"ديرة امجّاد وهني قلب خفق في حبها"

البارت(3)

بعد ما انتهوا من العشاء واجتعمو على براد شاهي
ابو سلطان: يومين بس نجهز فيها اغراضنا ونمشي لديره ان شاء الله
الكل: ابشر بإذن الله
ثابت بهمس لـ حمود: وش علمك انت من يوم دخلت وانت سرحان قولي من متى نخبي على بعض😉؟
حمود: يا رجال كيف تفهم انت؟ اقولك مافيني شي وبيني وبينك شوي كذا وخلنا نروح للأصطبل نكمل سهرتنا هناك انا وانت وفهد وسلطان إذا وده
ثابت:سلطان ما اتوقع جاي من خط وتعبان واكيد بينام
حمود: اجل فينا الخير والبركه
ثابت: وش رايك اعزم فارس (فارس صديق لـ ثابت وجيران لهم)
حمود: تم ماعندك مشكله
ابو حمود: اسمعو ياعيال ماعاد فيه وقت كلها يومين خلصوا فيها اشغالكم عشان ننزل الديره
قطع كلامهم دخول العمه مرزوقه: مين بيودينا بيتنا يعيال الساعه١٠و ابو مزون نام بدري
ابو حمود : انا رايح الحين نادي ام حمود وامشو
ابو سلطان: تو الناس؟؟
ابو حمود: اكرمك الله ولا قصرت ياخوك
ابو سلطان :الله معك
-(عند الحــريـــم)-
ام حمود: سمعت انهم يبون ينزلون لديره الناس تسافر المدن وتغير جو وهم يجبونا في الديره
امجاد: وش فيها الديره؟ بالعكس كلنا مبسوطين عليها ومتحمسين
مزون: على ايش مبسوطه على بيت مهجور؟؟
سجى: شدعوا مهجور الناس حوله ولا كمل سنتين مهجور
امجاد: والله الي يبي يروح يروح والي ما يبي ينثبر او يكرمنا بسكوته
مزون تبي تشب فتنه: تقولين لـ زوجت عمك تنثبر؟؟
امجاد: انا اقصدك انتي ولا هي محشومه في مقام امي واحترمها ولا تنثرين السم يا العقرب
(وبدت اصواتهم ترتفع جات ام سلطان وشوق من المطبخ يهدون الوضع)
ام سلطان: عيب عليكم الرجال لا يسمعون اصواتكم
مزون: علمي بنتك الأحترام وخليها تحترم الناس
امجاد: تعقبين نعرف الأحترام قبل مانعرفك وشدتها مع شعرها
(وبدات اصواتهم يسمعونها الرجال فزت العمه مرزوقه تروح تشوف وش صاير)
حمود: يا ساتر وش السالفه؟
فهد بغضب: يا حريم اقصرو اصواتكمم "والكل هينا بدا يسكت وبعدت امجاد عن مزون بعد ما كفختها "
فهد: يمه تعالي؟
ام سلطان: هلا
فهد : وش المهزله ذي وقلت الحياء؟؟؟
ام سلطان: البنات الله يهديهم تهاوشو والله ماقدرنا فيهم
فهد: منهم؟؟
ام سلطان: امجاد ومزون
فهد تكلم من ورا الباب: اسمعوني زين والله العظيم لا يتكررر هالشي اني لا اقلب الدنيا عليكم فضحتونا عند الناس (الكل سكت وخاف من كلام وعصبيت فهد لأن فهد كلمته وحده واذا تكلم الكل يسمع له )
(عند الــرجــال)
ابو حمود: وش علمهم ذول
"دخل عليهم فهد وهو معصب"
ابو سلطان بغضب: وش عندهم هذول الي مايستحون؟؟
فهد : معليك ارتاح يبه مغير البزارين امجاد ومزون
ابو حمود: ما نخلص من هواشهم الثنتين ذول
حمود بهمس لـ ثابت: ودي اشوف كيف هواشهم بس يمطون شوشات بعض وفكيني وافك🤣(حمود كان يقولها بطيب نيه ولا يقصد شي)
ثابت بنظره حاده: استح على وجهك من بعض الهروج
حمود: ياليل ترا ما اقصد وقلتها بطيب نيه اعذرني
قطع نقاشهم ابو حمود وهو يقول: حمود بتروح معنا؟
حمود : لا يبه سيارتي معي انا بتأخر
(طلع ابو حمود وام حمود والعمه مرزوقه وبنتها لسياره رايحين لبيوتهم)
ابو سلطان: اجل انا يعيال استأذنكم بروح انام بكره وراي شغل بدري
سلطان: وانا بعد استأذن تعبان من الخط
(مابقى الا فهد وثابت وحمود)
-(عند الحــريـــم)-
بثينه: الله يصلحك يا امجاد انتي وسجى كان المفروض طنشتوها تعرفونها تحب المشاكل
سجى: تدرون بردت كبدي فيها امجاد تستاهل
ام سلطان: بس انتي لا تحرضين اختك على المشاكل
امجاد: يمه انا ما مديت يدي الا يوم ارفعت صوتها عليك!!
شوق: خلاص بعد اذا رحنا بيت جدي بتتهاوشن انتم بزران صدق
امجاد: اسكتي يالكبيره و روحي شوفي بنتك في الحوش اكلت من التراب لين شبعت
شوق فزت وهي تقول: وانتي تشوفينها وساكته
ام سلطان: الله يصبرني عليكم
بثينه بضحك: امجاد تعبتينا🤣
دخل سلطان وهو وولده نايف يلا يا بثينه نايف قدهو دايخ يبي ينام وانا تبعان
بثينه: حتى انا والله تعبانه يلا عن اذنك خالتي وعن اذنكم بنات
الكل: اذنك معك
(وراحو بثينه وسلطان وولدهم ينامون بغرفتهم الي اخر البيت خاصه فيهم)
عند شوق وبنتها دخلت شوق وبنتها البيت وشوق تقول: الله يسامحك يا امجاد ليش ماقلتي لي من زمان انها برا؟
امجاد: الله واكبر ترا كلها كم حصاه وشوي تراب ما ماتت
شوق : اقول انا بروح انام وانوم بنتي قبل لا ينفجر راسي
ام سلطان: بدال ما تتهاوشين مع الرايح والجاي رتبي البيت ونامي
امجاد: الله يصبرني وبس
سجى: انا بروح انام تعبانه من صباح صاحين
امجاد : لا والله وانا اكرف لحالي
ام سلطان: ولا تنسين مغاسل الرجال شيكي عليها
امجاد: ابشري عشانك يمه بس
(والكل راح نام مابقى الا امجاد تنظف البيت وراحت امجاد لمغاسل الرجال وشافت اخوها فهد قدامها)
فهد بصدمه: خير الرجال هينا وش تبين؟؟؟
امجاد : من الي هينا انا جايه انظف المغاسل
فهد : حمود وخلصي نظفي بسرعه وانا بقول له لا يجي
(راح فهد لـ حمود عشان يقوله لا يجي للمغاسل اخته تنظف ما كان في المجلس الا حمود ثابت راح يبدل ملابسه وفهد رجع وقف عند اخته)
فهد :اقول امجاد وش عندك انتي و مزون تهاوشتوا ؟
امجاد: والله ياخوي الملسونه رفعت صوتها على امي وجيت انا لعنت شكلها
فهد بضحك: زين دام الموضع كذا عليك وياها وخلصي بسرعههه
(عند حمود في المجلس كان يسمع كلام فهد واخته امجاد وسمع كلام امجاد وعرف الموضع ضحك حمود في نفسه وتنهد ورجع يفكر بملامحها الي ما غابت عن باله)
قطع تفكيره دخول فهد هو يقول: سرحان في وش يا اخوي
دخل ثابت على كلام فهد: اجل زين ان فيه احد لاحظ من يوم وانا اشوفه سرحان
حمود: عادي ترا أنسان انا اكيد بسرح وبفكر ماعلينا يلا امشو الأصطبل وانت يا ثابت دق علي فارس وخله يجي
(وراحو الشباب لأصطبل حمود وكملو سهرتهم فيها وكان معهم فارس وكانت جلسه مليانه بضحك والوناسه) "وبعد ماخلصوا سهرتهم كل واحد راح بيته"
مابقى الا حمود في الأصطبل يشيك على خيوله وبعد ماتطمن على خيله المفضلة (شيم) ركب سيارته متجه لبيته وهو يمشي بسيارته مسرع بنص الطريق الي كان ظلام ما حس نفسه الا وهو تحت التريله بعدها فقد الوعي.

...اذن الفجر...
في بيت ابو حمود:
قام ابو حمود راح يوضي ويلبس يبي يروح يصلي ودخل على غرفه حمود ما شافه موجود
ابو حمود بصوت عالي ومليان خوف على ولده: موضي شفتي حمود امس او كلمك؟
ام حمود: لا ما شفته الا في بيت ابو سلطان ليه مو في غرفته
ابو حمود: لا وادق عليه جواله مغلق
ام حمود: يا ساتر مو من عوايده
ابو حمود : هو كان مع ثابت وفهد بدق عليهم اسألهم