لأستراجع الأحداث ارجعو البارت 14 [قراءة ممتعه بعد انقطاع🫂] تقديراً لتعبي اضغطو على النجمه🌟
في الصبـاح ..بعد إنتهاء ليلتهُم الجميلة..
افطرو وبدء ابو سلطان وابو حمود يوزعون الأشغال على العيال
ابو سلطان: ثابت وفهد وحمود عليكم مقاضي البيت لا تخلون شي
ابو حمود: وانت ي سلطان عليك الذبيحه لثلاجة البيت
العيال: ابد ابشرو مالكم هْم
ابو حمود: بروح انا وابو سلطان نتمشى في الديره ونشوف اهلها ونجدد العهد في الديره
فهد: والحريم نخليهم لحالهم؟
ابو سلطان: فهد يا ابوك ترا عمك قال نتمشى في الديره موب برا الديره
سلطان: فهد لا تشغل بالك هذي اصوات اهل الديره ونهار والناس موجوده في أمن وأمان
ثابت : بعد أمس الحذر واجب
حمود : وثابت صادق
ابو حمود بضحك : الله ي الدنيا ي اخوي قد عيالنا يحذرونا
(عـنـد الحـــريـــــم)
ام سلطان: يلا ي بنات لمّو السفره والمواعين وانتي ي شوق بنتك ما افطرت اكليها دامك خلصتي فطور
شوق : ابشري
العمه مرزوقه: مزون ساعدي البنات
مزون: يكفون هم
أمجاد: لا لا انتي بذات محد يبي نفعتك انثبري
(عند العــيــال)
ابو سلطان : اقول قمّ انت وياه كل واحد يخلص شغلته ما بقى الا انتو تحذرونا
فهد بضحك: تأمر امر 🤣
(طلع ابو سلطان وابو حمود يتمشون في الديره او على قولت أبو حمود "نجدد عهد لديره❤️")
سلطان: يلا استعجلو لا يجي عمي وابوي وانتو على حالكم هذا ما يحتاج اكمل وش بيصير لكم
فهد : انا جاهز
سلطان : يلا انا طالع ادور ذبيحه
حمود : والله ي عيال ودي اخذ لي شور على السريع اصحصح
فهد : اقول مافيه وقت
ثابت: خله لين نرجع
حمود: ما راح اطول معليكم خمس دقايق بس
(عنـد ابو سلطان وابو حمود
وهم يتمشون في الديره وفي اسواق الديره)
أبو حمّد: يامرحبا وياهلا وميت هلا نورت الدار والديره"أبو حمّد جار قديم جداً لهم وعزيز عليهم"
ابو سلطان:الله يبقيك ويحيك وينك من جينا الديره ما شفناك
أبو حمّد: كنت طالع للمدينه وتوي رجعت امس وفرحت من سمعت انكم بديره وش علومكم واخباركم وش جديدكم
ابو حمود بضحك : هذا هو أبو حمّد ما تغير حتى في طريقه سوالفه يصف لنا الأسأله مره وحده
ابو سلطان: والله ونعم الطيب ما يتغير
أبو حمّد : شرواكم الطيب مافيها الا تم عشاكم الليله عندي انتو وأهلكم طالبكم
أبو سلطان: والله ما ودنا ب الكلايف
(قطع كلامه أبو حمّد) :طلبتكم لا كلايف ولا شي انتو جيرانا واهلنا من سنين ولكم حق مافيها الا تم
أبو سلطان وأبو حمود: تم والله يبيض وجهك
(عنـد الحــريـــم )
مزون: محد كلمك انتي تدورين مشاكل
أمجاد: والله محد يبيها ولا يدورها الا انتي ي أم الفتن
أم حمود: متى بتكبرون انتو؟
مزون: كلن يكبر الا امجاد
سجى: حدّك انتي خلاص ي تنفعين ي اسكتي
ام سلطان:اقول الله يصلحكم بس تحركوا كل وحده على شغلها
العمه مرزوقه بهمس لـ مزون: شغلك معي بعدين
أم حمود: انا بروح ارتاح ب الغرفه شوي عن اذنكم
ام سلطان : اذنك معك خذي راحتك
(عنـد الـبـنـات في المطبخ)
بثينه: بنات الجّو حلو يبيلها براد شاهي نعناع ونفرش ب الحوش
سجى: اي والله جبتيها
شوق وهي تأكل بنتها في الطبخ : بثينه نايف افطر ولا افطره مع قمر
بثينه: لا قد افطر ويلعب في الصاله
سجى : اجل سوي الشاهي ي بثينه وانا بفرش في الحوش
(عند العمه مرزوقه ومزون في الغرفه)
العمه مرزوقه: مزون الى متى بتفشليني كذا قدام الناس ؟
مزون: انا افشلك يعني
العمه مرزوقه: اي تفشليني عند اخواني وأهلي وحاطه دوبك دوب أمجاد
مزون بصراخ : أمجاد أمجاد خلاااص من طاريها خلاص انا مليت ما ابي اقعد هينا بعد ممكن تتصلين على ابوي او اتصل انا اذا هو فاضي يرجعني
العمه مرزوقه بعصبه : نعم!!! وترفعين صوتك انا صدق ما عرفت اربيك واتصلي على ابوك ياخذك وتذلفين عن وجهي ولا تفشليني عند الناس
مزون: ايه بتصل ياخذني وارتاح وانتي استانسي مع أمجاد
العمه مرزوقه: الله يهديك ويصبرني
(أم سلطان في الصاله وصلها صوت العمه مرزوقه ومزون وسمعت النقاش الي صار بينهم .. طلعت العمه مرزوقه من الغرفه واضح على وجهه الزعل والعصبيه)
أم سلطان : تعالي حياك اجلسي معي تقهووي
العمه مرزوقه: مالي الا انتي يا الوجه السمّح اجلس معك
أم سلطان: الله يرفع قدرك ياحبيبتي وبقولك شي واسمعي كلامي خفي شوي على مزون معليه بنهايه هي بنتك ولا تقسين عليها وهمّ كذا البنات الله يصلحهم يتهاوشون ويتصالحون
العمه مرزوقه بتنهيده: من متى مزون متصالحه مع بناتك وخصوصاً أمجاد منقهره عليهم وعلى الي يصير بينهم هم بنات خوالها وهي بنت عمتهم عيب الي يصير بينهم
ام سلطان: ريحي بالك ونفسك انتي والله يهديهم كلهم تقهوي وسعي صدرك
(عنـد الـعـيـال في السياره )
فهد: المفروض طالعين من بدري لكن مدري من التأخير منه
حمود: بدينا نغزات
ثابت: بيجي ابوي وعمي قبل الظهر نبي نلحق عشان مقاضي الغداء بعد
حمود : احس اني محتاج احلق وجهي تقل خريج سجون
فهد : حنا وين وذا وين
ثابت : ما فيه حلاق في الديره الا الحلاق يحيى واقدم حلاق في التاريخ اتوقع معد يشوف حتى
فهد : يعني تروح له يمكن يقص خشمك
ثابت : حلق بالبيت اذا رجعنا
حمود بضحك : يعني شايف نفسك الحين عطيتني حل ي ثابت
(عنـد الـبـنات في الحوش وهم يشربون شاهي والجّو حلو ومروقين وسوالف وضحك وقمر ونايف يلعبون قدامهم، وأم سلطان والعمه مرزوقه جالسين ب الصاله يسولفون,وأم حمود مريحه في غرفتها , وأبو حمود وأبو سلطان رجعَوا للبيت بعد ما تمشوا في الديره وسلموّا على اهلها, وسلطان رجع بالذبيحه, والعيال جابوا الأغراض)
أم سلطان : ي بنات تعالوا ادخلو ساعدوني نرتب الأغراض
العمه مرزوقه: يلا وانا بساعدكم
[وبدأ الكل يرتب ويساعد , والعيال جالسين ويسالفون الين جا وقت الغدا والكل تغداء]
وبـعـد الغداء:
ابو سلطان: ي شباب ترا معزومين العشاء عند أبو حمّد استعدو من بدري
سلطان: أبو حمّد ما غيره زمان عن طاريه
فهد: اي والله زمان عنه ابركها من ساعه اجل
ابو حمود: اجل انا ببلغ مرزوقه تبلغ الحريم لأنه موصي على الأهل بعد
... وبعد صلاة العصر بدأ الكل يتحرك الي كان يتجهز والي يتقهوى ..
بارت(16) "بينزل اليوم ان شاء الله
صلوا على النبي 🌟
اللهم صلي وسلم على نبينا محمد
أنت تقرأ
"ديرة امجّاد وهني قلب خفق في حبها"
General Fictionالتفاعل هو السبب الأولى لأستمراري اتمنى التفاعل بتعليق وتضغطون على النجمه بعد كل بارت🌟🫶🏻 (روايه تكتب لكمَ بكل حُب وشغف) ما احلل سرق الراويه❌
