(بعد ما قام حمود رايح قسم الرجال يوضي وكانت امجاد تنظف وسمع صوتها حمود وهي تغني وكانت مروقه رغم الكرف دخل حمود بس مكان عارف ان مصدر الصوت من قسم الرجال الا وجهه في وجه امجاد)
"امجاد من الخوف والتوتر كانت تناظر حمود وماقدرت تشيل نفسها من التوتر"
(حمود كان يتأمل امجاد من قريب وكيف هي جميله وكيف هذي ثاني صدفه يشوف فيها امجاد والأبتسامه شاقه وجهه حس حمود على نفس ورجع ورا وقال)
حمود:انا اسف ما كنت اعرف ان فيه احد هينا
امجاد بصوت مخنوق:انتبههه كم مره أقوالك
حمود:ابركها من صدفه اجل واعتذر للمره الثانيه
(امجاد توترت زياده من كلامه ولا قدرت ترد عليه)
حمود: اجل حطي لي درب بدخل اوضي
امجاد :طيب خلك دقيقتين وادخل
"ضحك حمود من هالدقيقتين الي كل مايصادف فيها امجاد تقولها"
(بعد مادخل حمود يوضي وطلع تكلم بصوت عالي ترا خلصت الوضوء واسف اذا اشغلتكم وطبعاً الكل كان مشغول في شغلته وامجاد كانت قريبه وسمعته وطلعت كملت شغلها وهي مشاعرها متلخبطههه مره)
عند العيال:
ثابت:لقيت احد قدامك
حمود:ايه كانوا ينظفون بس تكلمت وراحو لين خلصت و ارجعو كملوا
فهد:زين
حمود:شفيكم ترا منكم وفيكم واكيد بخاف على اهلكم لأنهم اهلي
فهد: يارجال ما فيه كلام هذي اكيد وحنا واثقين
ابو سلطان:يلا قم انت وياه نروح المسجد ونسلم على الجيران ونصلي
(وراحو العيال المسجد يصلون وكانوا اهل الديره مبسوطين بجيتهم والكل يحلف عليهم يعشيهم لكن ابو سلطان وابو حمود حلفوا من الكلايف والذبائح)
عند الحــريـــم:
بعد ما خلصوا شغلهم
ام حمود:شلون نسوي لهم غداء ولا فيه مقاضي
العمه مرزوقه :بنخلي واحد من العيال ومعه وحده من البنات يشترون اغراض اليوم بس وعاد بكره بيروح ابو سلطان وابو حمود يشترون
شوق:انا والله ما اقدر اروح تعبانه مرههه
بثينه:وانا بعد ما اقدر اخلي نايف واذا راح معي بيقروشني
مزون:وانا بعد ما ابي اروح
ام سلطان: بسم الله عليكم شفيكم خلاص امجاد وسجى واحد من العيال بيوديهم
سجى:اعذريني يمه والله اني تعبانه بروح انام
ام سلطان: امجاد مالك عذر بتروحين
امجاد:يمه تكفين
العمه مرزوقه:ليت كلكم مثل امجاد بس
امجاد: الله يصبرني من الي بيودينا
ام سلطان:بروح اشوف العيال من موجود منهم
(عند العيال بعد ما طلعوا من المسجد راح ابو حمود وابو سلطان وثابت وسلطان يتمشون في الديره وفهد وحمود ارجعوا البيت)
ام سلطان:وين ابوك يا فهد وعمك وثابت
فهد:راحوا يتمشون في الديره
ام سلطان:اجل اسمعوا واحد منكم يروح هو ومعه وحده من البنات يجبون مقاضي اليومم
فهد:يمه انا دايخ من الخط بنام والله
حمود:ابشري يا ام سلطان ولا اردك
فهد بضحك:لا تمون مع امي بس
حمود: يارجال انخمد بس
(راحت ام سلطان عند الحريم)
ام سلطان:يلا البسي عبايتك وروحي انتي وحمود ولا تطولين بس اغراض اليوم
امجاد بتوتر: يمه حمود!!
ام سلطان:ايه حمود واحد من خوانك والكل واثق فيه
امجاد:مو مسألت ثقه بس انا استحي منه
ام سلطان:عن الدلع والبسي عبايتك
(تجهزت امجاد ولبست عبايتها وراح حمود يشغل السياره وهو ما يدري مين الي بتروح معه طلعت امجاد وركبت السياره)
امجاد:السلام عليكم
حمود كان منزل راسه مو منتبه لها بس عرفها من صوتها وفز:وعليكم السلام مرحبتين ياهلا
امجاد وهي مستحيه:ياهلا فيك
شغل حمود السياره ومشوا متجهين الى اقرب سوبر ماركت
حمود:عارفه وش الأغراض الي بتاخذونها
امجاد:ايه
حمود:زين
(بعد ماوصلوا السوبرماركت)
حمود :يلا انزلي
(نزلت امجاد ونزل حمود وهو يمشي الا امجاد وراه مستحيه ومتوتره الا ويشوف حمود واحد قاعد يناظر في امجاد نظره خبيثه ويبتسم وكأنه ناوي على شي )
لف حمود على امجاد: امجاد غطي عيونك وتعالي جنبي
امجاد : لا ما راح اجي جنبك خلك قدامي
حمود بحده: امجاد ما امزح انا تعالي جنبي وسحبها مع يدها ومسك يدها عشان محد يقدر يطالع فيها
امجاد مستحيه ومتوتره وتاخذ الأغراض بسرعه من التوتر
امجاد: حمود فك يدي خلني اخذ الأغراض
حمود بحده وكان جداً معصب: اشري وانا بجيب
(وبعد ما خلصوا وكانوا عند المحاسب)
حمود فك يده من امجاد وقال: خليك وراي الحين
امجاد:طيب
(وبعد ما خلصوا وركبوا السياره)
حمود:كان بين على ملامحه الغضب
امجاد وهي متوتره:حمود فيك شي
(حمود طنش امجاد وما رد عليها استحت امجاد وسكتت)
أنت تقرأ
"ديرة امجّاد وهني قلب خفق في حبها"
قصص عامةالتفاعل هو السبب الأولى لأستمراري اتمنى التفاعل بتعليق وتضغطون على النجمه بعد كل بارت🌟🫶🏻 (روايه تكتب لكمَ بكل حُب وشغف) ما احلل سرق الراويه❌
