"ديرة امجّاد وهني قلب خفق في حبها"

البارت(7)

(بعد ما الكل راح يخلص اشغاله واموره لأنهم بيمشون فجر اليوم الثاني الى الديره وطبعاً الكل كان مشغول الي يرتب ويجهز والي يخلص اموره)
في بيت ابو سلطان بعد صلاه العصر:
سجى: اخيراً انا خلصت شنطتي
شوق: وانا باقي لي كم شغله واخلص
امجاد: وانا خلصت
ام سلطان: بعدي كفو يابناتي خلصتوا بدري
سجى: اجل انا بروح اشوف بثينه اذا خلصت تجي تتقهوى
(في عرفه بثينه وسلطان كان سلطان توه جاي ودخل غرفته واهله ما انتبهوا له)
بثينه: جيت بوقتك خذ نايف طلعه برا شوي عني ابغى اجهز الشنط ازعجني
سلطان: وانا كم عندي بثينه؟
بثينه بأحراج: وحده
قطع نقاشهم دق الباب:
سلطان: من؟
سجى: انا سجى بثينه مشغوله ولا فاضيه
فتحت بثينه الباب:هلا وش بغتي
سجى: ابيك تتقهوين معنى والله ما كنت ادري ان سلطان هينا كيف دخل هو ما شفناه
بثينه: لا عادي بس ابشري اخلص ترتيب واجيكم بس خذي نايف بالله خليه يلعب مع قمر لين اخلص شغلي
سجى: ابشري طلعيه
سلطان: وين ماخذه نايف؟
بثينه: بعطيه سجى تخليه يلعب مع قمر لين اخلص واجيهم
سلطان: اجل بخليك ترتبين على راحتك بطلع انا اتقهوى مع امي والبنات
بثينه: زين اجل انتبه لـ نايف
(وطلع سلطان وهو وولده يتقهون مع امه وخواتها)
ام سلطان: يامرحباً بالغالي وولده
شوق بضحك: من قدك امي ترحب بولدك وانا وبنتي لنا الله
سلطان حب فوق راس امه وقال: الله يخليها لنا يارب ولا نفقد حسها
ام سلطان:ولا افقدكم يارب
امجاد: وين بثينه طيب؟
سلطان: عندها شغل اذا خلصت بتجي
شوق:سجى صبي قهوه لـ سلطان وامي
سجى: ترا فيه اصغر مني يعني اذا ما تعرفون؟
امجاد: ترا كلها قهوه ما راح تاكل منك
سلطان بضحك: ما نخلص من طولت لسان سجى انا ابي فنجال القهوه من مدت يديك تردين خوك الكبير يعني؟
سجى بضحك: تجيب راسي كذا ابشر
(قطع كلامهم دخول فهد)
فهد: حلو حلو مجتمعين اجل وقهوه وحركات
ام سلطان: يامرحباً جيت بوقتك
فهد حب راس امه: محد يذكرني الا انتي
سلطان: خلصت شغلك وشيكت على سيارتك
فهد: ايه ابشرك اموري كلها تمام
سلطان: زين كل واحد بيروح بسيارته والحريم يتقسمون في السيارات
فهد: يوهه توي اتذكر عمتي مرزوقه بتروح معنى ياليل بقول لـ ثابت تروح معه او معك مالي خلق طولت لسان بنتها الي ما تستحي من احد
سجى: اي والله ما تستحي لا من كبير ولا صغير
امجاد: بنقعد نتهاوش طول الأجازه شكلنا
فهد: اقول فكونا من هواشكم بس
ام سلطان: اعقلو بس وانت يا فهد عيب عليك بنت عمتك ذي واختك ما تقول لها كذا
سلطان: حتى لو راحو معك اسكت عشان ابوي وعمي وعمتي
فهد: امري لله بس انشاءالله وقتها صدري يكون وسيع
(قطع كلامهم دخول ابو سلطان وثابت)
ابو سلطان:مشاءالله الله يديمها جمعه
ثابت: واضح فاتتني سوالف
شوق:اجلسو خذو لكم فنجال
ابو سلطان: صبي لنا يا امجاد قهوه
سجى: اخيراً محد قال سجى
(فهد اخذ الدله من يد امجاد بضحك عشان يقهر سجى وصب القهوه لهم)
سجى: لو انه انا ما اخذتها يا فهدوه
فهد:كل شي الا امجاد
سجى:مالت عليك وعليها
فهد بنظره حاده:ايش؟؟
سجى :ولاشي
فهد بضحك:ايوه زين
ابو سلطان: الا اقول الكل خلص؟
سلطان: اي ابشرك الكل انجز بكره انشاءالله نمشي بدري
ثابت: امجاد قومي جيبي لي مويه
امجاد: نعم؟؟
ثابت:قومي جيبي لي مويه اتكلم عربي
امجاد:اسفه اعذرني
ثابت: بتقومين ولا بقوم اعطيك كف و اروح اجيب لي مويه
ابو سلطان بحده: ما تستحي تقول ذا الكلام قدامي تعطي اختك كف وتتهدد وانا موجود ؟؟
سلطان : ما يقصد يبه وانتي يا امجاد قومي وجيبي له ماء اخوك الي اكبر منك
ثابت: انت تعرف اني ما راح اعطيها كف يبه بس ابيها تقوم
امجاد قامت تجيب الماء وهي تتحلطم: انا يالله اقوم اجيب لنفسي ماء بعد اجيب له ما عندي شغل الا ثابت
والكل: كان يضحك على حلطمت امجاد
(دخلت بثينه عليهم وهي بغطوتها سلمت وجلست معهم وكملوا يومهم على هالضحك وهالموال)
في بيت ابو حمود:
ابو حمود: وين حمود للحين ما جاء
ام حمود:طلع من المستشفى وراح للخيول ويخلص كم شغله وجاي
(بعدها بدقايق دخل حمود)
ابو حمود: وانت ما ذبحك الا ذا الخيول على طول من المستشفى للخيول
حمود: قلبي يبه لحب الخيل ميال شسوي
ابو حمود بضحك: يا ابو قلب ميال خلصت اشغالك؟
حمود: ايه يبه ابشرك

في بيت ابو سلطان:
" بعد ما خلصوا العشاء "
ابو سلطان: الكل ينام بدري تسمعون بعد صلاة الفجر وحنا ماشين( وبعد ما راح ابو سلطان وام سلطان ينامون)
امجاد:يوههه حماسسس اشتقت لديره
فهد:روحي انخمدي بس
امجاد:ياربي وانت وش عليك
فهد: ايوه بديتي تغلطين
امجاد:ليش انت حساس كذا شوف ثابت مو مثلك
فهد بضحك:لا تخليني انادي ثابت عليك ولا امنعك منه🤣
امجاد: اروح انام ابرك لي(بعد ما راحت امجاد تنام)
شوق بضحك : غريبه ذا البنت
فهد: احب احارشه واشوفها معصبه
سلطان: عاد هي مسكينه مو مثل بعض الناس
سجى: ايوه وش قصدك يا ابو نايف؟
سلطان بضحك : لا ولا شي
فهد بضحك: شفيك تحسستي
سجى:اقول اروح الحق امجاد احسن لي
بثينه: اجل انا استأذنكم تصبحون على خير لازم انوم نايف بدري عشان يصحى فجر
الكل: وانتي من اهله
شوق: الكل بينام ويرتاح الا قمر
فهد وقمر في حضنه:كل شي الا حبيبتي عاد يويل الي يزعلها
سلطان:عاد متى تتزوج انت ونشوف عيالك في حضنك
فهد : بعدين انا رجال ما افكر في الزواج الحين
شوق: لازم نفرح فيك وننبسط
فهد: بتفرحون بس مو الحين قفلو الموضوع
سلطان: اجل عن اذنكم بروح انام حتى انا
شوق : وانا بحاول انوم هانتفه
فهد:بشويش على حبيبه خالها
(والكل راح نام بعد ما استعدو وخلصوا امورهم)
...في صباح بعد صلاه الفجر...
في بيت العمه مرزوقه:
العمه مرزوقه : مزون يلا خلصي شوي وسياره جايه
مزون:مين الي بنروح معه؟
العمه مرزوقه: ما ادري بس تجهزي وخلي عنك المشاكل اذا رحنا لديره اعقلي
مزون:يمه انا ما اغلط هم الي يجون يحارشوني
العمه مرزوقه: تجهزي بسرعه وخلي عنك الهرجه الزياده
في بيت ابو حمود:
ابو حمود: للحين ما خلصت يا حمود
حمود :لا جاهز بلبس ثوبي وجايكم
ابو حمود: اجل مر بيت عمتك مرزوقه خذها هي وبنتها وقف عند المحطه لين نجتمع كلنا هناك وانا بكلم ابو سلطان ما يرسل عياله
حمود: ابشر يبه
(اتصال ابو حمود على اخته مرزوقه وبلغها اني بيجيها ولده حمود ياخذهم واتصال على اخوه ابو سلطان وقاله ان حمود بيجيبها)
في بيت ابو سلطان:
ام سلطان: يلا يبنات خلصتوا
امجاد:انا خلصت
شوق : انا بلبس بنتي وجايتكم
سجى : وانا خلصت
ابو سلطان: ثابت وفهد خذو الأغراض وركبوها السيارات
انا بروح اصحي سلطان بيروح النهار وهو ماصحى
(راح ابو سلطان ودق الباب على سلطان وزوجته وصحو على دقت الباب)
سلطان: من
ابو سلطان:للحين نايم قممم يلا العرب ماشين
(فز سلطان ولبس وتجهز وطلع شنطهم واغراضهم وركبها السياره وبثينه تلبس عبايتها وتصحي نايف وركبت سياره زوجها سلطان)
ثابت: يبه اركب معي او مع فهد او مع سلطان الخط طويل شوي ومايحتاج تسوق والسيارات[٣]
ابو سلطان: اجل انا بروح مع ثابت
ثابت:يمه طالبك روحي معي انا وابوي
فهد: لا يمه وتخليني مع من انا يكفي ابوي معه
ابو سلطان: مالي غناه عن ام سلطان لازم تروح معي
فهد: اجل من قدك يا الغاليه لنا الله بس
شوق: انا وبنتي حبيتك بنروح معك
فهد: اهم شي حبيبتي
سجى: مابقى الا انا وامجاد مافيكم خير محد طلبنا نروح معه
سلطان بضحك: بثينه قدهي في السياره من الي بتروح معنى
سجى:انا بروح معكم
فهد: اجل امجاد معي