❤️اعتذر عن التأخير❤️
(وبعد ما راحو المزرعه البنات والعيال كلهم)
بثينه:اف ليتي خليت نايف مع الحريم الكبار
سجى:فكي يده كبير ترا شوفي قمر تمشي قدامنا عادي
امجاد :بنات هذول العيال نروح لهم
شوق:لا عشان يهاوشنا فهد
سجى:لا حمود واحد منا ما راح يقول شي
عند العيال:
(انتبه حمود للبنات من بعيد وشاف امجاد معهم قدر يميزها من بينهم لكنه شال عينه على طول ولا وده يطول النظر لها من بعد كلام مزون الي قعد يدور براسه ولا هو قادر يفكر زين)
فهد:هذول بناتنا صح
حمود:من البنات الي بيجون المزرعه غيرهم يعني
ثابت:اندايهم اجل يجون وناخذ الفرشه نفرش ونجلس سوا زمان عن الجلسات هذي
فهد:نادهم يلا
ثابت:بصوت عالي يا بنات تعالوا بنفرش هينا
(البنات جاو و اخذ فهد الفرشه وفرشها وجالسوا العيال في جهه والبنات في جهه)
بثينه:ليش سلطان مو معكم
فهد:سلطان راح مع ابوي وعمي
ثابت:هالجلسه مو ناقصها الا قهوه وحلا
شوق:والله يا اخوي محد رايق يسوي لك القهوه والمعمول والقهوه عند امي وعماتي رح لهم
(عند حمود بينما الكل كان يسوالف كان يناظر امجاد بحده وبين على ملامحه الغضب وكان مو مستوعب ان هالكلام الي قالته مزون صدق بيطلع من امجاد وامجاد انتبهت لنظراته وتوترت وحست فيه شي بس ما تدري وشو ولا قدرت تستحمل نظرات حمود لها الي كانت مرعبتها)
امجاد:انا بروح
فهد:على وين؟
امجاد:البيت
سجى:غريبه مو انتي مزعجتنا تبين المزرعه؟
امجاد بصوت مخنوق:ما ابيها احس اني تعبانه ابي ارتاح
ثابت:خلاص روحي بس انتبهي الطريق مليان نخل واشجار وشوك
فهد همس لـ حمود:وراك ساكت؟
حمود:تعبان يا فهد
فهد:تبي المستشفى؟
حمود:لا بس بروح انام عشان يخف الصداع
فهد:شينه نومت العصر
حمود:توكلت على الله ابي اريح راسي
(قام حمود واستأذن منهم وفي طريقه للبيت شاف امجاد طايحه ومتعثره ونشبت عبايتها في خشب طايح في الأرض فز حمود لها بسرعه)
حمود:ما تشوفين انتي الخشب قدامك
امجاد وهي تبكي:لا اشوف أشوف نظراتك واشوف اسلوبك الحين معي
حمود:وخري يديك خليني اسحبها
امجاد:لا لا تسحبها اخاف تنشلع
حمود:العبايه بدالها عبايه
امجاد:بسس..(سكتها حمود بنظراته لها وهو يسحب العبايه لين انشلعت العبايه بس اهم شي طلعت )
امجاد:شكراً
"طنشها حمود وما رد عليها"
عند العيال والبنات:
ثابت بضحك وهو يثبت نايف بحضنه :يوه ولدك طالع مرجوج على من!!
بثينه:على عمه ثابت يقالون انه مرجوج يوم انه صغير
فهد:مافيه مثل نتفتي هالحلوه بسس
سجى:والله محد قدر يجيب راس فهد الا بنتك يا شوق
شوق:الله يخليلها خوالها بس
ثابت:يوه ياكثر الشوق لـ نوره لها فقده
الكل:اي والله
سجى بهمس لـ بثينه:احس حمود وامجاد بينهم شي!
بثينه:ما اعجبتني نظره حمود لـ امجاد
سجى:خلاص اسكتي لا يسمعونا العيال
عند الحــريـــم:
ام سلطان:ام خالد دقت علي قالت ترا ابو خالد ذبح لـ ابو سلطان وابو حمود وتعالوا عزيمتكم والله يحيكم وصتني اقوالكم
العمه مرزوقه:زين الله يكرمهم
ام حمود:طيب يصير خير
ام سلطان:بعد المغرب بنروح لهم تجهزو بدري
العمه مرزوقه:والبنات؟
ام سلطان:ما يمدي ان شاءالله الجمعات الجايه ناخذهم اهم شي ببلغ العيال يقعدون معهم ما يخلونهم لحالهم
ام حمود:من بيودينا؟
العمه مرزوقه:البيت قريب ما يحتاج سياره
عند امجاد وحمود:
امجاد بقهررر وحده وصوتها كان مخنوق:ترا شكرتك بفهم شسويت لك انا؟
حمود وهو يمشي لف يناظرها: امجاد امشي ولا كلمه
امجاد:مالك دخل فيني عينك قدام وامش
حمود بغضب:انتي فعلاً لسانك طويل لو ماتعقلين بقصه لك!!
امجاد:لا يشيخ وقمت تهدد؟؟
حمود بحده واخيراً نطق وقال:امجاد انتي تسبيني وتتكلمين في ظهري عند الناس!!
امجاد بأستغراب:انا
حمود بحده:فيه غيرككك!!
امجاد:تنقص يدي ان قلت فيك كلمه وحده
حمود:متأكدههه
امجاد بنهيار واستغراب :تصدق فيني يا حمود انا اعرف مين الي قالك هالكلام وانت تعرف ان مزون كذابه وانسانه ما احد يصدقها ليش تصدقها ليش تتوقع اني بسبك عند الناس روح لـ مزون خلك تسمع كلامها وخلك توديها وتجيبها لـ سوق وتسمع لـ سوالفها الي مليانه نفاق والله يهنيكم
(وراحت امجاد وهي منهاره وحمود كان واقف مو مستوعب الموقف مو فاهم وش قاعد يصير وانه فعلاً ظلم امجاد وكيف قدر يصدق فيها ومن من بعد من مزون مسك راسه وهو يلوم نفسه وراح اخذ سيارته وهو كان في اشد غضبه وطلع من البيت)
عند البنات والعيال:
فهد:يلا قاموا راحو البيت وقت صلاة المغرب خلاص
سجى:الله جو المزرعه شبت نار وسمره تحت هالقمر
ثابت:تم ولا نردها بخاطرك نصلي المغرب ونرجع نشب الضوء وصلحو القهوه والشاهي ونكمل سهره
شوق:ابشر تممم
بثينه:وعمي وابو حمود وسلطان متى بيجون؟
سجى:معزومين سمعت امي تكلم ام خالد وعزموا الحريم الكبار بس حنا يا البنات والعيال بنقعد هينا
فهد:خلاص قومو رحو صلوا وجهزوا القهوه وحنا بنصلي ونشب النار
(راحو البنات البيت وصلوا والي تسوي القهوه والشاهي والحلا وكل وحده مسكت شغله)
"امجاد كانت نايمه في غرفتها دخلت سجى وشوق الغرفه وشافوها نايمه"
شوق بصوت هادئ:غريبه مو من عوايد امجاد تنام هالوقت؟
سجى:يمه صدق مو من عوايدها؟
(قطع كلامهم دخول ام سلطان )
ام سلطان: ليش امجاد نايمه هالوقت
سجى:مدري والله
ام سلطان:اطلعو خلوها تنام شكلها تعبت من الخط ومرهقه
سجى:زين يمه ترا بنروح نسمر في المزرعه
ام سلطان:زين انتبهو على اختكم خلو عينكم عليها لا تغفلون عنها لتكون تعبانه وخذو مزون معكم
سجى:تبي تجي تجي ما راح نردها
أنت تقرأ
"ديرة امجّاد وهني قلب خفق في حبها"
General Fictionالتفاعل هو السبب الأولى لأستمراري اتمنى التفاعل بتعليق وتضغطون على النجمه بعد كل بارت🌟🫶🏻 (روايه تكتب لكمَ بكل حُب وشغف) ما احلل سرق الراويه❌
