"ديرة امجّاد وهني قلب خفق في حبها"

البارت (2)

في صباح اليوم الثاني في بيت ابو سلطان:

ابو سلطان: ي عيال اصحو خوكم جاي
وبدا الكل يصحى على صوت ابو سلطان

ام سلطان: امجاد بما انك صحيتي روحي صحي ثابت
امجاد : بس ماطلبتي شي يالغاليه
(امجاد وقتها كانت ناويه على ثابت بنيه واخذت معها علبة مويه وكبتها على ثابت)
ثابت: والله ما اخليك
امجاد وهي تركض بضحك رايحه عند ابوها: اذا فيك خير الحقني عند ابوي🤣
ثابت وراها لين ما وصلت ورا ابوها
ثابت: يبه فكني شر بنتك
ابو سلطان: شفيك تقطر كذا يابوك متروش وطالع
الكل : قام يضحك على شكل ثابت المبلل وشكله الحوسه وجهه المقفع نوم ومعصب😂

ثابت: معليه والله ما اخليك يالبزر

في بيت العمه مرزوقه:
العمه مرزوقه : مزون تجهزي اليوم بنروح بيت خالك نايف
مزون: ليه وش عندهم؟
العمه مرزوقه : ولده سلطان جاي اليوم ويبينا في موضع
مزون: غريبه متى بنروح؟
العمه مرزوقه: اكيد بعد صلاه العصر
في بيت ابو حمود بعد ماخلصو الفطور :
ابو حمود: حمود جهز نفسك عمك اليوم عازمنا على العشاء ويبينا في موضوع
ام حمود: وش عنده نايف؟
(حمود فز اول ماسمع ان عمه عازمهم وعدل جلسته وحاول يكون طبيعي ما يبين لأهله )

حمود: زينن احسن مايسوي عمي ابو سلطان اجل انا بروح اتطمن على شيم (خيل حمود الي يحبها) واجيكم
ابو حمود: زين لا تتأخر بنروح بعد صلاه العصر
حمود: ابشر
في بيت ابو سلطان:
بعد ماخلصوا الفطور وانتهو راح كل واحد لشغله راح ثابت يشيك على المحلات والحلال والعمال وراح فهد يقضي نواقص البيت وابو سلطان قعد في البيت ماراح
ابو سلطان: دقو على اختكم نوره شوفو اخبارها وعلومها بتجي الأجازه ذي
اخذت ام سلطان الجوال واتصلت على بنتهم نوره:
ام سلطان: ياهلا ومرحبا (وكان اتصالهم سؤال عن الحال وأوضاعهم والكل كانت اموره تمام)
ام سلطان: نوره متى ناويه تجينا يابنيتي؟
نوره: والله يايمه اني ميته عليكم لكن طلال عنده ضغط في دوامه ولا عنده حتى فرصه يتنفس ولا اقدر اجيكم هالأجازه
ام سلطان: معليه يابنيتي اهم شي انكم طيبين وبخير
ابو سلطان: سلمي لي عليها وعلى طلال
ام سلطان: وهذا ابوك يسلم عليك وعلى طلال
نوره : الله يخليه ويسلمه ولا نفقد حسه والله اني مشتاقه لكم
ام سلطان: الله يسعدك يابنيتي انتبهي لنفسك وفي امان الله
(وصل فهد بـ الأغراض ويدخلها المطبخ) فهد: يمه وين ثابت خليه يجي يساعدني
ام سلطان: ثابت راح للمحلات والحلال يشيك عليها
فهد : خلي البنات يجون طيب
(طلعت امجاد قبل شوق وسجى تساعد فهد وتاخذ منه الأغراض من عند الباب)
فهد بنبره حاده: خير وين جلالك طالعه كذا روحي البسي جلالك وتعالي
امجاد: طيب انا في حوش بيتنا من بيشوفني؟؟
فهد عصب وشد على يدها: كلامي ما اكرره امجاد لا ترفعين ضغطي وانا ما ابي ازعلك!!!
(راحت امجاد ولبست جلالها هي وشوق وسجى وجاو ساعدو فهد في الأغراض)
.................. بعد صلاة العصر .............
بدو يجتمعون في بيت ابو سلطان:
(دخل ثابت بعد ما رجع من المحلات وشيك على الحلال هو وعمته مرزوقه وبنتها مزون سوا مع الباب)

ثابت : ارحبي حياكم اقلطو
العمه مرزوقه: كيفك يا ثابت وش علومك؟
ثابت : بخير والله ما نسأل الا عنكم وش لونك يا مزون؟
مزون: بتأفف بخير
ثابت في نفسه يقول: وش عندها ذي تنافخ ؟
ثابت : اقلطو اقلطو
(ومر وقت قصير الا وابو حمود وام حمود داخلين)
الكل رحب فيهم وسلموا عليهم
ابو سلطان: وين ولدك حمود ي ناصر؟
ابو حمود: مشغول في خيوله وقال روحو وبلحقكم
ابو سلطان: زين الله يحيه

-(عند الحــريـــم)-
ام سلطان : يامرحبا الله يحيكم سجى قومي صبي القهوه لـ ام حمود وعمتك شريفه وبنتها
ام سلطان : وانتي يا امجاد روحي جيبي النعناع من الحوش بسرعه
طلعت امجاد تجيب النعناع وكا العاده نست جلالها والنعناع كان قريب من الباب وهي تقطف النعناع الا على دخلت حمود الي توسعت عيونه على امجاد الي ملامحها كانت طفوليه وجميله وشعرها البني الي كان حد كتفها استوعب على نفسه ونزل عيونه ورجع ورا
امجاد: تكلم قبل ماتدخل
حمود: اعتذر والله العذر منك ما كنت اعرف ان فيه احد قدامي
امجاد ذابت من اسلوبه الحلو وطريقه اعتذاره : لا عادي بس خلك دقيقتين على بال ما ادخل البيت

دخلت امجاد البيت وهي ماهي مستوعبه ان حمود جميل كذا امجاد كانت تشوف حمود من بعيد فقط بس هالمره شافته من قريب ملامحه الحاده وجسمه العريض وكان جداً جميل
ام سلطان: علامك طولتي
امجاد وهي سرحانه: لا يمه بس كنت اقطف النعناع وتعثرت ما طولت كلها دقيقتين
سجى: شفيك كذا سرحانه طيب؟
امجاد: مالك دخل اعوذ بالله محد يفكر
سجى بغمزه😉: ما ندري وش تفكيرين فيه
طنشتها امجاد وقامت تساعد امها وشوق في تحضيرات العشاء وراحت سجى تقهوي الحريم
(عند الرجال)
دخل حمود ورحبّو فيه وقلطوه
(وحمود كان سرحان با البنت الي شافها وكأن الملامح ملامح امجاد يوم كانت صغيره وتأكد انها هي من صوتها وحمود كان من طفولته وهو معجب بـ امجاد عشان كذا مانسى ملامحها وعرفها من صوتها) قطع سرحانه ثابت: وش عندك سرحان وشاقه وجهك الابتسامه😉
حمود: لا مافيه شي بس افكر في الخيل حقتي
ثابت: بس الأبتسامه ذي وراها علوم🤣
(انقذ حمود دخول سلطان وولده والكل قام يسلم و يرحب فيهم )
ابو سلطان: تأخرت يا سلطان المفروض انك من عصر جاي الحين قد الساعه٧
سلطان: اعذرني بس الخط كان شوي زحمه اجازه والعالم رايحه جايه
الكل: زين وصلتوا بالسلامه ولا تعبتوا انشاءالله
-(عند الحــريـــم)-
دخلت بثينه والكل رحب فيها وكانو مبسوطين فيها
( الا مزون مو مهتمه للوضع ابداً مزون بينها وبين نفسها: الحمدالله والشكر ليكون ملاك نازل من السماء له الدرجه فرحانين فيها)
(عند الرجـال)
ابو سلطان: حياكم الله جميعاً والله يديم جمعتنا ولا يفرقنا وبالمناسبة هذي جمعتكم عشان اقول لكم ان الأجازه جات ونبي ننزل لديره كلنا ونسكن في بيت الوالد بدال ما نخليه مهجور نجيه كل إجازه والبيت كبير ويكفينا كلنا وكبير علينا بعد وش رايكم؟

ابو حمود: والله يا ابوي سلطان معك حق بدال ما نهجر البيت نجيه اوقات الأجازه وانا معك على الي تقوله

ابو سلطان: بارك الله فيك ياخوي ناخذ راي اختنا مرزوقه ونشوف قم يا فهد صوت لهم خل عمتك تجي

فهد: ابشر
(قام فهد وكلم امه تجي عمته مرزوقه)
(جات العمه مرزوقه والكل رجع يرحب فيها ابو سلطان قال لها نفس ماقال لخوه ابوحمود)

العمه مرزوقه: انا معكم في الي تقولونه بس ابو مزون مشغول ولا اتوقع يودينا؟
ابو سلطان وابو حمود بصوت واحد:
مالك هم حنا خوانك وعيالنا وسيارتنا تحت امرك ونحطك بعيونا
العمه مرزوقه: الله يحفظكم ويخليكم لي يارب

........وجهز العشاء والكل قام تعشاء وكانو مبسوطين بـ فكرت ابو سلطان ومتحمسين.......