(البارت الخامس)
.....................................
لن تنسى عيناي او وجهي..
لن تنسى صوتي..
لن تنسى اي شيء يخصني..
أعدك بذالك حتى وان حاولت..
أعدك......🖤
.........................................
دنيا _اي يلا اصلا ماعدي شي،
رحنه للمكتبه اني كعدت ونور راحت ادور على الكتاب الي تحتاجه طلعت فوني اكلب بي بين متخلص بهل أثناء جنت مدنكه راسي على الفون جان يجي ولد يكعد بصف الكرسي مالتي بالضبط استغربت رفعت راسي داشوف منو جان اتفاجاه هذا فااادي!!!!
فادي _شلونج دنيا؟
دنيا _ميخصك هذا شي تمام وهسه وخر من كدامي اريد اروح
فادي _لحضه لحضه دنيا عليج الله بس ٥ دقايق احجي وياج وراها روحي..
دنيا _ماريد اسمع منك شي، و ميهمني شنو تريد تحجي..
فادي _دنيا بداعه ابَوج وكل غالي على كلبج بس سمعي شبيج مراح اكلج تره _
دنيا _استغفر الله ياربي احجي شكو خلصت لعب ويه البنيه وهسه رجعت تلعب عليه هم؟
فادي _ يابنيه هاي؟؟ اذا قصدج على الي جنت كاعد وياها بالسنتر تره هاي اختي
دنيا _هههه شلون فلم وان شاء الله تريد اصدك بيك؟؟
فادي _انتي شبيج متنطين مجال واحد يلغي خل اكمل حجي وراها شتريدين سوين سوي، اول شي هاي اختي جبتها وياي لانو جانت كاتله روحها تجي تشوف الجامعه،
شغله لخ من عفتج كل هاي المده كلت اكيد رح تحن اليه، رح تحس بيه وبلوعه كلبي من كل مره تصديني توقعت تجربين احساسي وراها تتفهمين بس ماكو جنت اظن تحبيني مثل ماحبج بس
طلعت غلطان بس شفتيني كاعد ويه بنيه ظنيتي بيه جنت_ العب عليج زين مفكرتي كل هاي الشهور اني شلون جنت وياج فد يوم اذيتج بكلمه لو بحرف طلعت حجي مو زين عليج كل هذا راح من موقف ، متعرفين كلبي شلون جان مأذيني لانو انتي بعيده عني.
دنيا _ زين شلون تريد اصدك هاي اختك!! شنو دليل لانو الصراحه كعدتكم جانت فد شي..
فادي _والله حقج اطلبين دليل لانو اصلا ثقه بيه ماكو بس على العموم هسه اخابرها كبالج وتتأكدين
دنيا _ظليت ساكته دقايق جان تجي نور بس شافته كلبت وجهه
نور_ خيير ان شاء الله شو... قاطعني
فادي _لو سمحتي نور ممكن متدخلين كلامي ويه دنيا، احجي العدي ورايح
نور _سكتت معاجبني الحجي
دنيا _طلع تلفونه دك على رقم وراها فتح سبيكر حته اسمع الكلام سلم عليها وره شويه حجه وراها كلها_
فادي _مدكوليلي شطلعتي عليه سمعه من جيتي وكعتي بصفي بالجامعه كلهم عبالهم انتي كبل ماتي بعد توبه اجيبج هنوب ياهوه من جماعتي اكله اختي ميصدك
