ارتاحيت على الاقل مابي شي.. انتبهت عليه لازم ايد مينا بقوه رغم فاقد وعيه بس متمسك بيها..
درت عليها كاعد تبجي خاتله بين سعد والكرسي وفحطانه بجي ياربي حرت منو اساعد بيهن كل هذا الحجي واني شايل دنيا بحضني
صحت على حسين..
احمد _هاا شصار وياك حسين
حسين _خابرت على الإسعاف بس تتأخر اخاف احجي ويه هذوله الناس بلكت احد يساعدنه امي فاقد وابويه كاعد يون من الوجع
ونور هيانها يمي مبيها شي
احمد _اي اي بسرعه..
والله عاد صدك اجه رجال ساعدنه خليت عمي وعمتي وسعد ودنيا لانو اكثر شي متضررين ورحنه على أقرب مستشفى..
اول موصلت اخذوهم للطوارئ اجه دكتور راد ياخذ دنيا مقبلت خفت لا ياخذها وبعد مترجع خفت لا اخسرها
الدكتور_ انطينياها ابني راح تموت هيج بيدك لازم نعالجها
احمد _دكتور بداعت اطفالك انقذ حياتها غاليتي هاي
الدكتور _تدلل بس انطينياها اعالجها
احمد _أخذها الدكتور مني واني بودي ابقيها بحضني... تعبت ليش المشاكل مكاعد تخلص ليش كل مره الله يختبرني بالناس الي احبها
وره نص ساعه اجه حسين ونور ومينا وخطيه حالتهم مو احسن من حالتي حسين القلق ماكل وجهه والبنات فحطانات من البجي واني احس ضغطي علك كلش بس ماكدر اتحرك من مكاني اذا ما اطمن عليهم
ساعه وطلع الدكتور طمنه على حاله عمي وسعد مجرد رضوض بجسم.. عافهم يرتاحون تحت العلاج ..
كتله يروح يشوفلي وضع دنيا لانو تعبت احس روحي راح اوكع بمكاني..
راح واجه طمني عليها طلعت بس ايدها مجروحه بس مختنكه من ريحه البانزين وعايفيها على جهاز التنفس...
يمكن هسه يله ردتلي روحي بقت مرت عمي طلعت الدكتوره كالت حالتها صعبه لازم نسويلها عمليه فاقده دم كلش هواي ومضروبه براسها بحيث مفتوح واي تأخير بالعمليه يأثر على حياتها
خطيه عمي وقع على العمليه وأيده ترجف.. أما حسين وجهه صار اصفر من الخوف
كمت اني داحجي ويه عمي رأسا وكعت بالكاع رجليه محملتني عاد اخذني حسين وحطولي مغذي حسيت على فرق جبير بس بعدني عطشان على شوفتها اريد اطمن عيوني بيها
دنيا _كعدت بعد فتره ماعرف شكد جنت تعبانه جسدياً وأيده ملفوفه.. عيوني تغوش والرؤيه مو واضحه شويه شويه بعديت اصحصح شفت نور ومينا يمي كبل تذكرت الحادث وسألتهم ش شصار.
نور_ حبيبتي كعدتي الحمد لله على سلامتج
دنيا _ل ليش تبجين ا احد متأذي
نور _لا مابيهم شي مجرد رضوض بس السايق نطاج عمره و..
دنيا _و شنو كملي وشبيها مينا تبجي..
