"ديرة امجّاد وهني قلب خفق في حبها"

البارت(8)

"بعد ما تقسمو الكل في السيارات"
وكان التجمع عند المحطه عشان الكل يعبي بانزين ويشترون من البقاله مؤنت الخط
في سياره حمود:
"العمه مرزوقه وبنتها مزون"
العمه مرزوقه: جب من البقاله مويه الله يعافيك
حمود: المويه خالصين منها اكيد شي ثاني؟
العمه مرزوقه : سلامتك
حمود:الخط طويل واكيد بتجعون
مزون:ترا مو في مجاعه وكلها ٣٠٠كيلو
حمود: كلامي مع عمتي مرزوقه وبس
العمه مرزوقه:سلامتك بس مانبي شي والله
(نزل حمود من السياره والعمه مرزوقه تعاتب بنتها على اسلوبها)
في سياره سلطان:
سلطان:تبون شي؟!
بثينه:جب عصيرات واشياء بارده وجب لـ نايف الي يبي خذه معك
سلطان:لا حنا مستعجلين بجيب له بطاطس وحلاوه غيرها انتو تبون شي
سجى:جب لي بطاطس انا
بثينه:لا سلامتك بس جب مويه لا تنسى
سلطان:ابشري
(ونزل سلطان والكل نزلوا يشترون اغراض الخط )
في سياره فهد:
شوق:امجاد هذا مو حمود؟
"امجاد نقزت قدام عشان تشوف هو حمود او لا"
امجاد :الا حمود بس غريبه بيسوق وهو توه طالع من المستشفى ؟
شوق:واضح انه بخير ومافيه الا العافيه
امجاد:كأن فيه احد معه في السياره ؟
شوق:ايه عمتي مرزوقه و مزون
امجاد بغيره:خير وش جاب مزون مع حمود
ناظرت فيها شوق بأستغراب: مع امها كيف وش جابها؟
امجاد:لا اقصد يعني ليتها قعدت محد يبيها
شوق بضحك:اها كلنا كنا نعرف انها بتجي ليه انفعلتي كذا
امجاد بضيق: لا ولا شي
شوق:قولي لي صدق انتي واضح وراك علوم
(انقذ امجاد فهد وهو راكب السياره)
فهد: وش منقزك قدام يا امجاد؟
امجاد:كنت اسوالف انا وشوق جبت اغراضي
فهد: ايه جبتها بس مالقيت البسكوت الي تبنيه
امجاد: عادي
"فهد لف ورا يناظر امجاد مستغرب ليش كذا هاديه"
فهد: امجاد وش السكينه الي نزلت عليك فجأه؟
شوق : اذكر الله لا تنقلب علينا
امجاد:الله يرزق امجاد على قد ما تحارشونها
فهد:اقول عطيني حبيبة خالها
شوق: لا سوق بتشغلك عن السواقه
"قطع نقاشهم صوت بوري سياره ثابت وهو صف جنبهم"
ثابت: وراك ما تمشي يا فهد
فهد:يلا الحين محرك
ام سلطان:انتبه لا تسرع وهد
فهد: من قدك يا ام سلطان سحبتي علي وخليتني مع ذا المهبل
ابو سلطان:بضحك انتبه من الخط وخلك ورانا
فهد: ابشر
(وبعد ماطلعوا الكل من البقاله وكانت سيارتهم ورا بعض طول الطريق وفي طريقهم لديره)
سياره حمود:
العمه مرزوقه:متى نفرح فيك يا حمود عاد
حمود بضحك: خليها بعديننن فيه الي اكبر مني ياعمه
(ومزون الي كانت مقابله الشباك طول الطريق وهي مالها خلق)
العمه مرزوقه: مزون تبين مويه؟
مزون: لا
العمه مرزوقه: شفيك طول الطريق لا اكلتي ولا شربتي
مزون: والي بيشوف وجه امجاد وسجى ويقضي الأجازه معهم يشوف خير ولا تنفتح نفسه؟
(حمود هينا تحنحن اول ما سمع طاري امجاد وبدا يتنرفز من اسلوب مزون)
العمه مرزوقه: عيب استحي بنات خالك ذول
مزون:انا راح اتقبل الكل الا امجاد الي الكل طاير فيها ما ادري على ايش لا جمال ولا اخلاق
حمود ما تحمل وقال بصوت حاد: الا امجاد قبل كل شي هي بنت عمي ولا ارضا وانا سكت بما فيه الكفايه ما راح اسمح لك تتكلمين عنهم كذا قدامي
العمه مرزوقه: عيب استحي على الأقل من حمود
(مزون رجعت لفت وجهه على الشباك بغضب وغيره كيف حمود يدافع عنهم وسكتت)
في سياره سلطان:
(كانت بثينه وسلطان طول الطريق وهم يسالفون لوحدهم كانت سجى نايمه وكان نايف نايم بعد)
في سياره ثابت:
(كان ثابت يسوالف مع امه وابوه ويطقطق بحدود وكان وسيع صدر جداً مع امه وابوه ومونسهم )
في سياره فهد:
(كانت امجاد هاديه جداً طول الطريق وكانت تفكر بينها وبين نفسها "شلون صارت متعلقه في حمود كذا وتغار عليه شلون صار هذا كله وهي ماحست في نفسها"
{قطع تفكيرها فهد }
فهد:وين وصلتي؟
امجاد:قاعده اتأمل الطريق واحس صدعت كم باقي
فهد :خلاص قربنا
في سياره ابو حمود:
(عند ام حمود وابو حمود الي كان يوصي ام حمود تبتعد عن المشاكل وتكون وسيعه صدر ولا تاخذ بكلام احد وان ابو سلطان وعياله طيبين ويويلها لو تسوي مشكله)
في سياره حمود:
(كان الهدوء عام في السياره بعد كلام حمود لـ مزون والكل كان ساكت وكان حمود يفكر في امجاد وعجزت ملامحها تغيب عن باله وكيف هو ويوم عن يوم وهو متعلق فيها اكثر)
(وبعد ما وصلو كلهم الديره على صلاه الظهر وتحديداً بيت جدهم الكل نزل من السيارات والعيال بدو ينزلون الشنط والأغراض)
ابو سلطان: يلا يعيال بسرعه نزلوا الأغراض نلحق على صلاه الضهر
(بعد ما دخلوا العيال الشنط وبدو الحريم يتقاسمون الشغل في التنظيف)
ام سلطان:امجاد عليك قسم الرجال كله
امجاد: يمه القسم كبيرر مالي حيل فيه
ام سلطان: كل وحده بتمسك قسم عشان نخلص بدري وانتي يا شوق عليك قسم الحريم وانتي يا بثينه عليك المطبخ وانتي يا سجى ومزون عليكم قسم الغرف لأنه كبير
ام حمود: انا علي الصاله
ام سلطان: انا وانتي الصاله لأنها كبيره وكنبتها ثقال
العمه مرزوقه:وانا لازم اسوي شي معكم
ام سلطان: انتي ارتاحي بس خليك مشرفه على البنات
(وبدا الكل يتجه ينظف القسم الي مسؤل عنه)
عند العيال:
(جلسوا في الحوش بحكم ان الحريم ينظفون يبون يخلونهم على راحتهم)
ابو سلطان:استعدو يعيال الي يبي يوضي يخلص الصلاه قربت
حمود: انا بروح اوضي داخل اجل
فهد: انتبه ليكون احد داخل ينظف
حمود: وين اروح يعني؟
ثابت: روح وانتبه
عند الحريم:
(كانت امجاد ماسكه قسم الرجال وتنظف وتمسح فيه وكانت تغني وكانت مبسوطه ومروقه وهي تنظف وتغني)
(اما سجى ومزون كانوا مو طايقين بعض بس مضطرين عشان يخلصون بسرعه)
(وشوق كانت بين بنتها والتنظيف وبثينه بين ولدها والتنظيف)
العمه مرزوقه:اجل انا باخذ قمر ونايف عشان تنظفون على راحتكم
بثينه:تسوين خير والله