"ديرة امجّاد وهني قلب خفق في حبها"

البارت(5)

(واتجهو كلهم بعد صلاه العصر الى المستشفى )
في سياره ثابت:
(امجاد وامها وام حمود )
في سياره سلطان:
(ابو سلطان وفهد)
... في سياره ثابت...
ثابت: غريبه وش عندك يا امجاد؟
امجاد: راسي مصدع له فتره وابي اشوف ليه؟
(وطبعاً امجاد لا راسها مصدع ولا شي بس تبي تتطمن على حمود وتشوفه)
ثابت بضحك: يا كذبك توك مافيك الا العافيه متى صدع؟
امجاد: يعني بكذب مو من حبي للمستشفى عشان اكذب
ام سلطان: عيب عليك هي تقول لها فتره مصدعه وحنا ماندري عنها
ثابت باستهزاء وضحك: سلامتها🤣
ام حمود: حر شغل المكيف الله يعافيك
ثابت: ابشري
(وصلو المستشفى كلهم والكل راح لغرفه حمود وابوه ما بقى الا فهد مع امجاد)
فهد: روحي لقسم النساء وشوفي هناك
امجاد: تمام بروح وانت بتقعد هينا؟
فهد: اجل يعني اروح؟
امجاد: لا اقصد روح معهم لـ حمود وانا معليك اذا خلصت اتصلت عليك
فهد: زين انتبهي لنفسك
(وراح فهد لغرفه حمود وامجاد قامت تتمشى في اسياب المستشفى لأن مافيها الا العافيه بس مقصدها تشوف حمود بأي طريقه)
في غرفه حمود:
ابو سلطان: لا ماشاءالله حصان مافيه الا العافيه
فهد: سلامتك قد قلت لك خلنا نمشي سوا رفضت
ابو حمود: الحمدالله هذا مكتوب يا فهد واهم شي انه بخير
ثابت: انت مصدوع ما شفت التريله ؟
حمود: انا مسرع والخط ظلام وراعي التريله مو مشغل نور سيارته
ام حمود: بسم الله عليك انتبه للخط وكم مره نبهتك من السرعه
ام سلطان: ذي قهوه وشاهي واكل لك يا حمود وابو حمود
ابو حمود: لاهنتي يا ام سلطان
حمود: الله يسلمك ما كان له داعي تكلفين على نفسك
ابو سلطان: فهد وين اختك امجاد؟
(فز حمود يعدل جلسته اول ما سمع طاري امجاد واستغرب)
فهد: دخلت قسم النساء وقلت اذا خلصتي دقي
ابو حمود: ليه عسى ماشر وش فيها؟
فهد: تعبانه شوي
حمود بتوتر: من وش تعبانه؟
فهد: صداع بس
(قطع كلامهم اتصال امجاد بـ اخوها فهد)
فهد: الوه خلصتي ؟
امجاد: ايوه وينكم
فهد : خليك بجيك انا
ابو حمود: خلها تجي يارجال
فهد: زين تعالي شوف رقم الغرفه٣٤
امجاد: يلا
(امجاد عدلت نفسها ونقابها واتجهت للغرفه)
دقت امجاد الباب بشويش الكل : من؟؟
امجاد: انا
ثابت بضحك: عرفناك يا( انا) وفتح لها الباب محد يقول (انا )ترا قولي امجاد
امجاد بأحراج: السلام عليكم
الكل:وعليكم السلام
ابو حمود: سلامتك يابنيتي وش فيك؟
امجاد: الله يسلمك لا شوي صداع ولا لقيت الدكتور قالو مو موجود
حمود بحده: دكتور ليه مافيه دكتوره؟؟
فهد بأستغراب من حمود همس له :لا ترد عليها ترا تستحي
ثابت بضحك: ولد لا تمون ترا اختنا صح لسانها طويل بس تستحي
امجاد بأحراج: اقصد دكتوره
ابو سلطان: اجل انا وابو حمود بنروح العزيمه عند ابو فارس(الي هم جيرانهم وفارس صديق ثابت) وفهد وسلطان معنا وانت يا ثابت خلك مع الحريم تجيبهم وتنوم مع حمود اليوم بكره بيطلعونه
ثابت:ابشر يبه
(طلع ابو سلطان وابو حمود وفهد وسلطان)
ام حمود : انا بروح ازور صديقه لي هينا متنومه
ثابت : وانا بروح اخلص اوراق حمود عشان بكره نطلع بدري
ام سلطان: زين لا تطولون
حمود: كيفك يا امجاد؟
امجاد بأحراج ومستحيه: الحمدالله تمام كيفك انت؟
حمود:شوفت عينك بس الحمدالله احسن
ام سلطان: ماتشوف شر يارب وانتبه ياولدي من السرعه
وكمل اكلك؟
حمود: الحمدالله شبعت تسلم يديك
ام سلطان : بالعافيه اجل بطلع اعطيها العمال الي برا بدال ما اكبها
(طلعت ام حمود ومابقى في الغرفه الا امجاد وحمود)
حمود يناظر امجاد ومبتسم وامجاد متوتره ولا قدرت تطالع فيه حتى :
حمود: للحين تحسين بصداع ترا عندي بنادول تبين؟
امجاد من التوتر قالت: ايه
(حمود مد يده لطاوله ياخذ كيس الأدويه الي عنده وطلع منها بندول ومد يده بيعطيها)
حمود: سمي
امجاد: شكراً
واخذت امجاد الحبوب ودخلتها شنطتها
حمود: اذا مصدعه اكليها الحين
امجاد: لا عادي نص ونص
'قطع كلامهم دخول الدكتور'
الدكتور: السلام عليكم
حمود : وعليكم السلام
الدكتور لـ امجاد: حظرتك زوجته؟
امجاد انصدمت وتوترت من السؤال ولا قدرت تجاوب غير انها تناظر في الدكتور بصدمه😳!!
حمود بأبتسمامه: اي زوجتي فيه شي؟
امجاد انصدمت من كلام حمود واستحت زياده ونزلت راسها وهي شوي وتبكي من الأحراج
الدكتور: لا بس اسأل عشان ابلغك تأكدنا من التحاليل وكل شي وامورك تمام
(قطع كلام الدكتور دخول ام سلطان)
ام سلطان : طولت عليكم؟
حمود: لا يا عمه خذي راحتك
الدكتور: انا استأذن وماتشوف شر يا حمود
ام سلطان: وش كان يبي الدكتور
حمود: يبلغني ان اموري تمام
دخل ثابت: ابشرك خلصت أوراقك وبكره بنطلع
حمود: زين الله يعطيك العافية ماقصرت
ثابت : اجل يمه الزياره بتنتهي بروح اجيب السياره والحقوني
ام سلطان: خذ المواعين معك
ثابت :ابشري
(طلع ثابت يجيب السياره من المواقف ويقربها من باب المستشفى)
ام سلطان: اجل انا بروح ادور ام حمود واجيكم خليك يا امجاد هينا لين اجي
(بعد ماطلعت ام سلطان)
حمود: اسف إذا احرجتك بس ما ابي الدكتور يسوالف ويسأل زياده
امجاد بتوتر: لا عادي
حمود بأبتسامه: فيك شي؟
امجاد: لا
حمود: اجل انتبهي لنفسك والحبوب الي عطيتك اياه ممتازه لصداع وماتشوفين شر
(قطع كلام حمود وامجاد دخول ام سلطان وام حمود )
ام حمود: ماتشوف شر طمني عنك واذا احتجت شي دق علي
حمود: ابشري
ام سلطان: يلا يا امجاد امشي