"ديرة امجّاد وهني قلب خفق في حبها"

البارت(14)

وفي صباح اليوم الثاني(وبعد ما افطرو)
ابو سلطان:قم يا فهد شغل السياره
ابو حمود:محد بيروح الا انا وانت وانا الي بسوق
فهد:انا بروح
ابو حمود:اجلسو عند الحــريـم وازهل الموضوع
فهد:ياعم ترا النار تشب بصدري من امس خلني اريح نفسي و اروح معكم
ابو سلطان:فهد انت متهور هذا وانت ضابط ماينفعك تهورك هذا بعدين اركد يا ولد
سلطان:طيب اقل شي خلوني اوديكم انا!!
ابو سلطان:سمعت كلام عمك انت وياه خلاص
ابو حمود:توكلنا على الله يلا يا ابو سلطان
(وراح ابو حمود وابو سلطان لـ مركز الشرطه)
عند الحــريـــم:
العمه مرزوقه بهمس :مزون ساعدي البنات في المطبخ
مزون:وش كثرهم يكفون
العمه مرزوقه:ما فيك علاج يا هالبنت 
(قطع كلامهم صوت فهد وهو ينادي امه من ورا الباب)
فهد:احد قدامي؟
العمه مرزوقه:اي اصبر" وعطت مزون جلال الصلاه"
العمه مرزوقه:ترا بثينه في المطبخ وش بغيت؟
فهد بحده:طريق وبس ما راح ادخل المطبخ
ام حمود:خلاص ادخل متغطين
"طلعت ام سلطان اول ما سمعت صوت فهد"
ام سلطان:سم يا فهد وش بغيت
فهد:ابي وحده من البنات تغسل ثيابي الحين
ام سلطان:الله يهديك البنات مو فاضين ينظفون
العمه مرزوقه:مزون ما عندها شي بتغسله
مزون:وخير خواتهم وينهم!!
العمه مرزوقه بهمس:اسكتي ترا هذا فهد
مزون:ما راح اغسله مو خدامه عند احد
فهد لف وجهه وبحده قال:انا ما طلبتك تغسلينه ولا وجهت لك كلام
ام سلطان:خلاص عطني اياه و روح
عن العيال:
حمود:اليوم لازم نكلم ابوي وعمي نطلع المزرعه ونشوي ونولع النار ونغير جو
ثابت:اي والله ما تهنينا امس
فهد:ان شاء الله عاد موضوع عيال الكلب ينحل
حمود:خلاص يا رجال لا تبالغ بناخذ حقنا بالقانون بالغصب
(قطع كلامهم كلام نايف لـ قمر وهم يستمعون لهم)
نايف:انتي صغيره وانا كبير احسن انتي نونو
(الكل كان يضحك من سوالف نايف وقمر صغيره ما تفهم كلام نايف🤣)
(وكان نايف يسوالف مع قمر وشوي يتهاوشون على لعبه وشوي يحبون بعض والعيال يتفرجون فيهم ويضحكون)
عند البنات في المطبخ:
سجى:الا امجاد غريبه ليه امس قمتي من عندنا في المزرعه ودخلتي بعدك على طول قام وراك حمود😂
"امجاد ضحكت وبدت تسرد لهم احداث امس"
بثينه:مو هنيه الي اسمها مزون!!
سجى:اهم شي انه اعتذر وعرف انه غلطان
شوق:من قدك يا امجاد😉
(قطع كلامهم دخول ام سلطان)
ام سلطان:وراك انتي وياها جالسين في المطبخ اطلعو اجلسو معنا في الصاله
عند العيال:
(بعد ما رجع ابو سلطان وابو حمود من مركز الشرطه وانحلت المشكله والعمال بيترحلون ل ديرتهم)
فهد:اههخ وش يشفي غليلي
ابو سلطان:فهد اعقل قلنا انحلت
فهد:ابشر طال عمرك
حمود:بما ان كل شي عدا على خير وش رايكم اليله نتعشاء في المزرعه ونشوي ونشب النار ونغير جو
ابو سلطان:فكرتك ماهيب شينه
سلطان:اي والله ننبسط شوي في المزرعه زمان عنها
ابو حمود:تمم اجل
..(نسرع الأحداث شوي...)..
بعد صلاة العصر:
(العيال وابو حمود وابو سلطان كلهم راحو المزرعه يفرشون الزل فيها ويشبون النار )
ثابت:الحريم الجهه ذي وحنا هذي
سلطان:اجل انا بروح البيت اغير ملابسي و اودي نايف لـ امه وبجيكم
(راح سلطان البيت ودخل غرفته الا وبثينه موجوده في الغرفه كانت تنظف الغرفه)
سلطان:انتي هينا
بثينه:ايه انظف
سلطان:جيتي وجابك الله خذي ثوبي غسليه بالله
بثنيه:عندك كم ثوب غيره خله اغسله على راحتي
سلطان:اجل ولا نتعب بثينه تبشرين شي ثاني؟
بثينه بأحراج:ابد سلامتك
سلطان قرب من بثينه:طيب شلون انا مشتاق لك تدرين
بثينه: انت مشغول عنا كثير توك تشتاق ؟
سلطان:بس انتي تعرفين اني الكبير واذا جيت عند ابوي انا الي اقوم بنص الدنياء
بثينه:وعذرك معك يا حبيبي يلا نزل ثوبك
(سلطان قرب منها وحضنها وباسها فوق راسها )
وقال سلطان: انا وين القى مثل بثينه
بثينه:الله يخليك لـ بثينه
سلطان:يلا عاد تأخرت عن العيال خلصي شغلك بدري و روحي لأمي والبنات وتعالو مع بعض
(وبعد ما الكل اجتمع في المزرعه وحول النار وكان الجو شوي بارد)
ابو حمود:راح نختبر العيال اختبار معي يا ابو سلطان
ابو سلطان: ابشر بي اسلم
ابو حمود: راح اقيس سرعتهم في الشعر والقصيد
ثابت: نبدا من الكبير من عند سلطان
سلطان:الله ينكب عدوك يا ثابت
ابو حمود:عادي معليه خذ وقتك ب القصيد
فهد:وش تبون نوع القصيد؟
ابو سلطان بضحك:غزل خلوني اكشف خافيكم
سلطان:انا ان قلت غزل ما اقصد الا ام نايف
سجى:من مثلك يا بثينه😉
بثينه بأحراج:خليني اشوف مهارات سلطان
ابو حمود:يلا يا سلطان قول ما عندك؟
سلطان:
أنتَ الذي إن قُلتَ لي طابَ المَسا
‏ طابَ الفؤادُ بعدَ قولكَ أدهُرا
فا أنت المساءُ وأنت الصُّـبحُ كلَّهُما
‏فأنت كونِي وكلُّ الناسِ أجـرامُ
ابو سلطان:والله يجي منك
ابو حمود:لا ماشاءالله وبعد فصحى؟
ثابت بضحك:كيف عرفت اني معلم
سلطان:دورك جاي لا تخاف
العمه مرزوقه:تستاهل بثينه
فهد:ياليل المتزوجين يعني انا اقول غزل في من الحين
ثابت:في زوجتك المستقبليه اخلص علينا بس
ابو حمود:دورك يافهد
فهد:لازم غزل
ابو حمود بضحك:ايه انت بذات قول غزل يلا
فهد:
عسى وجهٍ مثل وجه أمي ملاه النُور
‏أشوفه طول عمري ضَاحك وراضِي
ابو حمود:هذا فهد وعرفنا ان ما وراه علوم
ابو سلطان:فهد يارجال الله يعين زوجته انسان تعجز تفهمه
فهد:وش اقول تعرفوني ما احب الغزل واجد وهذا الي طلع معي
ابو حمود:ماقصرت قصيدتك ماعليها
ام سلطان:الا قصيده فهد احسن قصيده متأكده
ثابت:يمه كلنا عيالك
العمه مرزوقه:لا تهرج واجد دورك يا ثابت
ثابت:
جميل وبالحلا  مالك مثيل والقلب
عقبك زادت طعونه شوفك دوا لأهل القلوب
المعاليل واللي يشوفك كان الله بعونه .
سلطان:يجي منك
ثابت:هذا وانا مو شاعر جبت ابيات اطلق من الفصحى حقتك
ابو سلطان:لا الكل للأن وضعه في الشعر حلو
ابو حمود:نشوف حمود يلا دورك
حمود رفع عينه على امجاد بدون ما يلفت انتباه احد وقال:
سبحان من حط الحلا في عيونك
‏ووزّع على باقيك حلو التواصيف

‏كيف اقنع ابيات الشعر يوصفونك
‏وانت بجمالك فوق كل التعاريف

‏يكفيك قلبٍ حالفٍ ما يخونك
‏من يعشق الغالي يسوق التكاليف

ثابت:  وراك علوم انت
سلطان:ابيات جزله
فهد:شاعر من ورانا
حمود:لا والله بس قلت اتحدى نفسي في الشعر
ابو سلطان:فاز عليكم حمود خلاص
(شوق كانت تدق كتف امجاد وتغمز لها والبنات كانوا عارفين ان حمود يقصدها الا الباقين وكانت امجاد في احراج ومبسوطه من داخلها حيللللل والمشاعر تحركت عندها)