...............................
محتاج صــرخه گلــب
من ناسي احس مختــنگ
الضحك كله جـــذب
والدمـع كله صـــدك
شايل خـلگ للـبـجـــي
بس دمعي مـاله خـــلگ
...................................
ساره _ستوهم كاعد يطلعون من الديوان جان تندفر باب الديوان ويطب حسين متخبل وكبل هجم على جاسم....
حسين _لكككككك عااااار اني اني تحط عينك على عرررضي.... ااااااني تررريد تعتدي على اااااختتتي تاااايهيه هيييه هااا ولكككك شايفني مكررن لهل درجه
صار يكتل بي بكل ماعده من قوه وهذا من الكتل الي اخذه اخير شي فقد وتكوم بالكاع وحسين متستمر بالكتل عبالك حيوان جواه...
انكلب الديوان بالصياح والعياط مال عمتي شهلاء ورفل... الولد يردون بس يلزمون حسين ماااكو صار جاسم عباره عن كتله من الدم لا حس ولا نفس
والغريب احمد كاعد وحاط رجل على رجل ولا كأنوا مكلوبه الدنيا كدامه اخير شي لزمه عموو جتفه
ابو حسين _كااافي حمووت اليوم من وراكم كااافي من ساعه السوده الي اجيت بيها لهنا لك حيموت وتبتلي انته بي وراها شراح تستفيد مدكلي ااهدده
حسين _شهده مدكلي شهههده سالفه ماطب بالعقل يااابه حتخبل والله
شهلاء _عووف ابني ياا حقير روح ربي اختك بالاول ذاابه روحها على هاي سوالف
حسين_صارت عيونه بكصته.... بحركه سريعه ركض عليها راد يخنكها رأسا لزمه احمد
احمد _ همس بأذنه... لا تتهور حسين هيج راح تخلي الحق وياهم شويه اصبر والزم نفسك وصدكني حقكم أخذه من نص عيونهم بس الزم روحك
حسين _هزز راسه بله ميجاوب
الحجي _والله عاشت ايدكم بعد شويه وتصير مذابح حته النسوان.. لا خليتوا احترام اليه ولا ال عمامكم ولا خليتوا حجايه..... تعتب عليكم
شهلاء _ياابه دشوف ابني شلون متمدد حاله حال الميت ترضاها الله عليك راح يموت وهوه كل الي سواه مجان واعي عليه
الحجي _كاافي سعد اخذه للمستشفى لا يموت علينه وانتي شهلاء اخذي بتج وطلعلي مناا ويفضل تبقين فتره متوصلين لبيتي وانتوا سالم ومقدام الي صار هناا يبقه هنا كلمه وحده متطلع ويله روحوا لبيتكم بعد
شهلاء_شنووو هذا الظلم ياابه ابني مات كدامك وانته بكل كلب بارد تكلي روحي لبيتج
الحجي _داكلج روحي من كبالي متفتهمين بالحجي
شهلاء _اني اني اعلمكم اذا ما اندمكم...
ابو جاسم _لجج دمشي عاد فوك ما ابنها مصخم وجهنه تتوعد امشي طلعي كبالي
طلعوا كلهم بقه بس عبد الله وحسين واحمد
ابو حسين _بويه انته ليش بقيت ساكت مشفتهم شجانوا يحجون على بنتي.. وفوكاها قبلت هذا الحقير يزوجها
