"ديرة امجّاد وهني قلب خفق في حبها"

البارت(4)

-اعتذر عن التأخير❤️❤️-

في بيت ابو سلطان:
(بعد ما صلوا الفجر رجع كل واحد ينام الى الساعه ٧ والكل يصحى وفهد وثابت ما كانوا منتبهين للجوال واتصالات عمهم)
الساعة (٧)صباح
ثابت فز من فراشه يشوف الساعه كم:يوهه وش الأتصالات ذي الله يستر
فهد: غريبه عمي حرق جوالي من كثر الأتصالات
ثابت بدق عليه اشوف:الوه مرحبا
ابو حمود: بنهيار وعصبيه وينكم امس وحمود كان معكم؟
ثابت: هد يا عم وامس كنا في الأصطبل مع حمود ورحنا وهو قال بشيك على الخيول وبمشي البيت
ابو حمود: ما جاء البيت وجواله مغلق
(هينا الكل بدا يتوتر والكل ما يعرف حمود وينه مرّ وقت قصير الا وابو حمود يجيه اتصال)
ابو حمود: الوه
المستشفى: انت ابو حمود ناصر؟
ابوحمود: ايه انا ابوه من انت ؟
المستشفى: معك المستشفى وولدك عندنا مسوي حادث وحالته حرجه
(انصعق ابو حمود ومسك راسه واخذ جواله ويدق على اخوه نايف وعياله يجونه في المستشفى)
بيت ابو سلطان:
(بعد ماعرفوا ان حمود في المستشفى )
ابو سلطان: بسرعه يعيال امشو
سلطان: انا بسبقكم لسياره
امجاد: يبه تكفى طمنا عنه
ام سلطان: الله يكون بعونه ويخليه لأمه
(راح ابو سلطان وعياله للمستشفى)
امجاد بتوتر: يارب يكون بخير
سجى: شعندك كذا خايفه عليه
امجاد: ولد عمي وحسبت اخوي اكيد بخاف عليه ولا انتي ماعندك مشاعر عشان تخافين على احد
سجى: حسبت اخوك😉؟؟
شوق: سجى مو وقتك
ام سلطان: خلاص انتي وياها ترا محد في حالكم
بثينه: انا بروح اصحي نايف واجيبه عشان ينام في اليل
شوق : اي والله جيبه خليه يلعب مع قمر
(في المستشفى عند العيال)
"دخل ابو سلطان وعياله وشافوا قدامهم ابو حمود وام حمود كانت منهاره على ولدها"
سلطان: بشر ياعم كيف وضعه!!
ابو حمود بحزن: للأن ما كلمت الدكتور بس امس سوا حادث ودخل تحت تريله وجات الأسعاف والعالم واخذوه المستشفى
ابو سلطان: قو صبرك ياخوك وان شاء الله انه بخير وطيب
ثابت : انا باخذ عمتي للبيت عندنا ترتاح وحنا بنطمنهم
ابو حمود : لا تحاول رافضه لين تشوف الدكتور وش بيقول
(بعد انتظارهم بدقايق طلع الدكتور)
الدكتور: وين ابو المريض ؟
ابو حمود : انا ابوه بشر
الدكتور: الحمدالله الله سلم ولدك رغم ان الحادث بشع جداً ولدك بخير وقدرنا نسيطر على الوضع بس فيه شوي جروح وكدمات ولكن حالته مستقره بيقعد يومين عندنا عشان نتأكد انه بخير
ابو سلطان: الحمدالله
ابو حمود: سجد سجود شكر وحمدالله
فهد: طيب يا دكتور نقدر ندخل عليه الحين
الدكتور: لا الحين خلوه يرتاح تعالو في العصر تقدرون تشوفونه
ثابت :اجل امشو نروح لبيتنا نتغداء ونريح ونجي في العصر كلنا
ابو حمود: لا انا بقعد هينا خذو ام حمود ورحو انتو وتعالو في العصر
ابو سلطان:اجل بنجيكم في العصر واذا تحتاج شي دق علينا
(طلع ابو سلطان وعياله ومعهم ام حمود متجهين الى بيتهم)
في بيت ابو سلطان:
شوق: غريبه ليش طولو
امجاد: الله يستر
"ام سلطان اخذت جوالها ودقت على ولدها فهد"
فهد: لبيه
ام سلطان: بشرني ياولدي كيف حمود؟
فهد: معليه بخير الحمدالله وضعه مستقر وبيقعد يومين في المستشفى عشان يتأكدون انه بخير
ام سلطان: شفتوه انتو؟
فهد: لا يمه بنجي في العصر نزوره الحين يبونه يرتاح
وهذا حنا وام حمود جاين جهزو الغداء
ام سلطان: مرحباً
(دخل ابو سلطان وعياله البيت وام حمود معهم)
ام سلطان: يامرحبا والحمدالله على سلامة حمود
ام حمود بتعب :الله يسلمك
ابو سلطان: جهزو الغداء بروح اشيك انا وثابت على المحلات ونصلي الظهر ونجيكم
(دخلت ام حمود مجلس الحريم وقاموا ضيفوها..زي ماقلت لكم ام حمود من النوع الأناني المغرور لكن مو حقت مشاكل كثير)
امجاد: كيف حمود ان شاء الله بخير؟
ام حمود بأستغرب ليش امجاد كذا خايفه ومهتمه : لا بخير الحمدالله على كلام الدكتور
سجى: الله يقومه بالسلامة يارب وتفرحين فيه
ام حمود: امين
مر الوقت......
(وبعد ما خلصوا الغداء بدت ام سلطان تجهز اكل لـ حمود وابو حمود)
امجاد عند امها في المطبخ : يمه احس اني مصدعه وابي اروح المستشفى معكم مره وحده عشان اشوف وش سبب الصداع
ام سلطان: غريبه توك قبل شوي مافيك الا العافيه
امجاد : الصداع مستمر معي له فتره وانا اكل من ذا الحبوب
ام سلطان :خلاص تجهزي بيصلون العصر وبنمشي على طول و روحي شوفي ام حمود تبي شي
امجاد: ابشري يالغاليه
(في مجلس الحريم عند ام حمود وسجى وبثينه وشوق)
امجاد: عمتي ام حمود تقول امي تبين شي او تحتاجين شي قبل ما تروحون الزياره
ام حمود بشوي غرور: لا شكراً ما احتاج شي
(في المطبخ عند ام سلطان)
امجاد : يمه تقول ما تبي شي
(قطع كلام امجاد دخول نايف ولد سلطان وقمر بنت شوق وهم اشكالهم مليانه تراب وحوسه جاين من الحوش)
امجاد: ياليل توي امس ملمعه البيت تجون تحسونه بغبرتكم ؟؟
"دخلت شوق على منظر بنتها وولد اخوها الي اشكالهم كانت تضحك وتنرفز🤣"
جات بثينه وسجى على صراخ امجاد وشوق والعيال الصغار بثينه: يمه وش مسوين ذول تعبت انا ولدي بشرته ووجهه راحت فيها من الشموس😩
سجى: الله واكبر يا الأمريكي عشان تنعدم بشرته من الشمس اقول امسكو عيالكم بس
(قطع كلامهم صوت فهد وهو يقول درب يا ولد)
(راحت شوق تنظف بنتها وبثينه كذالك وسجى راحت لـ ام حمود )
في المطبخ:
فهد: يمه وش مسويه؟
ام سلطان: شوربه وقهوه وشاهي وشوي رز ولحم اكل لـ ابو حمود و حمود
فهد: بيض الله وجهك يا ام سلطان
امجاد : انا بروح اتجهز باقي شوي ويأذن
فهد : على وين؟
امجاد: بروح معكم المستشفى مصدعه وابي اشوف وش سبب الصداع
فهد: سلامتك اجل
.....بعد صلاة العصر....
(الكل بدا يجتمع عشان يروحون لـ حمود)
ابو سلطان: يلا جاهزين
الكل: اي جاهزين يلا
"امجاد وهي تلبس عبايتها"
شوق :على وين؟
سجى: لنور العين😉
امجاد: وش تخربطين انتي انا لي فتره احس اني مصدعه وبروح المستشفى معهم مره وحده
شوق: اها مو بين بس ماتشوفين شر
بثينه:اجل وانتي جايه خليهم يوقفون عند البقاله يجبون مفرحات لنا نسهر عليها
امجاد: ابشري