عائله ابو سلطان:
كانوا مجتمعين في بيتهم جلسه عصريه في الصاله ويتقهون مثل عادتهم دايماً:
ثابت: يبه وش رايك بما ان الأجازه جات نصيف في الديره في بيت جدي الله يرحمه ونجتمع هناك حنا وعمي ناصر وعمتي مرزوقه؟
فهد: فكره حلوه يبه بدال ما يقعد البيت مهجور وهو ماشاءالله كبير والمزارع ماشاءالله فيه كبار نخليه لنا وقت الصيفيه
ابو سلطان: والله ماهيب شينه لكن بنكلم عمكم وعمتكم ونشوف
امجاد بهمس لـ سجى : ياليل يعني النشبه مزون بتكون
معنا!!
سجى: اسكتي يا امجاد اصلاً ماندري نروح او لا
قاطع نقاشهم دخول شوق وبنتها (قمر) والكل رحب فيها وفزو لحفيدتهم الي الكل متعلق فيها ويحبها
فهد: شوق وين سعود ليه ما قلط؟
شوق: ولله عنده شغل وسافر ومستعجل عشان الطايره وانا بقضي الأجازه معكم وكان وده يودعكم بس مستعجل وقال سلمي لي عليهم
ام سلطان: معليه معذور الله يستر عليه
عند ثابت وامجاد يتهاوشون على قمر مين ياخذها وقمر بين يدهم الثنين تصيح من كثر ما تهاوشو عليها
ابو سلطان: بس انت وياها خوفتو البنت خلوها عند امها واطلعو جيبو اغراض اختكم برا
امجاد: يبه تكفى اطلع برا انا اجيبها ما راح اقدر اشيلها خل ثابت عقاب له يجيها كلها
فهد: خلاص لا تبكين علينا قايم انا وثابت نجيبها
ثابت: مسويه بريئه معليه اوريك
طلعو فهد وثابت جابوا اغراض شوق من عند الباب ودخلوها البيت
وبعدها طلع ابو سلطان لشغل وراح معه ثابت وفهد بما ان فهد عنده اجازه من دوامه قرر انه يروح مع اخوه وابوه يشيكون على حلالهم
في الصاله بعد صلاه المغرب عند سجى وامجاد وشوق:
امجاد: شوق بتروحين معنى الديره عند بيت جدي يمكن نقضي الأجازه فيه حنا وعمي ناصر وعمتي شريفه
شوق: الله اشتقت لبيت جدي والذكريات فيه اكيددد بروحححح
سجى: حتى انا اشتقت للمزرعه واشتقت لجدتي وجدي اهخ الله يرحمه
امجاد :اي والله اشتقنا لأشياء واجد
قاطعهم صوت ام سلطان وهي تقول يابنات تعالو ساعدوني ابوكم و اخوانكم بيجون الحين ويبون العشاء جاهز قبل صلاة العشاء
في بيت ابو حمود:
ابو حمود كان يتصل على حمود ولده عشان يجي العشاء لكن ما كان يرد مشغول مع خيوله ولا انتبه لجواله
ابو حمود : الله يصلحه ذا الولد شغلنا وشغل نفسه بـ ذا الخيول
ام حمود: اكيد انه ما شاف الجوال ولا انتبه له
....عند حمود في الأصطبل:
كان خيله الي يحبها وملقبها (شيم) تعبانه وكان مشغول معها ومع البيطري انتبه لجواله بعدين ويدق على ابوه
حمود: هلا يبه شفتك دقيت اكثر من اتصال عسى ماشر
ابو حمود: شغلتنا انت وخيولك ذي لنا ساعه نتحراك للعشاء
حمود : يلا مسافه الطريق وانا عندكم
بيت ابو سلطان:
بعد ماخلصو العشاء ورجعو يكملون الجلسه وسمرتهم في الصاله قاطع حديثهم اتصال ولدهم سلطان
ابو سلطان: هلا ومرحبا
سلطان : مرحب يبقى
وكان اتصالهم سؤال عن احوالهم واوضاعهم وكان سلطان ساكن في مدينه بعيد عن اهله بحكم وظيفته
ابو سلطان: بدت الأجازه يا ابوك متى ناوي تجي؟
سلطان: بكره بأذن الله جاينكم
ابو سلطان :زين زين الله معك
نزل ابو سلطان الجوال وقال: بكره بمناسبة جيت سلطان وزوجته وولده بسوي عشاء عائلي وبدعي فيه اخواني ومنها بكلمهم في موضع الديره و بيت ابوي
الكل: زين احسن ماتسوي
بيت ابو حمود :
حمود دخل البيت وحالته حاله من هالخيل الي حاسهم في الأصطبل
ابو حمود : شفيك حمود من متهاوش معه؟؟؟
حمود : لا يبه مو متهاوش مع احد بس الخيل شيم اليوم حاستنا والحمدلله سيطرنا على الوضع
ام حمود : بدل ملابسك وتعال العشاء برد
بدل حمود ملابسه ونزل ورجعو تعشوا
بيت ابو سلطان :
بعد ما خلصو جلستهم في حوشهم قام ابو سلطان وقال: يلا قمو نامو بدري وارتاحو وطفو انوار البيت معكم
الكل :ابشر
بعد ما راح ابو سلطان وام سلطان ينامون
ما بقى الا فهد وثابت وشوق وامجاد وسجى
ثابت :الله لو نوره موجوده معنا وتقضي الأجازه عندنا كان مسكتها طقطقه
سجى : حرام عليك مالقيت الا نوره شوف ام لسان طقطق عليها
امجاد : خير وش قصدك انتي تقصديني ما يحتاج تقولين له يطقطق مو مقصر اصلاً
ثابت: ياليل صدق ام لسان انقلعي ارقدي يا البزر
امجاد بصوت عالي : انت البزر وش ذا التخلف كلكم قلبتو علي
فهد بغضب من صراخ امجاد: امجاد روحي غرفتك ونامي وكلكم نامو دام ذي سوالفكم
شوق: مو اطفال انتم خلاص اكبرو واعقلو
فهد: ثابت اعتذر من امجاد تراك انت الي بديت
ثابت: انا اسف توقعتك مثل العاده تردين علي بطقطقه
امجاد: خلاص اذلف بروح انام ابرك
فهد بنبره حاده شد على يدها: امجاد هو اعتذر
امجاد :خلاص وانا اسفه
قامت امجاد وهي تمشي بزعل وعصبيه الا وتتعثر وتطيح
امجاد:حسبي الله عليك يا ثابت اههخخ
الكل : كان يضحك على طيحت امجاد الي حطتها في راس ثابت🤣
ثابت بضحك: انا وش دخلني تستاهلين ماجاك ثاني مره ما تغلطين علي
فهد وشوق قامو ساعدو امجاد ودوها غرفتها (وعدت هذيك اليله على خير في بيت ابو ناصر وابو حمود)
أنت تقرأ
"ديرة امجّاد وهني قلب خفق في حبها"
General Fictionالتفاعل هو السبب الأولى لأستمراري اتمنى التفاعل بتعليق وتضغطون على النجمه بعد كل بارت🌟🫶🏻 (روايه تكتب لكمَ بكل حُب وشغف) ما احلل سرق الراويه❌
