(البارت الرابع عشر)
....................................
يطيب لي بالشـوق ذكـرك وطاريك
واسرح وافكر فيك وادرس صفاتك
لو جيتني مشتاق تدري وش اعطيك
قل لي ابي روحك وقولك ابشر عطيتك
......................................
ساره _حضرنه العشه على سريع وكعدت كلنه سويه ناكل بس احمد جان ساكت وكاعده بهدوء وبس احنه نسولف
فهد _اكلج خالتي كلتلج امي على يوم الخميس
ام احمد _لا يمه شكو ليش يوم الخميس
فهد _مو يوم الخميس عقد السيد
ساره _جنت صح دا اكل بس مركزه وياه بكلامه بس كال عقد واني غصيت باللكمه..
احمد _اسم الله... هاج شربي مي..
ساره _اي.. احم
ام احمد _اي يمه شايف كل الخير فرحتني بيك والله
فهد _يباع على ساره ورافع حاجبه... لا خاله فهمتي خطأ خلي اكمل كلامي العقد مال حسام اخويه مو اليه هههه
ام احمد _يااا عبالي انته مو اكبرهم شلون تزوج اخوك الأصغر وانته بعدك شبيك هيج يمه قافل على السالفه
فهد _شنسوي خالتي.. كل شي بوكته امي هم كاعد ادورلي على مره حالفه تزوجنه كلنه
احمد _حقها يمعود كل واحد شكبره صار خو انته حطب بال٣٠ ههههه
فهد _هههه ديلا على ساس انته مقصر حالك من حالي
احمد _عوفني اني تعرفني مو مال دوخه الزواج... زين ماكلت منو الي رح تخطبوها
فهد _وحده تصير جوارين بيت جدي وعاجبته سألت امي على الابنيه واحنه سألنه على أهلها خوش ناس من اهل الله وسمعتهم سابقتهم
ام احمد _الله يقدم الي بيه خير ان شاء الله ويوم الي افرح بيكم انته واحمد
فهد _ههه بوجودكم خالتي ويباع على ساره الي منزله راسها وابد مرفعته..... زين شلون خوما تبقون هنا ومتجون للعقد
احمد _مادري والله اشوف شلون ترهم
فهد _اي مو اله تروح لبيت جدك ابقه يمنه وراها ارجع خطيه حسام وامي يفرحون بجيتكم تره
ساره _مجنت اتجرء ارفع راسي كبال فهد كلش مستحيه منه على اخر موقف صح مجنت قاصده هيج احجي بس يظل الخطأ مني.... بقوا احمد وفهد يسولفون لميت السفره وغسلت المواعين سمعت احمد يحجي
احمد _من رخصتك فهودي والله كلش تعبان وهم اطب اسبح
فهد _يابه شنو هل حجي هوه غير البيت بيتي
احمد _هههه اي والله ماحجيت اله صح حبيبي... يمه خلي ساره تفرش لفهد بالصاله عود اكيد تعبان من الطريق
