"ديرة امجّاد وهني قلب خفق في حبها"

البارت(13)

(وقت ما البنات كانوا ياخذون القهوه ومتجهين لـ المزرعه طلعت مزون من غرفتها)
مزون:خير على وين
سجى:مالك دخل!!
شوق؛المزرعه تجين معنى الله يحيك
مزون:خلوني اتنفس لحالي في البيت الا اذلفو
سجى:فكه بطقاق والله
بثينه:بنات خلاص امشو
عند العيال:
(وهم يجمعون الحطب عشان يشبون النار)
ثابت:وش عنده حمود سيارته مو موجوده وهو مو موجود
فهد:يمكن راح المستشفى
ثابت:يبلغنا طيب
فهد:بدق عليه اشوف
(عند حمود كان موقف سيارته في بر مكان بعيد عن البيت وهو يفكر في الشي الي سوه وش ذنب امجاد وليش قسى عليها كذا وليش صدق مزون وكان يعاتب نفسه)
...قطع تفكير حمود اتصال فهد...
فهد:الوه وراك وين رحت؟
حمود:رحت مشوار قريب وجاي وينكم
فهد:بنسمر في المزرعه ونشب النار ويمكن نشوي
حمود: جايكم
فهد:لا تطول
"وبعد ما البنات والعيال راحو المزرعه و امجاد نايمه ومزون في غرفتها لحالها والباقين كانوا في عزيمه ابو خالد"
بثينه:ثابت انتبه لـ نايف من النار لا يقرب منها
ثابت:نايف شاطر ما راح يقرب منها صح يا نايف!!
نايف:ايوه انا شاطر ما اجيها
فهد:هذا حمود جاء
حمود وكان بين في وجهه انه تعبان من التفكير:السلام عليكم
الكل :وعليكم السلام
ثابت:حمود فيك شي اليوم وضعك ما عجبني ؟
حمود يصرفه:بس اشتقت لـ شيم وكلمني عامل المزرعه قال انها على وشك ولاده
ثابت:طيب العمال عندها عادي ريح بالك
حمود:ودي ارجع المدينه اتطمن عنها
ثابت:اقول اسكت لا يسمعك ابوي وعمي بس
فهد:ثابت خذ القهوه من سجى وصب لـ حمود
(قطع كلامهم صراخ عالي جداً من البيت فزو العيال كلهم ركض للبيت والبنات وراهم وشوق وبثينه شايلين عيالهم وفي طريق العيال للبيت شاف فهد ثنين طالعين من البيت وهم يركضون وكانوا مغطين انفسهم بالكمال فهد فز وصارخ واحد منكم يحشرهم مع الجهه الثانيه وراح ثابت وفهد وراهم يحاصرونهم وحمود دخل البيت يشوف فيه احد اول ما دخل الا وامجاد هاربه تبي تطلع مع باب المزرعه عشان تهرب لهم وكانت امجاد لا بسه بجامه وكان شعرها ملموم فوق وكانت في انهيار ومرعوبه ما حست في نفسها الا وهي صاكه في حضن حمود لاإرادياً حمود حضنها بقوه وهو خايف عليها )ويصرخ:احد سوالك شي باقي احد هينا (وامجاد كانت في لحظت انهيار مو عارفه مين الشخص الي يكلمها) وهي ترد عليه وتقول:لا بس طالعوا في وجهي فجأه يوم صرخت اهربوا
''البنات الباقين طبعاً دخلوا البيت مع الجهه الثانيه ما دخلوا مع الباب حق المزرعه الي دخل منه حمود''
(قطع كلام حمود وامجاد صراخ البنات وهم ينادون أمجاد أمجاد بصوت عالي ويدورون عليها الا وفز حمود وبعد عنها ومسح دموعها أمجاد انا اسف اسف على كل شي وعد لا اجيب روسهم والعن خيرهم وبسرعه روحي للبنات قبل ما يجون راحت امجاد وهي ما ردت على حمود وانصدمت انها كانت في حضن حمود وهي ما استوعبت على نفسها )
بثينه:يمه امجاد وين كنتي!!!
امجاد:وهي ترجع تنهار كنت ادوركم
سجى وهي تحضنها:بسم الله عليك احد سو لك شي؟
امجاد:لا لا بس خوفوني
شوق:تعوذي من الشيطان ومزون وينها!!
مزون وهي تطلع من الغرفه:هذا انا موجوده العيال مسكوهم؟
سجى:وانتي صدق انانيه سكرتي على نفسك الغرفه وخليتي اختي لحالها
بثينه:بس انتي وياها مو وقتكممممم مره
سجى:خلاص أمجاد أهدي تكفين قطعتي قلوبنا
شوق:امسكي مويه اشربي
بثينه:شفتي اشكالهم؟
امجاد:لا كانت ملابسهم اسود في اسود
"قطع كلام البنات صراخ العيال برا"
فهد:امشو يعيال الكلب
حمود:ثابت جب الحبل
(وربطوهم العيال في النخل وبدا ينتشر الخبر في الديره الين وصل بيت ابو خالد وسط العزيمه ان بيت نايف وناصر دخله حراميه ثنين واجتعمو في الحوش وكانوا العيال رابطينهم على النخل)
سلطان وهو مرعوب:الحريم جاوهم شي!!
حمود:لا محد تضرر بس هذول الكلاب مسكناهم
ابو سلطان قرب منهم وعطهم كف وقال:وش عندكم في بيتنا وش تبون وش مرادكم!!
""طبعاً كانوا من الجنسيه اليمنيه(اليمن على عيني وراسي ما اقصد اسيئ لأحد).. وكانوا عمال المزرعه المجاوره لهم وكانوا يبون يسرقون البيت كانوا متوقعين الكل في عزيمه ابو خالد""
ابو حمود:خلو الشرطه تاخذهم الحين تفكنا منهم وفي الصباح نجيهم المركز
فهد بغضب:ما يروحون الا وقد فركت وجيهم الأرض
ابو حمود:فهد اعقل بناخذ حقنا بالقانون
فهد:اي قانون باخذ حقي بيدي وبالقانون
ابو سلطان بحده:فهد اسمع كلام عمككك
(ثابت اخذ فهد داخل يهديه وجات الشرطه وشالت الحرميه وراحو اهل الديره لبيوتهم وداخل ابو سلطان وابو حمود المجلس والعيال)
عند الحــريـــم:
ام سلطان:يمه بسم الله على بنتي فيك شي سوو فيك شي!!
سجى:لا يمه مافيه شي شفيكم هدو
ام سلطان:الشرهه مو عليكم علي انا قلت لكم انتبهو لأختكم لكن ما منكم فائده
العمه شريفه:ومزون وين كنتي وقت ما دخلوا؟
مزون:كنت بغرفتي ولما سمعت صراخ امجاد وهي تقول حراميه فزيت وسكرت الباب
ام سلطان:دخلوا الغرفه عليك يا امجاد؟؟؟
امجاد:لا يمه كنت توي صاحيه ورحت اشرب مويه طلعت من المطبخ الا هم في وجهيي
ام حمود:الله يكافينا هذا وتونا!!
العمه مرزوقه:اهم شي محد صار له شي وكلكم بخير
عند العيال:
ابو حمود:وين كنتوا انتو عن البيت والبنات!!!
ثابت:كنا في المزرعه والبنات معنى ما عاد مزون وامجاد
ابو سلطان:ليش ما انتبهتو للأبواب
سلطان:صار الي صار ولا يفيد العتب يبيلنا ناخذ الحذر مره ثانيه
ثابت بهمس لـ حمود :النار نسينها مولعه في المزرعه؟
حمود:لا رحت شيكت العمال حقين المزرعه طفوها
ثابت:زين والله صدعت خفت ليكون نسينها
ابو سلطان:الحين نادوا امجاد تجي
فهد:قم يا حمود خلها تدخل
(طلع حمود من المجلس ودخلت امجاد)
ابو حمود:عسى ما جاك شي يابنيتي
أمجاد:لا ياعم ابشرك ما صار لي شي
ابو سلطان:قولي لي يابنتي والله لا اخذ حقك وزود
أمجاد:الله يخليكم لنا بس ماصار لي شي انا قدامكم بخير
ابو حمود:ومزون؟؟
امجاد:مزون قفلت على نفسها
ابو سلطان:زين ارتاحي وانا ابوك لا تتعبين نفسك اكثر
ابو سلطان:والكل يناممم الحين ورانا في الصباح سالفه
عند الحــريـــم:
مزون: بس يسألون عن امجاد وانا ترا حالي من حالها
سجى:ماعندك الا الخراط انتي
العمه مرزوقه:خلاص انتي وياها مزون روحي غرفتك
(راحت مزون غرفتها ودخلت عليهم امجاد)
ام سلطان:يلا ناموا سمعتو صوت ابوكم
بثينه خذت ولدها :يلا عن اذنكم
شوق:يلا امشو ننام
امجاد:يمه نامي جنبي لا تنامين بعيد عني
سجى:عن الدلع يا أمجاد خلاص
ام سلطان:بس يا سجى خلاص روحي انخمدي انتي
العمه مرزوقه وام حمود استأذنوا وكلهم راحو ينامون بعد الليله المرعبه لهم