"ديرة امجّاد وهني قلب خفق في حبها"

البارت(10)

عند الحــريـــم:
سجى بهمس لـ شوق:أمجاد راحت مع حمود؟
شوق:ايه ليه
سجى بضحك:لا ولاشي
شوق:سجى تكلمي بسرعععه تعرفين شي ما نعرفه
سجى:لا ما راح اتكلم لين يجي الوقت المناسب
شوق:الله يستر منك
بثينه:وش عندكم؟
شوق:سجى ماغيرها تتكلم بـ ألغاز
بثينه بضحك:هذي هي سجى عبيطه من يومها
سجى بزعل:خير وش الي عبيطه
بثينه بضحك ضمت سجى عشان تراضيه
ام سلطان:شفيكم
بثينه:الحلوه زعلت علينا
سجى بضحك:خلاص رضيتت
شوق:والله تعرفين تجيبين راسها يا بثينه
بثينه:طبعاً من عندنا غير سجى نراضيها
عند حمود وامجاد في السياره:
كان حمود جداً متنرفز من الموقف وكان ساكت
امجاد بحده ومتنرفزه انه ما رد عليها:ترا كنت اكلمك خير تسفهني ؟
حمود بغضب :امجاد يرحم امك اسكتي وثاني مره انتبهي لغطوتك ونفسك
امجاد:تكلم معي زين ووضح كلامك وش قصدك بـ انتبهي لغطوتك
حمود:امجاد ما ابي تسمعين كلمه مني تزعلك اسكتي
امجاد:كل هذا وما تبي تسمعني كلمه تزعلني ما قصرت
(حمود وقف السياره على جنب وسكت وحط راسه على الدركسون عشان يهدأ )
(امجاد كانت مصدومه ومرعوبه ولا هي عارفه وفاهمه وش السالفه)
امجاد بخوف:حمود فيك شي
سكت حمود ورفع راسه وشغل السياره وقال بصوت تعبان  :لا مافيني شي وانا اسف على الي صار
امجاد: يمه حمود بسم الله عليك شفيك كذا منقلب ترا مو فاهمه الموضوع ولا ادري وش فيك معصب
(حمود ابتسام يوم شاف امجاد خايفه عليه له الدرجه)
حمود: امجاد انتبهي لنفسك ثاني مره ترا حنا في مجتمع اغلبهم ما يخاف الله التحرش عندهم مثل السلام عليكم
امجاد:حمود فهمني زين؟؟
حمود: انا شفت واحد كان قاعد يناظرك وكان الخبيث ناوي على شي ولولا زحمت الناس وانتي معي كان لعنت خيره
امجاد:واذا طالع فيني مو شرط اعطيه وجه وبعدين حتى انا اشوف البنات يطالعون فيك ماقلت شي سكت
حمودبأبتسامه:تغارين علي؟
(امجاد حست انها تهورت وسكتت)
حمود: ترا اذا زعلتك ابشري بالي يرضيك كل شي الا زعلك عند حمود
امجاد في نفسها كان ودها تقول(ياحظي بحمود):لا عادي ما زعلت بس لا تتصرف كذا ثاني مره وترتني معك
حمود: والله العظيم اني ما عاد صرت اشوف شي قدامي من موقف ابن الكلب وانا اذا عصبت ما انتبه لنفسي اسف
امجاد والأبستامه شاقههه وجهه
وكانت مبسوطه بكلام حمود: اجل معذور
حمود بضحك: زين عذرتيني ولا كان قومت الدنيا عشان ترضين
عند العيال:
(كان ابو حمود وابو سلطان يتمشون في الديره ويشيكون على مزرعه ابوهم ويتمشون ومعهم سلطان وثابت)
"وفهد كان نايم "
عند الحــريـــم:
ام سلطان: طولوا امجاد وحمود
ام حمود:ليه وينهم؟
ام سلطان: ارسلتهم يجيبون اغراض للغداء
ام حمود:وانا يغافلين لكم الله ما ادري ولدي مع من ولا رايح مع من
سجى:وين بيكون رايح بعدين ترا امجاد ما كانت تبي تروح بس عمتي مرزوقه وامي جبروها
مزون: اي واضح وهي على طول نطت تلبس عبايتها بسرعه
بثينه: الحمدالله والشكر اجل تبينها تطلع بدون عبايه
(بعد ما وصلو امجاد وحمود البيت نزلت امجاد تبي تشيل الأغراض اخذها حمود من يدها)
حمود: لا تشلين شي انتي
امجاد:بشيل نص الأغراض على الأقل
حمود بضحك: من كثر الأغراض كلها ترا دجاج ورز وبصل واشياء بسيطه بدخلها انا
امجاد :مايصير بساعدك
حمود بضحك وحده:يلا قدامي ادخلي قبل ما يجي احد
(امجاد ضحكت واستحت ودخلت عند الحريم)
ام حمود:ماشاءالله شرفتي؟
العمه مرزوقه:وش فيك يا موضي انا وامها الي أرسلناها مع حمود بعدين هم اخوان وعيال عم
ام حمود: بس عطوني خبر
شوق:الله يصلحك يا عمه يعني انتي ما كنتي موجوده ولو ندري بتزعلين قلنا لك
(طلعت ام حمود برا لـ ولدها)
ام حمود: ماشاءالله صرت سواق لهم بعد
حمود:وش الكلام هذا يمه ؟؟
ام حمود:وش عندك انت وامجاد وش بينكم
حمود قرب من امه وباس راسها وقال :يمه انا احب امجاد
ام حمود:تخسي؟؟
حمود:يمه قصري صوتك لكن اذا تبين ولدك وتخافين عليه لا تتدخلين في حياته الا بـ الشي الصح لا تحرميني من شي معجب فيه واحبه من يوم اني صغير
ام حمود: لا يـ حمود قول انك تمزح
حمود:يمه انا ما امزح لا تكسرين قلبي طلبتك طلبتك قلبي لا تكسرينه امجاد يمه وبس
ام حمود: بسم الله على ولدي انا عارفه الحيه ذي وراها سالفه شلون قلبت ولدي
حمود:يمه خلاص تكفين انتي اكثر وحده تعرفين اني معجب في امجاد من يومي صغير وكبرت واكتشفت انه مو اعجاب وبس انه حب
(ام حمود ما حبت تدخل في حياة ولدها وبعد كلام حمود ما ودها تكسره)
ام حمود بحزن:امري لله الله يرد لك عقلك
(قطع كلام حمود وامه دخول ابو سلطان وعياله وابو حمود)
حمود:لا تسوين مشاكل يمه تكفينن
ام حمود:الله يصبرني عليك بس
حمود باس راسها مره ثانيه:ادخلي يالغاليه عمي وابوي جاو
ابو سلطان:وش الأغراض ذي يا حمود
حمود:اغراض لغداء اليوم والعشاء
ابو سلطان:نسينا من المقاضي
ابو حمود:بكره ان شاء الله نشتري مقاضي الأجازه كامله
عند الحــريـــم:
سجى وامجاد كانوا في المطبخ يرتبون الأغراض
سجى بغمزه لـ امجاد:وش صار مع نور العين؟
امجاد: اهخ يا سجى محد يكشفني الا انتي
سجى:قولي قولييييي اسمعك😂
امجاد:ما اقدررررر خلاص مدري وش صاير فيني
سجى:واضح عندك سوالف قولي لي قبل يجي احد
امجاد:حمود شكله يحبني؟
سجى:مايبي لها من يومكم صغار وانتو مع بعض والكل كان يعرف ان حمود يحبك
امجاد:ادررري بس ماتوقعت يكبر هالحب معنى
سجى:حب الطفوله يدوم ايوه قولي لي وش صار معكم
(امجاد قالت لها كل الي صار)
سجى بضحك:يالله يغارررر عليك يمه ماتوقعت حمود كذا
امجاد: يوهههه ماشفتيه كيف شد على يدي وكان معصب
سجى:من قدك يا امجاد بس الله يكفيكم شر امه ما ارتاح لها
امجاد بحزن:بس هو ما قالي يحبني او لا
سجى:امجاد تستهبلين كل هذا وتقولين ما ادري الولد مو بس يحبك يموت عليك بعد
امجاد:اهخ طحت ومحد سمى علي
سجى بغمزه😉:انتبهي عيونك لا تطلع من كثر الحب
عند العيال:
دخل ابو سلطان المجلس وشاف فهد نايم:فهد قمم وش النومه ذي قم محد ينام الحين
فهد وهو مصدع ومخروش:يبه بسم الله توي حطيت راسي بنام
ثابت:قمم ترا مو في المدينه تنام وتصحى متى ماتبي
فهد:اسكت انت صوتك لا اسمعه
سلطان:وراه ذا يهاوش وثابت صادق قم غسل وجهك
(قطع نقاشهم دخول العمه مرزوقه عليهم)
ابو سلطان: يا مرحباً متى بيخلص الغداء
العمه مرزوقه:توهم يشتغلون عليه
ابو سلطان:والله ناسينا من الأكل واغراضه بكره بنروح نجيب الأغراض كامله
العمه مرزوقه :الله يعطيكم العافيه
حمود:اجلسي حياك ياعمه
العمه مرزوقه:لا بس كنت ابي اشوف كلكم موجودين او لا
عند الحــريـــم:
شوق:ماشاءالله وش عندكم؟
سجى:نسوالف عادي
شوق:ترا اختكم انا قولي لي وش مسوين
امجاد:يعني اذا كنا نسوالف طبيعي نكون مسوين شي؟
العمه مرزوقه:للحين ما جهزتوا الغداء قلت لرجال انهم قدهم يجهزون
سجى:طيب ترا الشغل واجد يعني نادي بنتك معنى
العمه مرزوقه:اكيددد بناديها
مزون دخلت على كلامهم:خير وش فيها بنتها؟
العمه مرزوقه:اركدي يابنت بس محد قال فيك شي
وساعدي البنات بسرعه جهزوا الغداء