله واكمل
دنيا _اجي يمك؟ لا خليني هيج مرتاحه وهم الي يشوفني يمك شيكول بله
احمد _محد يكول شي والي يكول اكله زوجتي.. هسه شنو اخذتيني بالسوالف تجين او لا
دنيا _هاا لا راح اكعد بالسنتر من تخلص دكلي اطلعلك للكراج
احمد _ماشي...
دنياا
دنيا _نعم احمد...
احمد _لا تفترين منا ومنا عيني عليج تره هاا
دنيا _حجيت بغيض... اي سجن خوما سجن
احمد _بدوون نقاش يلا هسه روحي خل اكمل شغلي
دنيا_طبعا هوه انته شغلتك وحيده بس تنطي أوامر وتعاي يا دنيا نفذي هووف... رحت للحمامات عدلت شالي وحطيت مكياج شويه حته ميحجي اسمع البنات يحجون عليه طبعا هوه هاي السنه ما اخذ مراحل للتدريس لانو منصبه يادوب يلحك شغل بي
... لج شفتي شلون قهر طلع خاطب بله بشرفج مو حرامات هسه تطلع خطيبته عاديه
... هوه غير حظ الزركات يختي لج شكيد حاولت وياه ادزله بحجه المواد يجاوبني ويروح مره دزيتله صورتي وراها كتله بالغلط استاذ لج فشلني يكلي ديري بالج على كرامتج
... ههه تستاهلين فاضحه روحج تره هسه خلي يخطب بابا قابلين بس ليش كام بعد مياخذنه على الاقل نصبح بوجهه جنه العافيه
.. ههه خلي ياخذني زوجه ثانيه هم نعمه بس باع بخلقتي
دنيا _فكيت حلكي على حجيهم عززه شنو هاي.. شي بداخلي ضاج شلون يتغزلن بي ويحسدن بيه بدون ميعرفن اني خطيبته..
