(بعد ما اتجهو للبيت ونزلو ام حمود لبيتها بطلب منها انها ترجع بيتها وصل ثابت وامه وامجاد بيتهم)
في بيت ابو سلطان:
"بعد مادخلت امجاد وام سلطان "
بثينه :هلا وين الأغراض يا امجاد؟
امجاد: اوه نسيت والله
سجى بضحك: انتي تنسين جديده ذي🤣شوفي وش نساك الأغراض بس😉
امجاد: فاضين انتو بروح انزل عبايتي واجيكم
شوق: سجى فيه شي تعرفينه انتي ما نعرفه؟
سجى: ما راح اقول لكم الا لين اتأكد
بثينه بضحك: الله يستر منك ينخاف منك يا سجى
في المستشفى:
(بعد ما رجع ثابت لـ حمود عشان يقعد معه اليله وبكره خروج)
حمود: اهخ اشتقت لـ شيم(شيم خيل حمود لتذكير😂)
ثابت: يا رجال خل عنك شيم الا بعد بكره بنمشي لديره بتروح معنى؟
حمود: هذا سؤال بالله؟؟ اكيدد
ثابت: زين تصدق باقي ما احد تجهز ولا شي اشغلتنا بـ حادثك
حمود : معليه بيمدينا
(في بيت ابو فارس: الي كان معزوم فيه ابو سلطان ولده فهد وسلطان واخوه ابو حمود كانت عزيمه مليانه بضحك والمواقف والقصص وبعد انتهاء العزيمه طلع الكل لبيته)
في سياره سلطان:
ابو حمود: نزلني ياولدي لبيتي
ابو سلطان: اسمع يا ابو حمود ما عندنا الا يوم نخلص فيه امورنا ونمشي لديره
ابو حمود: ان شاء الله يمدينا
فهد: لا معليك يا عم يمدينا ان شاء الله
وبعد وصول ابو سلطان وعياله البيت:
ابو سلطان: يلا يعيال ناموا بكره تخلصون اشغالكم بدري عشان نمشي اليوم الي بعده الديره
الكل: ابشر
راح فهد المجلس ينام فيه
وراح سلطان لغرفته و اول مادخل غرفته لقى بثينه قدامه:
بثينه: متى جيتوا
سلطان: تونا الا نايف وينه؟
بثينه : توه نايم
سلطان: وانتي متى بتنامين؟
بثينه: انا بروح مع البنات نسهر
سلطان: زين لا تطولين وانتبهي لنفسك
بثينه: من عيوني
سلطان بغمزه: تسلمين
بثينه بضحك: يلا عاد انا بروح اذا صحى نايف نادني اخذه عشان ما يزعجك
(وطلعت بثينه للبنات)
سجى: طولتي؟
بثينه: كنت احاول ارقد نايف الا وين امجاد؟
شوق: تجهز الشاهي والمكسرات
بثينه: ناوين على سهره خطيره الليلة
سجى:وش رايكم نكلم نوره ونقعد نسوالف معها ونسهر؟
الكل : تمممم
(وجات امجاد بـ الشاهي والمكسرات وكانت سهرتهم براعيه اتصال نوره وسوالف ومر الوقت الا وبثينه تنتبه لساعه وراحت لغرفتها عند زوجها وولدها و شوق راحت تنام وامجاد كانت تحاول تنام لكن كانت تفكر في حمود وكلامه وكيف انه قدر يقول لدكتور(ايه زوجتي) ماقدرت تشيل هالكلمه من راسها وسجى بقت في الحوش على جوالها)
في المستشفى:
ثابت: انا بكلم فهد يجب لي شاحن جوالي بيطفى (وكان ثابت يدق على فهد لكن جوالها مغلق معناته نايم
حمود: اكيد اهلك ناموا نام يا رجال وفي الصباح دق عليهم
ثابت: اخاف ابوي يتصل وجوالي مغلق بيلعن شكلي
اجل شكلي بكلم فارس يدق الباب ويكلم امي تعطيه الشاحن يجيبه
حمود: اجل انا بنام(وكان حمود يحاول ينام لكنه ماقدر يشيل امجاد من راسه ويفكر فيها وهو مبتسم )
ثابت دق على فارس:
ثابت: الوه السلام عليكم
فارس: وعليكم السلام
ثابت:صاحي
فارس: غبي انت بكلمك وانا نايم يعني؟
ثابت بضحك؛ ابيك تمر بيتنا وتدق الباب وتطلبهم شاحن لجوالي بيطفى
فارس: بجيب شاحني انا
ثابت : لا ابي شاحني انت رح بيتنا وبس
فارس: ابشر
(وراح فارس بيت ابو سلطان ودق الباب وكانت سجى في الحوش انخرعت من دقت هالباب بـ هالوقت وقالت بصوت خايف: ممن؟
فارس: انا فارس ابي شاحن ثابت موصيني
سجى: طيب دقيقه بجيبه
(وراحت سجى جابت شاحن ثابت وعطته فارس وهي تطالع مع الباب الا وتشوف فارس راكب سيارته وكيف انه جميل وسيم مرهه انتبهت على نفسها وسكرت الباب وراحت تنام)
(وصل فارس الشاحن لـ ثابت وعدت هذيك اليله)
...وفي صبــاح في بيت ابو سلطان بعد ماصحى الكل الا ويجيه اتصال من اخته مرزوقه...
ابوسلطان: هلا ومرحبا
مرزوقه: افا يخوي توي اعلم بـ حادث حمود اخر من يعلم انا؟
ابو سلطان: العذر منك يا اختي والله اننا انشغلنا مع هالولد وراح عن بالنا كل شيء
مرزوقه: الله يسامحكم بس وكيف حالته وصحته؟
ابو سلطان: لا معليه بخير وطيب الحمدالله الله سلمه
مرزوقه: اللهم لك الحمد
ابو سلطان: اجل ترا بكره رايحين لديره جهزي نفسك
مرزوقه: خير ان شاء الله
في المستشفى:
حمود: ثابت قم يلا خلنا نطلع
ثابت: يلا " الا وشوي ويجي اتصال من ابو سلطان لـ ثابت
ابو سلطان: يلا قم انت وحمود و راكم خروج و اشغال خلصوها قبل نمشي لديره
ثابت: قمنا يبه وهذا حنا طالعين
وطلع ثابت وحمود من المستشفى والكل بدا يتجه يخلص اموره قبل يمشون لديره
أنت تقرأ
"ديرة امجّاد وهني قلب خفق في حبها"
General Fictionالتفاعل هو السبب الأولى لأستمراري اتمنى التفاعل بتعليق وتضغطون على النجمه بعد كل بارت🌟🫶🏻 (روايه تكتب لكمَ بكل حُب وشغف) ما احلل سرق الراويه❌
