"ديرة امجّاد وهني قلب خفق في حبها"

البارت(16)

لا تنسون النجمه🌟
قراءة ممتعه❤️
(عند الحــريـــــم)
"البنات في الغرفه"
امجاد: بنات الفستان مناسب ولا تحسون قصير؟
شوق:مدري اشوفه حلو
سجى:امجاد لا والله ما ينفع لمناسبات الديره وحريم الديره اذا ما كان لبسك يسحب وراك لبسك موب ساتر
شوق:سجى هديها شوي عادي لبسها موب مره قصير
امجاد:اوف صدق بروح اخذ رأي امي اشوف
...........................
[أمجاد كانت لابسه فستان لوّنه "أحمر" فوق الكعب  يعني يعتبر (ميِّد) شوي والفستان (كّم) "وماسك", وشعرها كان "ستريت" (وكله مفكوك) وكان شكلها بالمختصر |انيقِ جداً وبسيط وملفّت|..]

(عنــد الـعــيــال)
ابو حمود: انا جاهز
ابو سلطان: وانا بعد
ثابت: وانا اول واحد خلصت باقي العيال
ابو سلطان: وينهم؟
ثابت : فهد يضبط حمود لأنه كان يبي يحلق بس مافي الديره حلاق
ابو سلطان: فهد!! ومن متى فهد يحلق
ثابت بضحك: خله يجرب على حمود
(عنـد فهد وحمود)
فهد: هاه ضبطتك ولا لا😉
حمود: والله يعني نص ونص
فهد : ترا الموس باقي في يدي يمديني العب بوجهك
حمود: خلاص يبن الحلال زين زين الشكوى لله انحديت عليك

...قطع كلامهم صوّت ابو سلطان وهو يقول...
ابو سلطان: ي عيال عجّلو
ابو حمود: وسلطان وينه؟
ثابت: بغرفته اكيد
ابو سلطان: هذا يومه بـ سنه رح دق عليه الباب

(عند سلطان وبثينه)
بثينه:  وهذي العوده جاهزه استعجل قبل ما يعصب عمّي
سلطان: عساك سالمه لي ي أم نايف وبعدين وش هالزين
بثينه بأحراج: استعجل خل الغزل بعدين
سلطان: انتي زوجتي الحين وبعدين بـ اتغّزل فيك

..وفي نص الكلام دق الباب ثابت عليهم..
سلطان: من
ثابت: ي اخوي استعجل قبل ما يعصب ابوي
سلطان: خلاص رح وجايكم
بثينه: تاخذ نايف معك؟
سلطان: لا خليه معك احسن  ما ودي يزعج عند الرجال  واهل الديره ينزعجون من الأطفال في المجالس
بثينه: اجل يلا روح استعجل باخذه معي
___________
حمود: ثوبي يبيله كّوي
فهد : أمي جايبه كوايه أظن
حمود: اجل بعطي امي الثوب وتاخذ الكوايه

(عـنـد الـحـريــم)
أم سلطان: والله يابنتي بنظري اشوفه يعني موب قصير البسي شرابّ         {اكرمكم الله}
أمجاد: يّمه شرابّ!!! مستحيل لا كيف تمزحين  مايليق وهذا ناويه البس كعب بعد
أم سلطان: اجل بكيفك لا توجعيني في راسي روحي خلصي وخلي خواتك يخلصون
[بينما أمجاد طالعه من غرفه أمها "ونظام الغرف في البيت كلها تنفتح على الصاله وطبعاً الصاله كبيره والغرف بتكون بعيده من بعضها" ... ألا يصادف طلعوها من غرفة أمها, دخول حمود لصاله ، أمجاد تجّمدت في مكانها من الخوف , وحمود توسعت عيونه عليها ولا أرمش حتى ]
أمجاد بخوف وعيونها بـ الأرض: حمود أمش قبل محد يشوفك بسرعه
حمود: ياحظي دام لي نصيب بـ هالكشخه
[مشت امجاد بسرعه وهي خايفه وحمود كا عادته اذا شاف أمجاد يتنح ويستوعب على نفسه بعدين]
سجى: أمجاد وش فيك خايفه
شوق بضحك :  من يطاردك انتي🤣
أمجاد: اسكتي انتي وياها قلبي يدق ي بنات
سجى: اها دام فيها قلبي يدق معناته شاف حبيب القلب
(وفي نص كلامهم دخلت بثينه ولدها)
بثينه: وش حبيب القلب؟ وش فاتني
شوق : اصبري ناخذ الكلام منها
بثنيه  بضحك : اها السالفه فيها حمود توي قبل شوي شفته داخل عند امه وفي يده ثوب
أمجاد: بنات حمود زودها احس قاصد الي يسويه
سجى: وش السالفه ي بنت خلصينا قولي
أمجاد: شفته وانا طالعه من عند امي داخل الصاله و وقف وأكلني بعيونه
سجى: لا مستحيل ما احسها حركاته
شوق: هو صح يحبك بس ما توصل يلحقك عشان يشوفك وش عرفه انك بتطلعين
بثينه: وبعدين بيده ثوب ودخل عند امه يمكن يبيها تغسله او شي
(عـنـد حمود وأم حمود)
حمود:يمه انتي قلتي لهم  اني بدخل
أم حمود:لا محد فاضي الكل بغرفته
حمود: شلون!! ليتك قلتي لهم ع الأقل ما يكون شكلي غبي وانا داخل بين الحريم ومحد يدري عني
أم حمود:  ليكون شفت احد قدامك😳
حمود: ايه
أم حمود: وش ايه شفت احد قدامك ولا لا
حمود: ايه شفت امجاد
ام حمود بصدمه:وش عرفك انها امجاد!
حمود: اعرف ما يحتاج قلب الواحد دليله
ام حمود:نعم نعم وش تخربط انت في شي صاير ما اعرف عنه
حمود:تعرفين ان انا وامجاد لبعض من حنا صغار ما فيه شي صاير من وراك
ام حمود: بس هذا الكلام وانتو صغار ي ولدي
حمود: وانا للأن احبها وابيها
ام حمود : حمود متأكد من كلامك؟
حمود: واااثق من كلامي
ام حمود: خلاص قفل الموضوع لأحد يسمعنا وهات أكّوي ثوبك
(عـنـد الـبـنـات)
شوق: امجاد لا تكبرين الموضوع عاد
سجى : لعبتها الدراما 🤣
أمجاد:بنات خير!!
بثينه :صدق بنت شفيك خايفه هالكثر ؟
أمجاد : بنات بيني وبينكم اخاف منه صح ان احس في مشاعر اتجاهه بس فيه بعد مشاعر خوف منّه
[وأمجاد قاعد تقول الكلام حمود طلع من غرفة امه وسمع كلام امجاد لأن صوتها كان شوي عاليّ]
بثينه: اقول خلي عنك احد يخاف من الي يحبه
[حمود في نفسه بصدمه وحزن: انا امجاد تخاف مني وش خلها تحس ب هالشعور اهخ بس, وراح حمود للعيال]
___ قطع كلام البنات دخول أم سلطان___
أم سلطان: يلا بسرعة البسوا عبايتكم بنطلع
______عند العمه مرزوقه ومزون _____
مزون: كله كم يوم يخلص ابوي شغله وتفتكين مني
العمه مرزوقه: افتك منك؟ مزون يابنتي عيب هالكلام
مزون:موب انا راعيه مشاكل افتكي من مشاكلي
العمه مرزوقه: خلاص الله يهديك موب وقت نقاش البسي عبايتك خلينا نطلع
[وبدأ الكل يتجهز متجهين لعزيمة ابو حمّد ]
(عـنـد الحــريـــم)
أم حمّد "زوجة ابو حمّد": حياكم الله يامرحبا ومسهلاً نورت الديره
العمه مرزوقه: الله يسلمك ويعطيك العافية
أم سلطان:منوره ب أهلها
أم حمّد: ماشاءالله ياسرع سنين كبرو بناتكم صارو عرايس
أم سلطان: اي والله الزمن يمشي والعمر يكبر
سجى بهمس لـ شوق : شفيها ذي تخّز امجاد كذا
شوق : لاحظتي معي اخيراً احد شاف
سجى: بسم الله على اختي من نظراتها
شوق : لا تراها حبوبه بس مدري شفيها ونظراته
سجى:اقول انتبهي لبنتك ي حبوبه

[عند الرجال استقبلهم ابو حمّد بالتراحيب والخاطر الطيب والوجه البشوش وسوالف وضحك والقصص لين جاء وقت العشاء]
__________
أم حمّد: ماشاءالله كم عمر امجاد يا أم سلطان
أم سلطان: عمرها ٢٠ يطول بعمرها وعمرك
أم حمّد: والله القرب منكم يشترى ي أم سلطان ودنا ب أمجاد لـ حمّد ولدنا
(ام حمود غصت بالقهوة من الصدمه, بس ما عارضت على الموضوع برغم من معرفتها ان حمود يحب أمجاد)
_____
[البنات كانوا مصدومين وأمجاد صدمتها اقوى وكانت تطالع في أمها تنتظر ردها]
أم سلطان: الساعه المباركه لكن الرأي رأي البنت وأبوها
أم حمّد وعينها ما انشالت عن امجاد: الله يكتب الي فيه الخيره والقرب منكم خير

البارت(17) قريب بأذن الله ❤️
صلوا على النبي 🌟