بارت اربعه واربعون
سارة _من جنة طالعين جنت احس بأوجاع تشبهه اوجاع الشهرية كل ظني شي طبيعي واني ماخذه احتياطي كل شوية جانت تجي وتروح هل اوجاع لحد مصار الليل وصار الوجع كلش قوي و نزف يكثر ميقل مشكلة اني
شايلة من عقلي سالفة حمل او شي لانو اصلا عدي خربطة بالهرمونات وما منتظمة كلش بحيث ابد ما أجله ببالي يمكن يكون حمل لحد محسيت روحي كاعد تتطلع بس كتلة لفهد انخطف لونة بين ما وصلنة للمستشفى اني روحي طلعت بين ماسوتلي الطبيبة النسائية الفحوصات طلع عدي إسقاط اهنا اني كلمة انهيار قليلة بوصف حالتي..
شكد مجنت رايده الطفل شكد مراح مني بغمضة عين ظليت اكل بروحي يمكن صار هيج عقاب من الله لانو باوعت على نعمة غيري ماعرف والله لبين ما دكتورة كملت المطلوب اني محسيت بشي بكد قهر كلبي..
طبوا عليه فهد وزيد ويانه جان بالمستشفى لانو مجان اكو وكت نبقى عد احد تقرب مني وباسني من خدودي وفهد من راسي..
زيد _لا تبجين ماما اني احبج..
سارة _ابتسمت بحزن..
اني هم احبك يروحي انته يروح ماما
فهد _الحمد لله على سلامتج حبيبتي..
سارة _ضيعت الطفل بغبائي فهد ضيعته..
فهد _اشش مايصير هل حجي الله يعوضنة ان شاء الله كولي الحمد لله..
سارة _خابر امي أريدها يمي محتاجتها كلش..
فهد _صار بس ارتاحي انتي هسه..
٠٠٠
دنيا _للصبح عيني ما أخذت نوم لحد ما رجعوا للبيت وسارة وياهم الوجهه اصفر والعيون ممروده من البجي بس شافتني رحت شبكتها وصرنه نبجي سوه لحد معاط بينة احمد..
احمد _كافي يمعودات..
دنيا شبيج راح تموت فوك متسكتيها تبجين وياها..؟
دنيا _مسحت دموعي وسكتت لخاطر سارة ولا اني اذا بيدي اظل ابجي لثاني يوم اخذنه سارة لغرفة خالة طلعت جان احمد بالمطبخ صاحني رحتلة..
احمد _شوفي دنيا بجي ماريد حاولي تساعديها تتحسن نفسيتها مو تصير اتعس.. راح اجيبلها اكلات تعوض نقص الدم العدها ظلي يمها ماشي حبيبتي..
دنيا _هزيت راسي بمعنى اي..
احمد _اجيبلج حلويات الج ولجمانة بس تفكين عاد هل خلقة الحلوه..
دنيا _ههه شنو طفلة لو شايفني اتقشمر مثل جمانه..
احمد _تردين الصدك انتي اصلا حالج من حالها نفس الطناكير..
دنيا _يااا احمد..
احمد _شنو حياتي أجذب عليج قابل يلا رايح اني..
دنيا _باوعتلة صفح راح جاب محفظتة ورجعلي..
احمد _حبيبي مناسية شي اليوم راح اطلع وبعدج ناسية..
